海韻素食菜館

Open Now

Now Closed

行山食好西，零舍有動力。尤其係消耗大量卡路里後，可以開懷大嚼！今次約好山友，到大澳行冷門嘅尖峰山（鳳山）和牙鷹山，回程大澳終點，途經大澳南涌村。一早已聽聞海韻大名，牙鷹山下來即刻訂枱。事前已做好資料搜集，叫必試招牌菜式。鹽焗雞：夠滑唔肥有雞味，必點！紅燒豆腐：豆腐滑、豆味濃，有驚喜！聽聞自家製，出面食唔到。酥甫三拼：素食果然出色，荔蓉酥卷外脆內軟，芋蓉綿軟，口感豐富，讚；酥甫很脆；腐皮卷個皮都脆，我食嗰件可能喺邊位，餡略嫌唔夠。蝦醬炒飯：唔油，材料豐富，略嫌蝦醬落得少，未夠鹹香。豆豉鯪魚油麥菜：鯪魚份量少，但油麥菜夠新鮮。椒鹽鮮魷：翻炸，漿粉厚，扣分，可以唔點。總括而言，適合一班朋友坐低食小菜，水準以上。

一班朋友去大澳就係為咗食呢間地道菜館，個個大讚味道好質素高價錢抵。訂位時已預訂鹽焗雞半隻，聽講是名物，味道唔錯，既新鮮且雞味濃。芋頭魚做得好，芋頭夠粉，炸得啱啱好，夠脆口但又唔會炸到好深色。荔芋炸卷亦非常出免，腐皮炸到脆卜卜，包住嘅芋蓉夠香，名不虛傳嘅必點菜之一。蝦醬腩肉係店長介紹嘅，蝦醬好香，五花腩一層肥一層瘦煙韌得黎有彈性，入口又唔會覺得好肥，真係無介紹錯。粟米魚肚羹都唔錯，D魚肚好靚，不過就似乎太多雞肉粒，好似有少少奇怪。八珍豆腐煲嘅豆腐真係一試難忘，豆味出奇地香，香港好少食得到呢D豆腐。洋蔥豬扒有驚喜，D豬扒真係整得幾好食。蒜蓉炒油麥菜勝在新鮮，所以好好食。甜品腰果露又係訂位時訂埋，又香又足料，又係必食嘅。記住要飲埋佢個豆漿，因為豆香味又係好濃，好正。

我一直以來都對本地嘅素食文化感到自豪。最近，我有去到大澳嘅素食菜館，呢度係一個環境優雅、提供高質素素食料理嘅地方。我想提一提菜式嘅種類同創意。菜館嘅菜單非常豐富多樣，我有機會試到好多款精心製作嘅素食美食。佢哋嘅招牌菜「素鹽焗雞」特別令我印象深刻。呢個菜以豆腐為基底，經過特別嘅處理同調味，味道同口感幾乎同真正嘅雞肉無異。每一口咬落去，都能夠感受到豐富嘅汁水同鮮嫩嘅質感，令我好難相信呢個係素食。另外，「素椒鹽鮮魷」同「素八寶鴨」都係我推薦嘅菜式。素椒鹽鮮魷有住鮮嫩嘅口感同香脆嘅外皮，而素八寶鴨嘅外觀同口感幾乎同真正嘅燒鴨一模一樣。呢啲菜式唔止係味道好，都顯示咗素食料理嘅無限可能性。除咗菜式本身，我都對海韻素食菜館嘅食材選擇同質量留下深刻印象。佢哋使用新鮮嘅蔬菜同高質素嘅素食替代品，確保每一道菜嘅口感同營養價值都能夠達到最佳狀態。佢哋嘅廚師巧妙地運用調味料同香料，令菜式更加豐富同層次感，每一道菜都帶有驚喜。

閒日入大澳，去到海韻直入，完全唔洗等位今次跟同事帶路，佢本身係大澳人，推薦幾款小菜😋⭐️紅燒豆腐海韻最出名係自家製豆腐，豆腐比出面既舖頭更加滑⭐️煎腐皮卷海韻出既豆類產品唔止係豆腐，腐皮卷都好正👍外邊炸到脆卜卜，入邊素菜餡料超多⭐️紅燒大素翅素翅都係必食推介，入面既素雞一樣係海韻自家製，同豆腐一樣咁滑⭐️椒鹽鮮魷素食菜館都一樣有熱葷，呢個椒鹽鮮魷都炸得酥脆，不過份量較小

