富士山55 (拉麵沾麵專門店)

Open Now

Now Closed

柚子沾麵 $98配料有溏心蛋、紫菜、荀、醃蘿蔔、日式叉燒。溏心蛋唔夠入味同熟咗少少；醃蘿蔔偏酸，幾清新開胃；叉燒肥瘦均勻，唔柴，但略嫌冇咩味道。沾麵有彈性；湯底濃厚，重味，加少少清湯再食會比較好🥲白湯豚骨魚介拉麵 $89配料有溏心蛋、木耳絲、荀、日式叉燒。拉麵麵質同沾麵唔大分別，滑身彈牙，湯底魚介味唔夠香濃，味道好單薄。唐揚炸魷魚鬚 $58炸粉脆口，魷魚鬆唔靭，味道正常。名古屋醬油黑椒雞翼 $38雞翼好瘦冇肉，肉質又柴，冇咩味，完全唔掂👎🏻〰️〰️〰️〰️〰餐廳嘅海膽沾麵同海膽拉麵係招牌菜，但我冇試😅 咁唔知係咪揀錯咗麵嘅關係，我覺得呢間餐廳好一般，湯底普通，麵質普通，唔知點解佢係網上可以有咁多好評🤷🏽‍♀️ 明明呢個價錢有好多質素高好多嘅餐廳可以選擇🧐〰️〰️〰️〰️〰️食物: 2.5/5性價比: 2.5/5 環境: 3/5服務: 3/5Revisit: No

某星期日中午去完科學館睇恐龍🦖之後太肚餓就openrice附近嘅拉麵舖然後發現呢間好近就去trytry------------------------------唔洗等位 門面感覺已經好似日本💮入到去係open kitchen木枱木凳（用到舊舊地）仲有後門開住門通去商場店員就安排我地坐吧枱--嗌左一人一個沾麵（坐吧枱好處就係望住師傅整野食）大概5分鐘到第一碗送到--⭐️特濃豚骨沾麵 $88⭐️豚骨湯有個熱石鍋同火keep warm我試左一啖湯 的確係好濃郁豚骨味😋又冇想像中咁濃咁誇但佢唔會濃到滯麵質都彈牙沾到湯（對比起多X野嘅麵質當然冇咁彈牙同冇乜麥味）--再過多5分鐘就輪到我嘅沾麵嚟--⭐️柚子沾麵 $88⭐️我第一次食柚子沾麵右：叉燒+蛋+紫菜中：麵底（同豚骨沾麵嘅麵底唔同🤨佢係白色麵，好似上海舖食嘅麵咁，但再粗啲啲）+筍+醃蘿蔔（薄片）左：柚子豚骨湯--食落第一個感覺👉🏻🤩好清爽！又有豚骨味我見佢煮好似加左啲柚子胡椒(?)再夾埋醃蘿蔔食😍好爽輕鬆食晒成碗～一致認為柚子沾麵好食啲👍🏻👍🏻👍🏻👍🏻👍🏻------------------------------我地覺得多X野一半價錢食到呢個質

第一次係香港食沾麵就係係富士山55，不過係銅鑼灣店，都三年幾前啦，原來銅鑼灣店已經執左，依家得尖沙咀有得食。個陣食完覺得好滿足好好食，仲有得整雜炊食，前幾日係尖沙咀剪完頭髮後搵下附近有咩食，見到有富士山55，就過黎食拉麵啦，不過我地食完有啲失望😢我叫左柚子沾麵 ($88)。唔係等左好耐就有得食都幾好，先上左拉麵湯同叉燒，再等多陣先有拉麵🤣枱面好細，但要放三碟野係到🤣拉麵上面舖滿蘿蔔片，沾上柚子豚肉湯食，我覺得個湯都重柚子味，但係唔夠濃。叉燒有兩塊，食落覺得硬左啲，拉麵我揀左正常硬度，但係食落我覺得偏硬咗少少，整體嚟講我覺得麻麻地。老公叫左濃香櫻花蝦沾麵 ($98)櫻花蝦湯好香，面頭都灑上好多櫻花蝦，睇落好似好正咁。老公話個湯都OK濃(不過一生懸麵嗰個好食啲🤣) 叉燒同埋拉麵都一般，不過不失，但係佢話啲筍唔好食，有一陣味，日本拉麵店既筍係唔會有呢浸味喎，所以佢一直喺香港食拉麵都走筍(除咗去食一生，個間冇呢個問題)。店舖方面入面唔算大，有可以坐bar枱或普通枱，裝修方面其實都好似日本拉麵店，就當自己去咗一次偽旅行，不過冇下次了😢.

