泰特色泰國餐廳 (Closed)

椰汁西米糕 $7因為男友好鍾意食椰汁西米糕嘅原故，每次見到有得賣都會想買比佢試。呢間「泰特色」門口有好大個Counter 賣各式各樣嘅泰式糕點，都好似好多人買咁，就試下好唔好味啦！上層椰漿都幾滑，椰味好香，下層係加左粟米粒、芋頭粒、馬蹄嘅西米糕。加左馬蹄令口感更豐富。-上層椰漿同下層西米糕嘅質感都做得好好，撕開塊荷葉d 料又唔會散開晒。•回頭指數：10/10（我見其他人係一盒盒咁買，下次想試下佢他糕。）

呢間泰特色食晚飯有個特點，就係全單七折，呢個優惠一直都做緊，都算係抵食。不過今次有啲趕時間，時間關係只允許我急急腳買小小佢嘅甜品佢就好似麥當勞咁，樓下有個甜品部，樓上就食正餐。佢都有大概十款泰式糕點任君選擇，價錢每件6至7蚊，都ok啊~佢整得最多同最受歡迎就係呢款椰汁糕，相信好多人都食過啦。椰汁西米糕上面有一層軟軟的糕，係椰漿同奶溝成嘅漿，中間嗰層就係較彈牙嘅糕，而最下就有西米同粟米！ 呢個糕係今次三款入面最好食嘅！有層次，而且香椰子味，食兩舊都飽肚。另外買左分別係芒果布甸同芒果西米糕。兩款味道都好相似，只係一個冇西米，一個有，同埋布甸腍小小。

呢間系朋友介紹我黎食佢既甜品部，佢有堂食同外賣甜品部的，我見朋友講到咁好味咪特登買黎試下，佢又唔貴，椰汁西米糕$12/2件，貴花糕$5/1件，椰汁好香濃，西米有咬口，仲有芋頭，甜度適中。貴花糕好香好清甜