蘇媽.蘇媽馬來西亞茶餐室 (Closed)

最近我在深水埗的「蘇媽蘇媽馬來西亞茶餐室」享用了午餐，這裡的菜單上有約十款選擇，每一款都包含熱飲，凍飲則需加$6。我點了「高佬麵配雞扒」$52，這道菜讓我印象深刻。高佬麵的麵條非常彈牙，搭配上煎得恰到好處的雞扒，味道相當不錯。當我把雞蛋攪拌進麵裡，讓整碗麵更添風味，吃起來十分可口。飲品方面，我選擇了凍桔仔話梅水，這款飲品清爽可口，正好適合當天的天氣，讓人感覺消暑又開胃。整體來說，蘇媽蘇媽馬來西亞茶餐室提供了實惠且美味的選擇，適合與朋友聚餐或單獨用餐。下次再來深水埗的時候，我會再來試試其他菜式。

每次黎都必叫嘅，今次都係左杯薏米水而黎。夠薑，薏米味足，甜度適中，冷熱都咁正。其他嘢食，我平時反而覺得ok啦，今次呢個下午茶，個麵有驚喜，雖然得半隻蛋加2隻炸雞翼，個雞翼係湯度都仲有少少脆口。跟住有半份呢到名物....咖央多士，好夠脆，個咖央份量都夠，之前食再大型少少連鎖店，個咖央好似好貴咁，揸少少，呢到個咖央份量夠D，食落滿足D，食到椰香味，多士唔算太乾。呢個餐加薏米水係要加錢，但五十零蚊，食到，又飲到個薏米水，我會再黎食呢個餐囉。

呢排心思思好想飲肉骨茶 又未得閒飛住喎就決定去試試 一直都好出名既蘇媽蘇媽啦～呢到既環境好光猛 好闊落餐廳樓底好高 所以感覺空間感好充足就算星期五晚繁忙時間黎食 都唔覺得好逼夾🐷豬腳彎肉骨茶呢到既肉骨茶係偏向藥材味比較重既個一款但一啲都唔會好難入口 淡淡既藥材香味配合埋好濃郁既肉湯 熱辣辣 飲落去好舒服飲哂啲肉骨茶唔夠喉 仲可以添 唔怕唔夠喉今次嗌左豬腳彎 每一舊都啖啖肉 好滿足飲哂成碗肉骨茶之後 發覺個嘴有黏黏地既感覺係充滿骨膠原既感覺 證明真係好足料😋🫓黑椒炒蜆配薄餅呢一碟炒蜆絕對係今晚最有驚喜既一碟餸🥺一上枱 熱辣辣 出晒煙 非常之新鮮啲蜆每一隻都好肥嘟嘟 脹卜卜食落絕對冇成口沙既情況 仲要每一粒都好甜🤭個黑椒醬汁 調得非常之惹味 辣辣地同時又唔會搶哂蜆既鮮甜味 冇得頂食薄餅嘅時候 點一點啲黑椒汁 夾埋粒肥嘟嘟嘅蜆肉 一啖放哂入口無 得 輸 啊 啊 啊😋🍢馬拉沙嗲串燒（3串）今次嗌左雞肉牛肉豬肉各一串串燒調味岩岩好 非常之入味😋串燒亦都唔會燒得好乾 仲會保留到肉汁沙嗲醬仲好惹味 小食黎講最好不過🥥椰香咖央多士呢個唔洗多講 有得咖央點會唔正呢度既咖央醬比得非常之足 咬落到好香椰味多

突然好想食肉骨茶，人又喺深水埗，就諗起蘇媽馬來西亞拉茶同冬瓜龍眼茶肥仔芽菜肥嘟嘟撈埋d麻油一齊幾夾海南鴛鴦燒麵包幾特別嘅感覺，多士脆，但係唔熱，可能唔想令d牛油溶？加埋介央醬，好感好特別，外脆內軟聽講皇帝骨係肉骨茶嘅首選，見佢有就試下，望落舊肉唔肥，但係又唔會好老，加左份油炸鬼d職員好好，主動問需唔需要加湯，有得refill個湯真係好，個湯好正，好好飲，忍唔住嗌多個白飯，變左湯飯，好好味最後仲嗌多左杯桔仔話梅冰，好fresh，最後飲埋佢，啱啱好

第一次幫襯，味道不錯，最欣賞的是店舖裝修，有心思，而且冷氣足夠，職員態度友善，最欣賞是班蘭多士，而奶茶甜度適中，而飯方面，牛炆得稔，入味，唔錯，值得再來幫襯，試其他不同菜式

