蘇媽.蘇媽馬來西亞茶餐室 (Closed)

平常很少機會專程吃馬拉菜，某日事有湊巧，與友人途經這區，順道一試。一煲砂煲老鼠粉看起來很深色，雖有肉碎、菜甫、蝦米、銀魚等等配料，但其實調味嚴重不足，再加一隻生雞蛋亦是無味的，正是無味加無味。友人特意另叫一碗椰漿飯，上桌時我們有點愕然，事關沒有想過是綠色的，吃下便知：除了椰香外，還有淡淡班蘭葉的味道，頗特別，用來配襯老鼠粉的餸比起原本的粉更佳。架央多士椰香味夠，甜度稍高，無奈最大的問題是不夠熱。尤其是放涼了的多士，會好食到那裏去？我們同樣認為食物的味道及熱度都是溫溫吞吞，不太到位，唯一接受的僅是椰漿飯。

深水埗經過見到一間馬來西亞餐廳菜單的圖片睇落10分吸引就入咗去食。椰漿飯唔係白飯加椰漿仲加咗班蘭葉，所以飯就青綠色賣相幾好，有淡淡的班蘭葉香味，配上咖喱牛肉、小魚乾、花生、青瓜等等，味道好豐富，無平時碟頭飯咁悶。咖哩香而不太辣，幾岩我口味，牛肉幾大舊啖啖肉，燘到夠諗好好食！另外叫的玻璃魷魚通菜好特別，比起平時魷魚更爽口，醬汁唔會蓋過海鮮味，通菜新鮮無渣，幾開胃的一碟菜，深水埗想食到又平又唔錯嘅馬來西亞餐廳可以試吓呢一間！

去了幾次馬拉，想他的肉骨茶了，因此冒名來到阿蘇阿蘇，圖個地道口味。星期日傍晚難免要排一下隊！等了大約15分鐘，終於搭枱坐下了。點餐少不了肉骨茶，收點餐牌時就送上一人一碗肉骨茶，喝下感覺很不錯。這家肉骨茶味道是有點偏甜的那種。終於主菜來了！叫了豬肚和餐牌推薦的限量供應皇帝骨。我於是跟著牆上教導的食法吃...個人認為，皇帝骨是一個錯誤的選擇口感就是硬而起渣、淡而無味的豬湯骨扒罷了！豬大腸倒是不錯，煮的夠琳又夠味當是晚餐，怎能沒有飯？於是叫了椰漿飯，配合串燒一起吃（串燒忘了拍照）～飯和串燒味道是不錯，只是也屬偏甜那種口味，喜不喜歡也比較個人吧！想念馬拉食物，當然也記掛住他的拉茶～ 這拉茶正是馬拉風味來著！兩人食，盛惠$188，晚餐來說算合宜吧！添了兩次湯，感覺也很肚肚也很滿足～惟一有樣需改善的是溫度的控制與配合，肉骨茶微暖地上碗，很快便涼了，但是，個人認為藥膳湯還是熱呼呼的喝比較正！

放假又係食好西時候！熊妹呢幾日返工都唔係訓得好夠，總是攰攰的，窩心的熊大唔想熊妹舟車勞頓咁辛苦，特登走黎熊妹地頭同熊妹揾食🍽，錫錫！黎到熊妹地頭緊係熊妹帶路喇，點知今次竟然俾熊大捷足先登揾到好西門路🥣，熊妹遲左一步喇！主打新加坡馬來西亞菜餐館《蘇媽.蘇媽》呢排係深水埗區真係出名得幾誇張，時時刻刻都有人係門口排隊🚶🏻‍♂️🚶🏻‍♂️，咪話唔西利！熊大熊妹係門口都等左十分鐘度就入得。下午茶時段都人頭湧湧，全場滿座。裝潢以懷舊冰室為主題，以綠色的瓦磚配合懷舊花紋的地板，木餐椅木餐桌，有圓的有方型的，鋪滿整間餐館，只剩下中間窄窄的通道走動，正正符合冰室的經濟效益。牆上掛滿一個個木牌扁，用上不同的字型寫著各款美食飲料名稱，當裝飾之餘食客可以抬頭點餐，非常特別。熊大熊妹坐低就慢慢睇餐牌叫野食喇。餐牌有兩款，分別係有圖文並茂的彩色餐牌同可以畫圈點菜用已過膠的黑白文字餐牌，幾環保♻️喎！門口已經貼著告示指導飲肉骨茶4步曲。先混醬，後飲熱湯，再嚐肉骨點醬，最後再添熱湯，係無限添飲的。豐係蒜蓉，福係辣椒🌶️，齊來混醬吧！百吉爹肉骨菜（皇帝骨），$54新加坡菜必點的肉骨茶，熊妹揀了皇帝骨，貪佢夠大塊肉。一個飯碗般大

深水埗有很多特色美食，這次試一下馬來西亞菜。這家店不論門口或者食物都很有特色和風味。牆上寫著的是餐牌上的食物，那手字很美。肉骨茶是不能不吃的一道食物，很喜歡它獨有的藥材味😋這道是皇帝骨，店員說如果不想要太肥的排骨，可以選這款。排骨肉質鬆軟，要沾獨門調配的醬油才好吃。味道濃郁，想一直喝😂這碗椰漿飯是綠色的，可能是加了班蘭吧😅我覺得味道一般，椰漿味不太出。這碗叻沙米線，味道香辣，但不會很辣，米線滑順，裏面加了少量菠蘿粒，很特別，還有一些好像是吞拿魚碎的，味道還不錯。這個香炸滷肉卷，外層的是炸到香脆的腐皮，裏面餡料我吃到有芋頭，還有豬肉，整體餡料味道有點像粉果，配上辣椒醬，醬料有點辣。來吃馬來西亞菜就想試一下拉茶，但是這不是我杯茶😅奶的比例比較重。

行完山走落黎呢間餐廳，朋友見門面幾靚，決定拎張飛，排左15分鐘先有得食，不過門口個侍應都幾識做，唔會要人白等，叫我地行個圈再返黎。店舖裝修都幾新淨，好多招牌，都幾有特色，最緊要張枱都好乾淨，地板都乾淨，我原本打算叫個招牌老鼠粉食下就算，加個桔仔冰。點知老鼠粉好好味，佢聲稱幾辣，但一D都唔辣，反而好好味，於是我地係咁加單，叫多左個椰漿飯，有少少似海南雞飯D飯，但有椰子味，而且綠色飯好得意，之後又叫多個炒蜆，魚仔醬好味道，D汁好正。串燒方面都唔錯，不過最正係肉骨茶，我就唔識食骨，所以叫左個豆卜金菇，幾入味，不過最正係舉手呢佢就會幫你再添肉骨茶，飲到夠為止，我FD話一字骨好好味，至於魚仔醬蘿蔔糕，用黎當糖水都唔錯。佢D碗都幾得意，細細個，拉茶就似係一般奶茶，不過滑少少，有個愛他愛他的食物，用竹葉包住，原來係魚肉黎，都唔錯，幾特別。食完咁多樣野剛剛飽，其實佢每樣野都係廿、三十蚊左右，平到傻，可惜我地叫左佢半張MENU野食，所以埋單每人都要一舊水，誠意推介像埋桔仔冰，食辣野像桔仔冰簡直係種享受。其實佢位唔係好多，但都冇催我地走，好人。