泰式食

Open Now

Now Closed

八點前入位，等咗成個鐘（差唔多到九點）先嚟得一個餸同一杯嘢飲。仲要因為我哋吹咗佢幾次佢先勉強咁上一道菜（豬頸肉）。之後不停都叫咗佢哋好多次，一係就扮聽唔到（好肯定係扮聽唔到，因為我哋大聲到係連隔離啲客人都聽到佢都可以冇反應），一係就敷衍我哋話嚟緊但係等咗好耐都仲係冇。（敷衍我哋嗰個仲係老闆嚟嘅。）佢勉強上嘅嗰度菜係豬頸肉嚟嘅，上到嚟嘅時候啲食物已經有少少凍冰冰。而家經濟咁差，點解啲服務態度都仲可以咁？如果大家超有耐性同甘心做水魚嘅咁就歡迎大家去食。

起26/12，因為親戚介紹，所以選左呢間慶祝聖誕節。環境幾有泰國特色，尤其是去擺左泰國嘟嘟車做裝飾，幾正下。當時叫左套餐再加芒果糯米飯，食物幾符合香港人口味，未係好辣，不過都食到佢地層層嘅香料。尤其是佢個名爐烏頭魚最推薦，魚香肉滑，配上個泰國辣汁酸酸辣辣，同香矛九層塔等香料一齊食，超香。燒豬手都非常之唔錯，豬手皮脆內軟，都有骨膠原，但係唔會好難咬。不過燒豬手就會冇咁多香料調味，而係食到佢原味做主打。最後芒果糯米飯亦都係幾好。尤其是個白糯米軟軟熟熟，配上芒果同椰汁一齊，香甜軟糯，不愧係泰國嘅特色菜之一。總體而言環境幾有泰國特色，食物雖然會因為香港人口味而調得冇咁辣，不過都可以食到佢本身泰國獨有嘅特色口味。值得同親友一齊食。

銅鑼灣必食半自助泰式午餐， 街坊價錢， 性價比極高。 主食+飲品+沙律吧+湯沙律吧一般會提供兩款沙律，都是十分搶手的， 無限refill。 一般來說一個泰式一個西式。 湯也是一樣也太適冬陰功湯及中湯，湯的味道偏淡，但仍然是有冬陰功的味道。喜歡用電子支付的朋友要特別注意， 店內一定要超過一定金額才能使用電子支付。

今日行過銅鑼灣，朋友帶左我黎金百利既依間泰國野食，話佢個半自助午餐好抵食。估唔到餐廳鋪位都幾大，12點半黎已經坐滿曬人。午餐選擇都好多，72蚊半自助，算係好平了。任食既有兩款頭盤，分別係炸餃子及薯仔沙律，炸餃好正，香脆到爆！而湯有兩款，個人比較中意佢個冬陰功湯，用料好豐富！主食叫左佢個泰式椰香辣醬牛腩飯，隻色似紅咖哩但食落又唔係，有好濃既椰奶味，感覺有d 似葡汁，但又有小小辣味，幾特別。而佢非常適合送飯食，好正！另外值得一提係佢既泰奶，非常好飲！茶味幾出而奶味夠，配合得好好！值得一試！

食咗好多次依間嘅半自助午餐，午餐款式好多，價錢相宜。仲要有啲泰式沙律前菜同冬陰功湯任飲任食👍🏻👍🏻服務態度又好、環境又靜又大，最鍾意一個人係度舒舒服服慢慢嘆🥰

平價泰式午餐，我鐘意佢既足料既泰式冬陰功湯，濃厚既番茄🍅同埋香草雞肉味，唔係太辣，可以接受到。另外又有中湯，木瓜雪耳湯，我每次來食都飲好多碗湯😍😍午餐方面份量恰當，仲包埋一杯熱飲，係午餐供應時間無時間限制。我就點左菠蘿臘肉雞肉炒飯，材料唔算多，飯既量反而多，食唔晒要打包

長期在銅鑼灣工作，最苦惱的大概是中午吃什麼，這一間幾年來吃了無數次，每次想不到要吃什麼的時候就會來這裡吃。我記得平日午餐才有半自助，週末是沒有的。半自助午餐有兩種前菜任食，多數是水果薯仔沙津丶泰式粉絲沙津丶炸雲吞丶蝦片等其中兩種。另外還有中湯和泰國東陰公湯可自行添置。我常點的炒通菜配豬肉，喝了湯和前菜基本上都半飽了，通常都點少飯才能吃完，飯後還有飲料。餐點的品質很穩定，用的菜也新鮮，調味充足。辣醬牛肉和炒河粉也是我常吃的餐點。

銅鑼灣的金百利廣場有多間美食餐廳，當中的「泰式食」環境舒服，價錢親民，菜式選擇豐富，而且服務不錯，十分適合與朋友聚會！🐟泰式明爐烏頭 Thai Style Steamed Fish on Stove Tray (Mullet) ($188)上枱時有明火為烏頭一直保溫；魚肉湯身，鮮甜可口，湯汁由香茅、辣椒、蒜頭及青檸等惹味食材煮，味道酸辣香胃！🎃紅咖喱焗南瓜海鮮 Baked Red Curry Seafood in Pumpkin ($168)咖喱香甜不辣，南瓜肉厚，口感鬆軟；加入蝦肉、魷魚等海鮮，香氣洋溢，送飯一流！🥬飛天通菜 Sauteed Morning Glory ($72)必食泰菜—通菜，口感爽脆，後勁香辣惹味！🥗泰式木瓜沙律 Papaya Salad ($76)木瓜絲香脆爽口，加入紅蘿蔔絲及花生粒，味道酸辣鮮甜，開胃十分！🍍菠蘿炒飯 Pineapple Fried Rice ($95)菠蘿味道甜甜，飯粒分明；加入腰果及肉鬆等，口感豐富！