拿拿食評系列 #蘇媽蘇媽一直都幾出名，但一直都未試過，有一日錦岩系西九龍，就諗起可以順便試下蘇媽。蘇媽系疫情之前系要排隊既，而今次去到，Walk in 唔需要等位，入到去環境同茶餐廳類近~打開Menu，好多品項都好吸引，價錢合理，性價比高~ 個人最推介椰香咖央多士，好香！但女仔食量來說，食完個飯再食多士有啲辛苦，但都冇後悔叫到咖央多~ 而馬拉咖哩雞肉配椰漿飯份量超級大，食極都重系好大碟！檳城亞參叻沙超級辣，同行既朋友食到噴火！如果中意食辣既話可以一試~ 除左食，當然要試一試馬來西亞拉茶~ 可能系飲慣港式茶飲，唔系好中意馬來西亞拉茶，個人覺得偏甜，如果同我一樣唔中意飲甜嘢，就唔使試了！反而朋友叫左杯桔仔話梅水，佢就話幾好飲~馬拉咖哩雞肉配椰漿飯檳城亞參叻沙馬來西亞拉茶椰香咖央多士香港茶記就食得多，馬來西亞茶記就真系第一次試，唔錯~

这間餐厅细细間，坐得還可以因为不会背貼背🤣食物方面：兩碗面味道还不错，只是湯不夠热🤨炸豆泡出奇好味，因为炸得好香口之外，还配上微辣嘅汁👍🏻👍🏻👍🏻

很久没再來，這次來是很想吃肉骨茶，结果失望而回！如题八十八蚊.只得三舊骨頭，和例湯一碗，其他的配料，白飯另計，结果要付上150個大洋和一肚子氣！還有肉骨茶味道偏淡，可能是后加水當湯效果，下午七點多都只得二枱食客，想是因為質素倒退所致，要求加湯也是像千不願下给你半碗！服務非常之差勁！光顧前已有心理準備價格偏贵，但没想到现在份量缩小，质量和服务下降，以后也不會再來了，怕怕……以后也不會再來了，怕怕……

食咗個肉骨茶，加咗個西多，味道唔錯，但唔算話驚喜，正常味道囉。價錢唔算平，两個食咗二百，性價比唔高，𣎴過香港食野宜家係咁上下，有時間都係北上消費啦。係咁多啦。

出黎深水埗，去到晏晝見肚餓啦，行黎行去都唔知食咩好，見到蘇媽蘇媽裝修好特別，就入去試下。原來係食馬拉野既。點左碗檳城福建蝦面同拉茶。碗面有蝦、腩肉、通菜同烚雞蛋。材料都新鮮，隻蝦都肉質都鮮味彈牙既。成碗面味道就好似蝦醬炒通菜但變左做湯面咁囉。好重蝦醬既味道，如果唔食得蝦醬既人真係唔好試😂好彩我平時都中意食蝦醬炒通菜。但蝦醬味既湯面真係未試過😂味道好神奇，飲埋杯拉茶，食完既感覺就係原來馬拉菜係咁既😂個人都係中意港式奶茶多d~

今日我舆友人途經荃灣，又到了晚餐時間，在食肆林立的大壩街見到有間叫蘇媽蘇媽食馬來食品的餐廳，由於朋友平時都少光顧此類食肆，於是兩人入去試一吓。 店裏的面積雖小，但已見有很多食客在進餐，而且隔幾間舖位還有一間分舖，我想應該都有一定的捧場客吧。 今日點了一個仁當牛肉撈油麵和一個大雜錦。由於是馬來的食品所以先來一碗肉骨茶，肉骨茶其獨特的口味相當有特色，而且還可以無限加添十分不錯。 首先是仁當牛肉撈麵上枱，見到金黃黃的賣相，油麵底上面鋪滿了微辣咖哩的牛肉，再拌以蘿蔔和薯仔。牛肉炆得夠腍入口不會韌，蘿蔔蕃薯仔都同樣夠入味和腍;但最遺憾的是連油面都煮得太過腍了，失去了油麵應有的硬身咬口感，扣了分…… 到大雜錦上枱，果真是如其名整個㷛内全是肉的集合，而且分量更是不少。內裏計有一字骨、雞腳、豬手和腩肉，下面用豆腐卜墊底。豬手和腩肉等都已經炆得夠淋和入味， 一字骨肉質還算結實有咬口感，而雞腳就稍嫌未炆得到腍身，醮上酸甜汁來吃更加滋味。這個雜錦還跟有幾塊油條和響鈴，不過油條就不似廣東式的，有點似脆麻花的硬口感覺。 總括今次是都不錯的一餐，而且又沒有加一收費，性價比都相當高，下次還會來一試其他的食品。

6點幾唔係話好多人，經過就打算入去試下喊咗一個馬拉咖喱雞撈麵，望落去配搭左啲炸蒜同埋香蔥，好似份量都唔少。食落去薯仔同雞肉醃得好入味，有少少辣，但就好香好惹味，麵就冇話有咩特別。另外見佢推介，就喊咗一份椰香咖央多士，多士烘到香脆，中間既餡料適中，唔係薄薄一層，食落去甜甜地，但係個人就覺得冇乜特別，而且價格偏貴，下次唔會再試。

