泰特色泰國餐廳 (Closed)

呢間泰特色食晚飯有個特點，就係全單七折，呢個優惠一直都做緊，都算係抵食。不過今次有啲趕時間，時間關係只允許我急急腳買小小佢嘅甜品佢就好似麥當勞咁，樓下有個甜品部，樓上就食正餐。佢都有大概十款泰式糕點任君選擇，價錢每件6至7蚊，都ok啊~佢整得最多同最受歡迎就係呢款椰汁糕，相信好多人都食過啦。椰汁西米糕上面有一層軟軟的糕，係椰漿同奶溝成嘅漿，中間嗰層就係較彈牙嘅糕，而最下就有西米同粟米！ 呢個糕係今次三款入面最好食嘅！有層次，而且香椰子味，食兩舊都飽肚。另外買左分別係芒果布甸同芒果西米糕。兩款味道都好相似，只係一個冇西米，一個有，同埋布甸腍小小。