雪媽糖水鋪

Open Now

Now Closed

雪媽糖水舖到深水埗布行買布，喺福華街行到攰攰地，發現一間好新 裝修光猛嘅甜品舖。行入去歇歇腳，原來糖水舖真的是剛開業。店主雪媽（其實係一個年輕美女），推介我哋試佢哋王牌嘅椰皇系列，於是我哋一行三人全部都叫晒燉椰皇🤣發現餐牌上的圖畫係港島灣仔電車路的，詢問雪媽曾在講港島區開店搬過來深水埗？而雪媽嘅回覆係：唔係呀我哋呢一間鋪同品牌成個都係全新㗎，只不過設計餐牌時，我覺得呢張相好靚，所以放咗落去。 😂雪媽真係爽直隨心又可愛，而且佢哋嘅服務真係非常友善，好街坊好老友嘅感覺。椰皇燉椰汁百合蓮子桃膠（涷）$58 ～必食推介滿滿嘅桃膠接近滿寫狀態，底層係椰皇水燉蛋白，清香滑溜。上層係椰汁花奶百合蓮子塗膠糖水，口感非常清新，清甜。真係一啲都唔會覺得膩/濟。椰皇燉椰汁木瓜雪耳桃膠 （涷） $58本質同上面介紹嘅都係一樣，不過糖水嘅配料就換成雪耳木瓜，更為滋潤。椰皇燉百利甜酒 （涷） $58～必試底層嘅燉蛋白除咗加了椰皇水仲加埋百利甜酒一齊燉，中層椰皇慕絲，上層係百利甜酒忌廉，再灑上餅乾碎。 口感非常豐富，每一層都有不同嘅味道但融和非常好，酒香濃郁，又不失椰皇嘅清新。三款燉椰皇甜度都非常適中，而且好清新一

「雪媽糖水鋪」是位處福華街一家新開不久的新派糖水鋪，附近的店舖都是賣下布料的，所以，當入夜關門後，燈火通明的「雪媽」就寧舍搶眼，加上櫥窗貼了大量食物照，顯得十分吸引。踏進店內，比一般的甜品店環境都寬敞得很，全店以黃色為主調，襯以淺木色枱椅，而裝修簡約，氣氛非常輕鬆。餐牌就只有一頁紙，但甜品多達40款，類別也多元化，不拘一國，而且，定價亦好合理，更略略兼賣小食，如招牌雞翼尖、燒賣。試了一客「芋圓1號」($38)，材料非常之豐富，有芋圓、地瓜圓、薏米、蓮子、紅豆、仙草，盛載得滿滿，還下了點椰奶。芋圓、地瓜圓十分有咬口，仙草亦很爽滑，蓮子非常鬆化，紅豆也十分清甜，底下是碎冰底，吃罷透心涼。另一道較特別的是「椰皇燉百利甜酒」($52)，燉椰皇都是多年的產物，但加入百利甜酒還是頭一趟。原個椰皇登場，面面是一些椰絲、金寶粒及朱古力餅乾碎，而下面有三層：百利甜酒忌廉、椰皇慕絲、燉蛋白，每一層也很美味，質感很細緻幼滑，甜度又適中。椰皇內的果肉也不要錯過，因為燉至軟腍，清甜軟熟。兩款糖水，都吃得出師傅的誠意，不單用料十足，個燉椰皇亦很有特色！店員很有禮，可能新開關係，店員都會詢問客人的意見，希望越做越好