🇲🇾馬來西亞菜 🚹1-4人 💛——————🐻🐻‍❄️睇星馬飲食片睇到好肚餓🤣既然無得即刻飛去食🛫，唯有喺香港搵星馬菜餐廳醫肚🤣🍖馬拉沙爹串燒3串 (豬/牛/雞)3串 $48豬牛雞豬各叫咗一串。串燒沙爹醬多花生粒，食落甜味重🐻：雞肉最嫩、同醬最夾👍🏽豬比較有咬口、牛本身有少少肉味，所以豬牛食落就無雞肉咁驚喜百吉爹肉骨茶：豬腳彎$68肉骨茶熱辣辣，上到枱仲滾緊♨️湯嘅藥材味唔算濃，就算唔鍾意藥材味都接受到～肉本身只有淡淡肉骨茶嘅味道，餐廳有介紹用辣椒、蒜頭、黑醬油(海南雞鼓油)同頭抽撈埋整成醬，用嚟點肉就會更加惹味🤤不過豬皮部分就比較有咬口🍗辣死你嗎配烤雞髀$68斑斕飯有輕微椰汁香，飯本身偏軟爛。烤雞髀好大塊🍗，但本身好淡味，要點「辣死你嗎醬」🤣先有味，而醬偏辣🌶。另外有蝦片、魚乾、花生等配料，整體比較乾，叫埋飲品一齊食會好啲。如果唔鍾意食辣就建議叫其他，因為走醬食會更乾🙈🦖美碌恐龍$38美碌粉多到浮喺冰面，一杯美碌恐龍就可以上菜😝味道同一般茶餐廳美碌相似，正常發揮😬👍🏽🐻🐻‍❄️兩個小鳥胃叫咁嘅🫃份量🤰啱啱好～結論：肉骨茶值得encore，不過會想試吓其他腍啲嘅肉🐻🐻‍❄️：唔知大家有無推薦？😆

深水埗除了保留很多港式美食，大南街近年更變成文青區，開了很多咖啡店，各國特色美食在區內也開了不小。今天天氣冷，咖啡的熱力還不夠我取暖，想起基隆街有家馬拉茶室，來喝碗白骨地 （肉骨茶）暖一暖身☺️肉骨茶未到就先來一份椰香咖央多士（吐司），一口入滿滿的椰香味，吐司脆脆的但很乾，如果吐司再薄一半就可以解決乾的問題，又能更突岀咖央的味道。個人喜好，如果那片黃油再厚一點就更好😋。吃咖央吐司必配拉茶，茶味奶味配搭得剛剛好，第一口巨甜，再喝第二口又覺得得順滑。因為拉茶都是用煉奶的，所以怕甜的可以點小甜。來到今天的主角肉骨茶，點了三層肉略嫌肉比較柴，但湯底真的無可挑剔。馬拉肉骨茶藥材味會比較濃，喝下去感覺身體立即暖了☺️。很快的喝完一碗連飯都沒開始吃，免費添飲，再來一碗🥳。店員給我一直加都快滿了，我不說停她真的不停。又喝完一碗，鍋底還是熱的😁。喝完兩碗湯身體一天都是暖的。

肉骨茶是一道以豬骨熬煮而成的湯品，常見於新加坡、馬來西亞等地。它具有濃郁的香氣和獨特的口感，因此備受人喜愛。首先，肉骨茶的湯底通常是由豬骨熬煮數小時而成，因此湯底濃郁醇厚。煮熟的豬骨會釋放出豐富的骨髓和膠原蛋白，使得湯底呈現出濃郁的肉香味。這種味道不僅令人垂涎欲滴，還能讓人感覺到溫暖和滿足。其次，肉骨茶中的豬肉通常是選用豬腩肉或五花肉，因為這些部位的肉質更加嫩滑多汁。煮熟後，豬肉會變得非常鮮嫩，入口即化。肉骨茶中的豬肉與湯底的味道相互融合，使得整道菜品更加美味可口。此外，肉骨茶還常常加入一些香料和草藥，如黨參、當歸、川芎等，以增添風味和藥膳的功效。這些香料和草藥不僅能增添湯底的香氣，還有助於提升肉骨茶的營養價值。總的來說，肉骨茶是一道美味的湯品，具有濃郁的肉香味和獨特的口感。無論是冬天暖身，還是夏天消暑，都是非常受歡迎的一道菜品。無論是在新加坡、馬來西亞的街頭小攤，還是高檔餐廳，都能品嘗到地道的肉骨茶，咁啱我叫咗一杯係馬來西亞嘅口味