Video
Read full review
2023-08-08
171 views
📌 新肥泉海鮮大排檔 - 佐敦寶靈街17號官涌市政大廈2樓熟食中心🗓(20/7) 星期四 ⏰ 晚上6:30左右💈特式：呢間位於官涌熟食中心嘅新肥泉大排檔，我已經唔係第一次幫襯，貪佢幾就腳，去柯士甸/佐敦都方便，d小炒又有鑊氣，最近留意到佢新增左任飲任食menu，所以就第一時間去約埋朋友去試。🥩🍔🌭🌮🥗🥯🥘🍲🍝🍣🥟🍤🍱食物：去大排檔食小菜，普遍都要成$100/個餸，食海鮮更加要$2~300/份，叫支啤酒又$2~30蚊，而家做任飲任食，最平都只係$288/位，咁究竟有咩食？而家等我同大家講下🔥味道先。🅰️ 任食(小炒+煲仔)2️⃣8️⃣8️⃣/位 - 大部分大排檔見到嘅小炒/砂鍋煲菜/湯羹/炒粉麵都有，種類足足有100款咁多。⭐️如果唔係太愛食海鮮嘅朋友，呢個set真係性價比之冠🅰️+🅱️ 多左(火鍋+麻辣水煮) 3️⃣8️⃣8️⃣/位- 多左12款火鍋湯底同超過40款火鍋配料，仲有幾款麻辣水煮食物。🔤餐(生猛海鮮)4️⃣8️⃣8️⃣/位- 再多左差唔多50款海鮮小菜任食。⭐️鐘意食海鮮嘅朋友，呢個set係必選我同朋友樣樣都想食，所以就豪氣d，叫左🔤set，貪佢咩都可以叫。另外提一提，任食時間只係9️⃣0️⃣分鐘，而且每人每次只可以叫兩
🗓(20/7) 星期四 ⏰ 晚上6:30左右
💈特式：呢間位於官涌熟食中心嘅新肥泉大排檔，我已經唔係第一次幫襯，貪佢幾就腳，去柯士甸/佐敦都方便，d小炒又有鑊氣，最近留意到佢新增左任飲任食menu，所以就第一時間去約埋朋友去試。
🥩🍔🌭🌮🥗🥯🥘🍲🍝🍣🥟🍤🍱
食物：去大排檔食小菜，普遍都要成$100/個餸，食海鮮更加要$2~300/份，叫支啤酒又$2~30蚊，而家做任飲任食，最平都只係$288/位，咁究竟有咩食？而家等我同大家講下🔥味道先。
🅰️ 任食(小炒+煲仔)2️⃣8️⃣8️⃣/位
- 大部分大排檔見到嘅小炒/砂鍋煲菜/湯羹/炒粉麵都有，種類足足有100款咁多。
⭐️如果唔係太愛食海鮮嘅朋友，呢個set真係性價比之冠
🅰️+🅱️ 多左(火鍋+麻辣水煮) 3️⃣8️⃣8️⃣/位
- 多左12款火鍋湯底同超過40款火鍋配料，仲有幾款麻辣水煮食物。
🔤餐(生猛海鮮)4️⃣8️⃣8️⃣/位
- 再多左差唔多50款海鮮小菜任食。
⭐️鐘意食海鮮嘅朋友，呢個set係必選
我同朋友樣樣都想食，所以就豪氣d，叫左🔤set，貪佢咩都可以叫。另外提一提，任食時間只係9️⃣0️⃣分鐘，而且每人每次只可以叫兩款食物，食完一碟就可以再叫，幸好佢地出菜速度超級快，叫完差唔多5分鐘就已經上齊菜。
另外，因為食物種類太多，幫唔到大家試晒，以下等我總括下有咩係回本位同我想食或者覺得應該會好食架啦。
8 views
0 likes
0 comments
🐟🦐🦀🦞🦑🦪海鮮 - 海鮮類就唔洗我介紹，一定係最回本個part，而且街市嘅熟食市場一向攞貨都係比較新鮮，所以質素有一定保證。
當中最必叫一定係鮑魚/蟶子/元貝/蠔/蝦之類，而且除左蟶子外，其他海鮮都起碼有3~4種煮法，包你一定唔會悶。
金銀蒜蒸蟶子
24 views
0 likes
0 comments
招牌豉椒炒大蜆
23 views
0 likes
0 comments
XO醬爆鮑魚煲
17 views
0 likes
0 comments
椒鹽脆鮮魷
30 views
0 likes
0 comments
邪惡黃金大蝦仁
10 views
0 likes
0 comments
西蘭花炒象拔蚌
17 views
0 likes
0 comments
🍲火鍋/麻辣水煮 - 因為最近成日食火鍋，同埋今日嚟大排檔主力係想食鑊氣小炒，所以今日就無試到火鍋，期望下次會再嚟試埋。
🔥小炒/砂鍋煲菜 - 呢個選擇真係多到我有點選擇困難，好想樣樣都試，但根本就無可能做到。當中我好想食同推薦嘅有椒鹽鴨舌/小炒王/沙嗲金菇肥牛煲/黑椒薯仔牛柳粒/菠蘿拔絲咕嚕肉/豉油王新鮮鵝腸/BB鴿/XO醬爆牛柏葉/京都炸豬扒等等，樣樣都係大家耳熟能詳嘅經典大排檔美食。
京都炸豬扒
16 views
0 likes
0 comments
豉油王鵝腸
13 views
0 likes
0 comments
☕️🍵🥤🧋🍺🍷🥃🍹🧉🍾🍶🥛
飲品 : 任飲方面都好豐富，包括有喜力/盧森堡大支裝啤酒，幾款玻璃樽裝嘅汽水，仲有支裝茶，最抵就梗係一支一支大啤咁叫啦。
🍽環境：街市大排檔一向比人個感覺都係好污糟，但呢度我嚟過兩三次，環境又唔算好差，起碼地面都好乾爽，枱面同餐具都乾乾淨淨，以大排檔嚟講都算幾乾淨整潔，不過無冷氣呢層就就真係窄窄地，但好彩有冰凍啤酒飲下，感覺都唔算好熱。
🤵🏻🤵🏻♀️🤵🏻♂️服務：始終大排檔唔同西餐廳，一定唔會提供好似酒店咁嘅服務比你，不過呢d傳統大排檔就會比到一種出面無嘅人情味比你，樓面個姐姐無論落單時或者上菜/收碟時都幾有禮貌，感覺都好nice。
💰💸價錢：今日咁樣喪叫海鮮，仲要不停加啤酒，食左8個餸，埋單都係一口價$488/人，計埋食材/鑊氣，我就覺得仲抵食一般酒店自助餐。
🐲💬總結：我希望老闆會keep住做呢個任飲任食優惠啦，因為我仲有好多小菜想試，下次再嚟飲過。
推薦指數：❤️❤️❤️❤️🤍
Post