📍海韻素食菜館 (大澳)大澳南涌村13B🔹鹽焗雞（半隻）$175雞好滑又夠入味，味道剛剛好，唔使薑蓉都好夠味👍🏻🔹生炒骨 $85個汁好好味😋酸甜適中，好正🔹紅燒豆腐 $85自家制作豆腐，豆味好香濃🔹排骨炒麵 $65正正常常，賣相都OK🔹酥炸芋魚 $100上碟新鮮熱辣，芋頭魚炸得好靚又夠脆，入邊芋頭軟林林，配埋啲酸甜汁食到停唔到口😍推薦指數：🌟🌟🌟🌟🌟（5🌟最高）

入到去，明明有枱，個男人見到我地得兩個人，就叫我地去出面坐。出面熱成咁，我地一場大雨行到黎，身水身汗，全身濕，係咪連基本待客之道都咁難？我就同佢講，出面好熱喎！點知佢話：我地唔夠人手，咁心急嘅？！等下啊嘛！我地人手不足！乜真係咁難？我嬲到成個遮撻落地。佢終於肯安排一個坐係入面嘅位俾我地。講真，你賺我地嘅錢咁辛苦，乾脆趕客啦，幾好食都無用，何況真係唔算好食，吹棒太過！如果你想黎食，未食前先受氣啦！啃晒啲氣再食，然後貼錢買難受！

星期日放假約埋朋友去郊遊，朋友話想試大澳海韻的八寶鴨，平時人少冇乜機會食到，今次一行七人，一於就去試吓！訂咗位1:45，去到仲要等多20分鐘，我哋之後買海鮮來加工，椒鹽賴尿蝦、白灼海蝦、仲有清蒸魚仔。椒鹽賴尿蝦做得非常出色，味道調校得剛剛好，食完也不覺口渴，當然最緊要海鮮非常新鮮。所有海鮮都鮮甜無比。三樣加工費$220，還算便宜。另定左一隻八寶鴨，鴨肚內裝住滿滿的蓮子和栗子及兩粒起沙的鹹蛋黃，鴨肉用筷子輕輕一夾就散開，應該蒸燉了不少時間，令所有材料味道融為一體，實在美味，八寶鴨工序繁複，很少地方有得食，如果想食最好早幾日預定。剛好有朋友生日所以我哋都叫咗一碟豉油王炒麵，如意長壽咁解，麵炒得乾身多芽菜，味道調校得剛剛好，唯一不滿意就是賣相，炒得太碎太短，好彩味道搭夠。椒鹽鮮魷雖然冇乜驚喜，但味道還是可以的。荔芋卷酥脆可口，淡淡都有芋頭香，酥甫用腐皮卷包住沙葛粒紅蘿蔔粒，酥脆加上爽口，口感層次非常豐富。炸豆腐外脆內軟並不是坊間出邊食到的，有濃濃的豆腐味，食完一件接一件，停不了口。腰果露真的是很一般，雖然甜味適中但太杰唔香，同埋唔明點解咁深色。

周日入大澳走走，感受下中秋氣氛底下的大澳。之前上網搵到呢間海韻素食菜館，聽D KOL講好難訂位，有見及此，早早的坐車入去大澳，中午十二點未夠就行去試下呢間菜館。菜館唔算難走，係碼頭行去市集的相反方向，一直行，行到幾乎到盡頭。一到餐廳，嗰陣大約差不多12點，一入去就有位坐。點左碟酥炸魷魚同羅漢齋麵，味道都算OK，水滾茶靚，價錢唔算好貴，餐廳格局有D類似大排檔的感覺。不枉我地咁遠水路入來吃呀。唔想等位的真係建議中午前入去就差不多。