香港不乏泰國菜，能在港光輝二十載，唯獨這間【泰式食】！整個餐廳環境獨特唯美（很多朋友在這裡搞生日聚會喔），帶有神秘氛圍，進店秒感泰式風情，極多打卡位，超出大片！推薦菜品：1。馳名黃咖喱軟殼蟹：絲滑濃郁的咖喱味和蟹肉的鮮甜美妙在口中交織纏綿，令人無法抗拒的美味！2。醃鮮果伴盲曹（魚）：炸得外酥里嫩的魚，搭配泰國風味的醃鮮果，色彩瑰麗，精美絕倫，色香味俱全！3。芋巢沙拉蝦：精美的芋巢，鮮嫩彈牙的蝦肉裹著濃香的沙拉，一口就讓我淪陷了，超級好吃！4。冬陰功湯：湯汁濃郁鮮美，食材豐富，香辣微酸的滋味牢牢附著在味蕾，讓我上癮一般的愛上它～5。泰式蝦醬炒通菜：通菜清脆，融入泰式蝦醬，口感超棒！6。情誼綿綿芒果糯米飯和清甜的新鮮椰汁，猶如夏日的清新之感～太愛了！PS：餐廳價錢實惠，whatsapp 訂座，晚市時段光顧HK$500以上，還送價值 HK$108蝦麵卷喔!

之前喺銅鑼灣，行行吓肚餓，突然間想搵泰國餐廳食。跟住我哋就見到一間叫做泰式食嘅餐廳。一入到去見到裝修有好濃厚嘅泰國風味之後，我哋就叫咗好多道唔同嘅泰式菜。我覺得好好味，尤其是佢每一樣嘢都有加椰奶。因為本人唔太接受到太辣嘅。醬汁會比較偏甜。

在銅鑼灣午餐食泰國菜，這間食店地方很大，坐位很多，而且午市人流很多，今次叫了一個海南雞飯同焗咖哩雞飯，一杯凍奶茶和特飲。午市有自助式沙律及蝦片，一款中式湯水及冬蔭功雞湯。飯的份量充足，味道偏濃。至於湯的味道好好，湯料很多。特飲草莓石榴梳打都OK。

個人是偏愛泰國料理，可能是父親相係，從小經常接觸東南亞美食，所以特別偏愛酸酸甜甜辛辣的食物。尤其是夏天更嗜好，今天在銅鑼灣附近工作，想不到吃什麼就會去這間吃泰菜，午餐價錢也很實惠，海南雞很幼滑入味，醬汁很地道，配上奶茶跟雞油飯一絕。我平日是不太愛大米🍚，也吃了很多！濕炒河、青咖喱跟豬手之前也是愛點的菜式之一。推薦給在附近上班的你，日常工作吃飯的好去處。

除咗日本嘢，唔計ADB，泰國嘢就係我第二飛佛。銅鑼灣有好多泰菜選擇，但呢間個賣點竟然連埋前菜湯水，無限任添！主食選擇多，作為菠蘿炒飯控嘅我，呢度嘅《菠蘿雞肉臘腸炒飯$68加一連凍飲》一次過滿足曬兩個願望。主餐勁大份夾足料。 連埋我至愛嘅鮮果薯仔沙律，中湯同埋冬陰功 ，真係飽到捧住個肚走！前菜每日有兩款，日日不同。逢星期二、三、五就有新鮮水果沙律。老闆娘話因為逢星期一、四通常有炸物、炸雲吞。飲食要健康，所以第日就會提供水果， 好貼心呢～ 人又好，嘢食又好味，價錢又唔貴，咁屈機得唔得㗎！一個月點都會食一次呢間，性價比同回頭率極高！💡💡💡💡💡

今日一起身見天氣好好，出去郊遊最合適不過。去完香港仔行山之後就搭車落左銅鑼灣搵食。下午茶時段搵食勝在位置多野食抵。行行下去左金百利商廈，果度都有幾多食肆😂最後去左食泰國菜，泰式食😂估唔到佢無落場仲有下午茶食，我地一人叫左一個餐，炒粉絲加海南雞飯。海南雞飯不過不失，正常份量，炒粉絲真係唔錯，炒得剛到火喉野飲係下午茶餐送既，椰汁冰。我叫左青檸梳打😛埋單一人幾十蚊，野食質素都真係唔錯，有機會可以黎多次。

在銅鑼灣鬧市食午餐又要好坐，又要好味又抵食，實在不是太易。我很喜歡到在崇光百貨公司附近的這間泰國餐廳，貪其座位寬闊，一個人有自閉位，多人又可以坐在寬敞的椅子上。午餐有很多款式，我記得有咖喱雞飯、濕炒牛肉或雞肉河、香葉肉碎飯、炒金邊粉，又有豬手飯，林林總總，很多款式🥰，價錢是$70 以下，還包了任食沙律、任飲湯今天中湯有紅蘿蔔冬瓜煲雪耳，這裏的湯材料十足，又夠火喉，我最欣賞。冬陰功湯也不錯，酸酸甜甜，有很多雞肉，全部任飲今天的沙律就普普通通，有時有蝦片，炸得脆脆主菜我叫了焗咖喱海鮮飯，咖喱汁不會太辣，海鮮的材料尚算合格。凍飲不用加錢，也值得一讚