海韻素食菜館

Open Now

Now Closed

星期日放假約埋朋友去郊遊，朋友話想試大澳海韻的八寶鴨，平時人少冇乜機會食到，今次一行七人，一於就去試吓！訂咗位1:45，去到仲要等多20分鐘，我哋之後買海鮮來加工，椒鹽賴尿蝦、白灼海蝦、仲有清蒸魚仔。椒鹽賴尿蝦做得非常出色，味道調校得剛剛好，食完也不覺口渴，當然最緊要海鮮非常新鮮。所有海鮮都鮮甜無比。三樣加工費$220，還算便宜。另定左一隻八寶鴨，鴨肚內裝住滿滿的蓮子和栗子及兩粒起沙的鹹蛋黃，鴨肉用筷子輕輕一夾就散開，應該蒸燉了不少時間，令所有材料味道融為一體，實在美味，八寶鴨工序繁複，很少地方有得食，如果想食最好早幾日預定。剛好有朋友生日所以我哋都叫咗一碟豉油王炒麵，如意長壽咁解，麵炒得乾身多芽菜，味道調校得剛剛好，唯一不滿意就是賣相，炒得太碎太短，好彩味道搭夠。椒鹽鮮魷雖然冇乜驚喜，但味道還是可以的。荔芋卷酥脆可口，淡淡都有芋頭香，酥甫用腐皮卷包住沙葛粒紅蘿蔔粒，酥脆加上爽口，口感層次非常豐富。炸豆腐外脆內軟並不是坊間出邊食到的，有濃濃的豆腐味，食完一件接一件，停不了口。腰果露真的是很一般，雖然甜味適中但太杰唔香，同埋唔明點解咁深色。

去過大澳無數次，唔知點解無去過海韻素食館? 由大澳村口都要行上數分鐘才到達。知名菜式必須提前預留！我自己真的不知道為什麼佢個名係素食館，但係又有肉食，而且不論素或葷菜也見出色！在限聚令下，我們一行六人要分開兩枱坐。我們預留了一隻八寶鴨$450，（據說鹽焗雞也很出色，下次要試吓）。我自己不在狀態，點了一個白粥$12，其他還有椒鹽鮮魷$85、又要荔芋香酥卷$85、香菇時菜$72。因為要分枱坐，隻鴨也要分開上，相片好似唔係好吸引，其實真係好好食，好多料係入面，包括我最愛的漏油咸蛋王。一隻鴨有四個咸蛋王添，點都夠分那掛！個白粥也煲得好出色，好香好綿！我自己只係對個荔芋香酥卷有啲意見，個腐皮太厚了，不過各人各有口味，朋友又話好好，見仁見智吧！今餐食得好滿足！下次要再到訪！😋😋😋

喺大澳遊走完就去食lunch喇...朋友多年前食過「海韻素食菜館」話味道唔錯…所以就選定食呢間喇...見到已甩色嘅路牌就左轉...全程直路就會搵到...去到門口先知有一級…當刻都唔知點好…好在朋友當中有坐手推輪椅而且佢又可以落地行幾步…於是我就轉坐佢部車…齊齊有飯食(yeah！)雖然食店舖寫住「素食」…但其實無關係…事前無預約，等咗一陣竟然有枱！呢度主打食中菜…大家鍾意食乜就叫乜～椒鹽鮮魷 $70新鮮即炸，好食！鹽焗雞半隻$145新鮮雞味道真係唔同d！調味剛剛好，又係好食。咕嚕魚塊$70味道一般蝦醬通菜$入到嚟大澳自然想食蝦醬，正呀！荔芋酥卷 $70又係即炸，超級熱！好食呀，芋頭好粉糯，一d都唔油膩~生炒牛肉飯 $50味道麻麻哋，又唔夠乾身，不過好大碟囉～呢間食店應該有d出名...見到好多人都會嚟食...味道又唔算勁好食...不過價錢唔算好貴....一般人嚟食吓又無妨但對於輪椅使用者嚟講就唔太適合嚟喇...因為門前又有一級...店內空間有少少逼...唔~自己衡量啦

大澳行完山，去海韻食晚飯，因為臨時決定，沒有訂位同訂鷄，夜晚七點幾坐底，鷄同鴨都賣晒了，唯有叫下家常菜食下椒鹽鮮魷必吃吧，鮮魷有鮮味，很爽口粟米可樂盒，好奇試下，伙計話裏面冇可樂的，裏面有粟米薯蓉，少少奶油味，外面炸得好靚，可惜裏面有少少凍，又吾夠滑咕嚕魚，送飯開胃，炸粉很薄吾錯，魚很淋滑椒鹽白飯魚，外面香脆，白飯魚肥大啖啖肉，非常香口鹹蛋蒸肉餅，略為偏鹹，一定要送飯吃魚香茄子，茄子香甜爽口，有鹹魚味，撈飯食一流蒜蓉白菜，吃點膳食纖維吧齋拼盤，點了三拼，芋頭卷和炸腐皮卷都可以，腐皮很鬆化，另外一款比較油膩，下次點二拼可以了

早年有同事告訴我, 大嶼山有一素食館, 打正招牌買素菜, 不過入去的客人卻不吃素, 相反卻劏雞殺鴨, 大口大口地吃肉吃海鮮。由於味道非凡, 因此每到假日客量如潮。聽到這裡令人想起掛羊頭買狗肉的故事, 令人忍不住發笑。到底為何素食館吃蕈比吃素更受歡迎, 相信要由老闆仔親自解釋。 撞正星期六無節目, 所以下午3-4時便一個人直入大澳, 嘗試找尋此間特色菜館。去大澳的遊客, 大部份必往市集方向去, 因此, 筆者亦如其他人一樣, 去了好多次大澳卻不知有此特色菜館的存在。如果沒有朋友介紹, 即使看到巴士站對出的餐廳牌子, 亦不會想到有葷吃。該店位於巴士站右面的南涌村, 需步行15分鐘才到達。試菜當晚已是晚上7時, 人客不算多。一坐下老闆仔奇怪我一個人光顧, 所以沒有介紹本店特色沙薑雞給我。因此, 我向他點了椒鹽鮮魷$78, 份量不算太多, 不過是現煮現炸, 因此熱度好十足, 非常香口。另外, 回點了白粥, 誰知老闆仔說一早已賣曬, 可能是太受歡迎了, 結果點了冿即磨豆漿, 不過口感普通, 沒有如期中滑。最後點了「咸魚蒸肉餅」,咸魚用"或仔", 因此, 梅香味很濃, 肉餅又彈牙, 配上白飯一憨碗又

話咁快就到左晚飯時間喇, 有人推介去海韻素食菜館, 吓! 食齋, 唔係呱!原來呢度有齋食, 亦有肉食, 唔好比個店名呃左沿住河堤一路行一路問人, 行左20分鐘度, 終於搵到你喇我地幫襯D婆仔買左差不多2斤海蝦去加工白灼另外叫左5個小菜一個湯灼蝦--細隻左D,但好鮮甜 (海韻只係加工白灼)粟米魚肚羹--OK 但比較鹹鹽焗雞--唔似鹽焗雞, 似食緊鹹雞椒鹽鮮魷--D粉漿太厚, 唔得!蝦醬炒通菜--蝦醬味濃, 唔錯紅炆魚柳--魚柳又唔腥, 幾好味黑椒素牛扒--個樣又幾似牛扒, 食落有少少黑椒味, 唔錯仲叫左5個白飯, 埋單四佰五蚊度, 加埋D蝦, 平均每人$75.00