同朋友一行6人，由梅窩到大澳，品嘗各款小菜，朋友個個都贊，非常好味。我們點了紅燒豆腐、鹽焗雞、羅漢上素，肉絲炒麵等等。👍🏼👍🏼👍🏼下次一定會再來。😊😊😊

之前食過佢嘅烏頭魚、鹹雞同腰果露，覺得一般，唔覺得特別好食，所以今次試吓其他菜式。叫咗兩杯豆漿，豆漿特別嘅，本身已經落咗堂，個人覺得就唔需要叫啦，因為佢懷疑其實只係亂，另外個豆漿係好明顯飲得出係煲燶左，唔係啲人所講嘅覺得真係用到整出嚟嘅味。叫咗三樣餸，最好食荔芋香酥卷，基本上佢係腐皮包住芋蓉放落油鍋度咋，係好香脆嘅，但略嫌芋蓉有啲乾身，炸完出嚟之後同腐皮分離。但呢味餸係幾特別嘅，起碼好少係出面其他餐廳度食過，可以試吓。另外叫咗個紅燒豆腐，佢個蠔油汁係調校得幾好嘅，唔會死鹹，豆腐都食得出係自己整嘅，不過食到好明顯豆腐有浸燶味，應該係煲豆漿嘅時候煲燶咗，導致整豆腐嘅時候會食到燶味。仲有我食得出佢個豆腐整完出嚟，豆腐個心仲係凍嘅，完全唔熱㗎囉。第三樣餸係咕嚕魚塊之類，超級難食，首先炸漿唔趣，佢應該可能就咁用粟粉炸，上菜已經見到唔趣，仲要黏埋一齊，另外個汁調校得唔好食，愉快有啲聲，總而言之，千祈唔好叫。

今天1:40去到，門口一大羣人在等位。請教了在門口的行山師兄師姐後，入內登記排隊。結果冇一個侍應理你，再去收銀櫃檯詢問，掌櫃叫我去偏廳登記，去到一開口，那位大哥瞪眼望著我然後調頭離開。如是者來回兩轉都冇法登記，唯有離開。理解鄉鎮酒樓人手有限，如果太忙叫我不要排，一定接受。但一句不回，令人不知如何。其實互相尊重，很難嗎？

蒸饟豆腐 : 是用鹹蝦醬醃過的豬肉碎，饟在豆腐上來蒸 , 味道鹹香又帶豆香的 , 配上店方特製過的豉油 , 味道是剛柔兼備 , 農家風味 ~蠔油生菜素鮑魚 : 素菜鮑魚是店方自家製 , 跟坊間素鮑的味道不同 , 這家的素鮑有更強的貝類味道，很特別 ~椒鹽白飯魚 : 即叫即炸 , 白飯魚又肊又飽滿 , 香口惹味 , 有夠鹹香 , 佐酒一流 ~這家餐廳的食物還頗有水準的 , 但奇就奇在 , 素食餐館竟然會有肉食 , 有肉類的素菜館，還算不算是素菜館呢 .... 這真是一個謎 ~本篇完 ~

真係喜出望外，不枉行咗好耐先入到去。位置比較偏僻，所以睇google map 先行到入去。不過，食物正點都值返。一、椒鹽魷魚，唔咸，夠脆夠熱，新鮮！二、乾燒伊面，極度大碟，抵！三、白飯魚水蛋！這是重點推介！未見過咁巨型的白飯魚，平時街市果d，好細的！呢個實在很新鮮！四、呢個五花肉唔係好記得佢餐牌上的名字添。少少偏鹹，不過夠嫩，是還可以的。三人行一人120，有嗌罐裝可樂。食物非常有心非千篇一律，很抵食。

知道大澳有一間素菜館很出名今次一行6人特意來朝聖，地方唔算大但不會太擠迫，好有地道風味，大排檔式經營，下午去到都已經要排隊，其實香港食飯，都要排隊，排隊唔緊要最緊要食到，所以建議大家早點去酥炸芋頭魚外觀很可愛的酥炸魚，芋頭很軟林林，酥炸皮有層次，一口咬落去好趣卜卜😋再配酸甜汁味道好夾👍🏻推介椒鹽豆腐聽說是老闆自家製豆腐，分量十足的豆腐椒鹽鮮魷，粉唔算厚，魷魚新鮮啖啖肉，推介鹽焗雞好味雞肉嫩滑得來又唔鞋，雞好入味粟米魚肚羹👍🏻💕皮蛋蒸水蛋味道還可以雖然不算正得很滑 楊州炒飯每粒飯都好煙韌彈牙

琴日一行六人，其中一個朋友幫襯咗三十幾年，同老闆好熟。我就第一次去，舖頭係全家人自己做晒嘅，老細就做埋廚師。粟米魚肚羹物超所值，八寶鴨就係必食，鹽焗雞就只係okay，冇傳聞咁好。所有嘢都超水準，價錢唔算平，但都算合理。另外因為個朋友同佢哋好熟，老細幫我哋買埋海鮮，而老細啲廚藝亦都相當好。腰果露係我第一次食，线本身唔鍾意食甜嘢，都覺得冇得頂。