今次係隔咗幾年再嚟 見晚市開返 諗住近近哋食多次 點知質素全面一落千丈……唔算好多客 一入去就有得坐低 落咗單等到另外兩枱新客有嘢食我哋都未有 點知原來漏咗單 下？！落完單佢仲已經俾咗張單我check有冇錯 客又唔算多都可以漏單 sorry都無句就行埋咗一二邊 跟住嘢食終於嚟 又講到一舊舊 撈亂哂啲嘢食 柚子沾麵啲湯又鹹又超稀 完全無掛麵嘅效果 雖然柚子味清新 但係真係鹹到要係咪飲水 櫻花蝦沾麵就好少少 另外仲叫咗炸雞 30幾蚊5舊雞不過不失啦總而言之 咁嘅服務態度 服務質素 食物質素 肯定肯定肯定唔會再嚟 完。

已經好一段日子無食55 了～沾麵剛入黎香港個陣，55 係我既最愛，個陣一個月都會食一次當晚甘岩係半島中心做完野，就一於重拾舊味道叫左個新款，柚子沾麵但一上台就有d 失望了，之前個湯底係滾住上台。。。依家睇相就知。。試飲一淡湯，都唔係熱到飲唔到，只能叫熱湯有少少苦澀味，應該加左d 柚皮煮，但陣味同個湯係唔夾。。。面上面既係酸蘿蔔，夠酸爽，好開胃肉就半肥瘦，唔錯，將面條加入湯沾黎食，可能個湯唔係好漲好杰身，掛湯能力一般。。同埋食左一陣面，個湯已經完全唔熱啦男友叫既特濃辛辣，辣味好快攻入黎，但亦都好快散，但隻辣係唔香既，湯底杰身d, 同埋叫左軟面係幼面黎， 可以掛更多汁男友就覺得唔錯沾麵最著重就係湯底同熱既程度，兩樣都滿足唔到。。失望而回

富士山55 以海膽沾麵聞名，不過係排隊等候既時候，見到有季節限定既柚子沾麵，就禁不住試下啦！d 白蘿蔔好好味！好fresh好開胃仲加左兩條小露荀做decoration!好有心思丫！ 不過個沾麵湯就比較失色，因為比較酸，有少少古古怪怪。原味豬骨湯會好味過柚子味。 由於坐係吧枱，睇住疑似負責洗碗既店員，戴住黑膠手套，將d 現成一粒粒既章魚小丸子放去光波爐燒返熱再加d 汁就算⋯ 然後同一店員轉個頭就拎d dirty ge 碟放埋一邊⋯就blacklist 左呢間店既小食嚕！ 感覺上唔衛生，同埋負責清潔碗碟既店員點可以同一時間負責埋煮野食！

沾汁--這裡的特別之處是有IH爐可把沾汁翻熱。沾汁主要味道是魚粉及豚骨湯味，雖有把柚子皮放進沾汁，但整體味道仍偏重於豚骨味及魚粉味，柚子味道較淡不突出。近似同類型味道的還有「漁場台風」、「隱家」、「三田」、「Agura」等等的基本款式沾麵，其中以「三田」的沾汁味道較鮮味及濃厚。 麵條--有小麥香，麵條太滑較難夾起，想把較多的麵條夾起來不太容易，吃起來不太順暢，掛湯力還可以，亦有咬勁。半煮蛋--不太流心，卻不太影響其表現，蛋香味濃，蛋白是偏向硬的類型，有咬勁是其優點。叉燒--有火炙過，味道偏淡，肉香不突出，但依然比「三田」好。個人認為香港拉麵界現在以豚骨沾汁加上魚粉的沾麵開始普遍，很多拉麵店也有推出; 雖然現在的「富士山55」沾麵水準仍然不錯，但在越來越多沾麵店的情況下，論個性及水準方面未致於令人有想一吃再吃的感覺。反而這裡的名古屋撈麵才是具個性及美味的，令人留下深刻印象。