茶墨 (Closed)

之前七五折買咗張$100蚊茶墨現金卷，可以用黎買下午茶，一次過食曬蛋糕、雪糕同飲品。🌖焦糖芝士莓莓茶 $43莓莓茶其實士多啤梨🍓茶，飲落清新唔會太酸；面層嘅芝士真係有焦糖味！呢個配搭幾新鮮，平時焦糖多數都係配咖啡，今次算係第一次同生果係飲品行埋一齊，夾就唔算好夾，但係都唔算突兀👍🏻。🌗焦糖芝士芒芒茶 $35一入口好淡口，只得茶味冇乜芒果🥭味，吞咗之後個芒果味先走番出嚟，估你唔到手搖飲品都有aftertaste 😱。🌖鐵觀音意大利雪糕 購買飲品追加+$28淡淡茶香唔算好甜，追加有一大球都幾抵食。🌖栗子蒙布朗 購買飲品追加+$32中間切開白雪雪一片，以為係cream 會好漏，但食落應該係蛋白，仲包含咗少量栗子碎係入邊，配上面層嘅栗子蓉同埋底層朱古力蛋糕。淨係食呢個甜品就真係幾甜，但配埋嘢飲呢又啱啱好喎👍🏻。