泰式食

Open Now

Now Closed

9 月份又係泰國菜~~~今次去銅鑼灣泰式食~ 阿妹訂o左位一入門口暗暗的好有氣份, d 枱枱櫈櫈好似入o左森林咁......仲有架篤篤o係度, 可以比d 小朋友影下相, 哈~~個餐牌好特別, 有支叉o係度做書釘咁好豐富地叫到一枱都係野食!有蝦餅, 聖子, 炒雜菜, 柚子沙律, 炒飯, 東蔭功湯蝦餅咬落好彈牙, 不過得三件聖子都幾算肥, 還算新鮮, 4 個人食都夠分, 辣辣地, 有外於豉椒炒的另一種香香的野味!!炒雜菜相比之下變得淡淡的柚子沙律用了很多柚子, 每一口都有大啖的柚子肉, 酸酸的+辣辣的, 絕配!!這個應該是蝦醬炒飯了, 太耐喇唔記得, 可想應該係一般飽肚的炒飯不可不提, 不會不試的, 在香港人心目中已成為標誌的東蔭功湯!!好多大大隻的蝦, 那種香茅中帶住點點椰香, 再加上陣陣的酸辣, 正~整體上來說, 環境是很好, 食物的質素也不差, 但不是特別的好, 服務略欠有點遲緩~~

好難得約到班舊同事食飯, 而大家又想食泰國菜, 地點係銅鑼灣, 其他出名少少都試過啦, 所以就試吓呢間就腳0既泰國菜!入到去首先覺得裝修好特別, 有架車近門口位, 好靚0架, 可以影相. 另外個餐牌幾有心思, 用木做, 入面仲有隻叉做裝飾. 食物選擇都好多, 餐牌有哂相方便選擇. 我0地點0左冬陰公, 柚子沙律, 木瓜沙律, 飛天通菜, 青咖哩雞, 燒豬頸肉, 辣椒膏炒蟶子, 炸蝦餅, 肉碎豆角, 泰式炒飯, 炒金邊粉, 點0既都係最基本的泰國食物, 味道方面就沒有太大驚喜, 最吸引0既係大蝦蛋包金邊粉, 個賣相好靚. 我最欣賞0既反而係甜品, 南瓜布甸真係好好味, 又唔係太甜,好似食緊南瓜咁.地方坐得好舒服, 又唔係咁多客人, 服務又親切, 大概十點鍾, 仲有人表演彈奏添, 價錢大眾化又不失為一個聚會熱點.