源記甜品專家 (Closed)

每次黎到西環，總會留肚食埋源記既糖水。而每次我都非常專一甘揀桑寄生蛋茶，只會有時加蓮子。也有試過朋友點既陳皮紅豆沙和陳皮綠豆沙，不過味道都一般，價錢比外面稍貴，性價比不太高。這裏的桑寄生蛋茶價位雖然偏貴，但真的物有所值！茶的味道稍甜但又存在涼茶既感覺；而雞蛋不但止外面浸得變成啡色，而是咬開蛋，o裡面都是啡色，可見煮的時間非淺，入曬茶味！好🉐️！另外，心思思想試下全蛋雞蛋糕。有點失望，蛋糕又凍又硬又乾，而雞蛋的味道不太濃。

係附近食完煲仔飯，好想搵d 甜品食下，search Openrice，原來係街口既轉彎位就有一間中式糖水鋪，而且有好多好評添，諗住去望一望! 一去到，門口已經企滿人...心諗晤知要等幾耐...再望真d，原來有一半人等緊外賣，另外有一條人龍排緊隊，大約有十個人左右。應該晤會好耐既，等左10分鐘就入得啦!睇一睇檯面既menu，有幾款中式糖水選擇，其中既杏仁霜同埋桑寄生茶係推介! 吾知試乜好，睇一睇周圍既人有好多都叫桑寄生茶，於是，我同男友就叫左紅豆沙同桑寄生蛋茶。紅豆煮得好諗，都ok既。真係幾好味，甜甜地，個蛋先係重點，平時係出面食呢個糖水既蛋都係外加，蛋白係白色既，呢度既雞蛋係變成茶色，連蛋黃都有少少啡色，亦有桑寄生茶既味道! 去開西環, 可以試下呢間過百年歷史既糖水鋪 (好似係18xx年開始...)，好過好多連鎖式糖水鋪。P.S. 我自己好鍾意中式糖水...

源記，對我來說是充滿兒時味道的地方。記得小時候的我，只消說一句﹕「我想吃源記的桑寄生茶﹗」家父就會立即動身，駕車由屯門到西環吃個糖水，再送我回屯門。現在回想起來，我當時確是個被寵壞的皇帝女，由少就患有公主病。是夜，尚興宴過後，我與另一甜品怪挾持男性友人，跟我們再吃一頓糖水。入店，餐牌也不用看，「給我不一碗桑蓮﹗」本來想要桑蓮蛋，但上一餐的食物還沒消化，為免得不償失，還是留待下次吧。根據擅長烹飪的友人說，這兒的桑寄生先製過的。所以煮出來的糖水跟我在家裡煮出來的不同。這兒的糖水顏色較深，也沒有澀味。吃的時候先是甜甜的味道，過後才會有一點甘甘的味道。蓮子依然入口即化。現在蓮子都去芯了，不會有苦味。但我依然很懷念往時間中遇到的一兩顆帶芯蓮子。這兒的蛋很出名。明顯有放時間去浸蛋，所以蛋會全部入味。因為是浸不是煮的，所以蛋不會粗糙。聞說要雙蛋的話，會是一黑一白蛋呢﹗現在的源記比以前更出名，所以服務跟價位也不同了。時代不斷在變，希望它能保持這兒時的味道直到我跟這兒一樣老吧。

那隻桑寄生蛋是整碗甜品的靈魂！一般都只有表面整色整水，怎可做到整個蛋白變成桑寄生的啡色，但又絲毫無損蛋黃的黃色？當然是源記大師傅的工多藝熟，浸蛋的時間拿捏得恰到好處！很香啊！害得我每次最小要吃兩大碗！由於太多組合，最佳的的囗味配搭是《桑寄生蓮子蛋茶》。湘西盛產紅蓮，要先用熱水浸透去衣，再人手去蓮子蕊 (用鐵線或牙簽去掉綠黃色蕊，否則好苦) ，再用冰糖水煲熟，怎樣做到蓮子外皮脆裡面鬆化，真是高手藝！1.如有意下廚，可到裕記 (天下無敵價那間雜貨鋪) $10買一包桑寄生，加水、片糖或冰糖煲滾2.雞蛋烚熟去殼放在1翻滾，再浸，晚上可放在雪櫃浸過夜1-2天3.去皮去蕊之紅蓮(不可用已去蕊的白蓮，因太硬)4.食用時將1,2,3放在一起翻滾，凍熱食皆可！

10月4日, 睇完Misia演唱會又唱又跳之後, 強烈需要補充番d energy同埋滋潤下個嗌爆咗既喉嚨!! 所以就去咗源記食宵夜喇~ 去到都差唔多收舖, 但係仲有好多人食緊呢!::: 陳皮綠豆沙 ::: $13綠豆沙唔係通常用昆布架mei? 細細碗熱辣辣~ 綠豆煲到起沙, 微甜但清香~ 不過就稀咗少少!::: 桑寄生蛋茶 ::: $17而家好多新派糖水舖都唔會有~ 不過我都幾鍾意飲, 一碗甜茶, 加一隻蛋, 味道十分好~ 好耐冇飲, 覺得好好飲~舖頭既格局同d伙記伯伯都比人一種好懷舊既感覺~ 款式都係得紅豆綠豆花生合桃露桑寄生茶呢d左溝右溝, 而且所有糖水都淨係得熱… 冇凍野架!! 所以我地呢d後生仔女會覺得唔慣~ 不過都好想試下佢既雞蛋糕~!

吃過了坤記煲仔飯，習慣性地也會順帶過來這裡"朝拜"一下，一是要為剛才火氣高燒減壓一下，二是為了那鬆化無比的蓮子。想了又想，還是選了最喜好的桑寄生蛋茶，原因簡單得很。蛋是出名入味"糖心"，剛好的甜度完全沒有一分飽滯感。蓮子，雖然跟家附近的糖水一樣會出現一點點的蓮子芯，不過其鬆化程度仍是全港之冠，那有不吃它的理由﹖最後的茶，雖然是每天即日製作，但是它的歷史，曾服務過的客人上至官員下至市民如你我，它總是默默地等待著我們再一次來臨，再一次重溫它的輕柔味道。就是如此三點，已足夠成為繼續過來光顧的理由了~跟一行食友說著吃著，人生最美好的事情，莫過於分享自己的所有，這份歡樂你我一樣。