茶墨 (Closed)

之前七五折買咗張$100蚊茶墨現金卷，可以用黎買下午茶，一次過食曬蛋糕、雪糕同飲品。🌖焦糖芝士莓莓茶 $43莓莓茶其實士多啤梨🍓茶，飲落清新唔會太酸；面層嘅芝士真係有焦糖味！呢個配搭幾新鮮，平時焦糖多數都係配咖啡，今次算係第一次同生果係飲品行埋一齊，夾就唔算好夾，但係都唔算突兀👍🏻。🌗焦糖芝士芒芒茶 $35一入口好淡口，只得茶味冇乜芒果🥭味，吞咗之後個芒果味先走番出嚟，估你唔到手搖飲品都有aftertaste 😱。🌖鐵觀音意大利雪糕 購買飲品追加+$28淡淡茶香唔算好甜，追加有一大球都幾抵食。🌖栗子蒙布朗 購買飲品追加+$32中間切開白雪雪一片，以為係cream 會好漏，但食落應該係蛋白，仲包含咗少量栗子碎係入邊，配上面層嘅栗子蓉同埋底層朱古力蛋糕。淨係食呢個甜品就真係幾甜，但配埋嘢飲呢又啱啱好喎👍🏻。

之前IG見到人地飲已經覺得好靚，今日行行下街喺The One見到就即刻買番杯試下先🥰我想講佢地杯野飲真係大大杯🤭飲完飽到好似食左個tea咁🙈🎈麻糬芋泥茉莉鮮奶綠 $39真材實料勁多芋泥，多到可以用匙羹不出黎食🤣🤣除左芋香味夠，配埋淡淡茉莉茶既香，整個感覺又幾平衡。麻糬size又岩岩好，唔會太大粒咬到好累😆😆🎈黑糖珍珠芒果鮮奶 $39珍珠煮得好煙韌，黑糖味比芒果味更突出，夏日消暑岩晒😁🎈栗子蒙布朗 +$32我真係好鍾意食栗子甜品，如果個肚有位都一定會好想食😋😋於是就叫左個兩人share。我就覺得個栗子蓉甜味重咗少少，搶左少少栗子味，不過底層蛋糕好軟綿綿，整體都好食😆#YummyLifeKat