雪媽糖水鋪

Open Now

Now Closed

食飽飯想食甜品，就無意去了呢間甜品店！呢個桃膠冇咩味，又似糊仔😆⋯⋯最失望係窩夫，完全冇蛋香味，脆又唔夠脆，食咗第一啖已經唔係太想食，個老闆問覺得點，係咪唔好食😆我點答呀！佢話係自家製，咩都自家製，個朱古力雪糕，好難食，埋單時，仲話好多客話好食🤣 我覺得又細粒，完全唔似一個球狀，又話用Dark chocolate 所以唔甜！但我食雀巢朱古力雪糕仲開心🥲有幾多人會講真相比佢知個老闆仲叫我試吓榛子朱古力仲有下次？

已經係第2次幫襯嘅甜品店 素質依然keep，每款雪糕都係自家製，香滑無比甜度啱啱好，性價比高嘅一間糖水舖。本身唔係好鍾意食心太軟，怕太甜太嗆喉，老闆推薦用dark chocolate做，你會愛上。果然👍🏼老闆鍾意聽取客人意見，就係想有進步空間。有禮貌、態度親切主動幫手影相值得加分。今時今日人人北上搵食，香港有咁優質嘅服務已經好少見。成班同學相約到深水埗晚飯，其中一個目的就係心思思再探「雪媽糖水舖」，冇令我哋失望，有下次….一定有下次！！

過了兩個星期再來食，心太軟係一如既往的好食，心太軟和雪糕都真係好好食的， $50一個好食的甜品在香港仲想點喎？老闆說雪糕也是自己整的，我再試了薄荷朱古力和曲奇兩個味道，兩個都很香，不算太甜，配其他西式甜品真的不俗。今日在試了麻糬窩夫，窩夫好香和很脆，老闆說整個窩夫醬都是自己整出來的，所以真的是不一樣，一間有良心的甜品店現在真的少之又少了，老闆說七月份中午也會開的，會有下午茶和其他食品，繼續加油吧⋯⋯期待更多作品。

今晚食完萬發之後來吃我覺得最好食嘅心太軟，之前來過2次，出品也很好，最鐘意食他們椰王和心太軟，因為今日椰王賣完了，同老婆食心太軟。。。雪糕和心太軟都好好食，薄何朱古力雪糕好正

附近食完飯 搵到呢間甜品舖評價正常諗住試吓，點知就中伏，個老細係咁同我哋推介話心太軟 窩夫 焦糖燉蛋係signature 好好食 咁就就聽佢講試咗窩夫，另外試咗個Oreo冰，Oreo冰用啲朱古力醬好似過期嗰啲味，成兜嘢都係水味，自問不嬲最鍾意食Oreo，至於個窩夫，成個窩夫又乾又淨係勁重蛋味，再一次用咗佢有過期味嘅朱古力醬，雪糕佢話係自家製，又係不堪入目，成陣水味，希望大家見到真係唔好試一定後悔，仲要個老闆唔知哪來的信心，係咁叫我哋下次再嚟試佢哋其他signature。

we ordered black sesame paste, chocolate lava with ice cream, Oreo chocolate 'shaved'ice and a chocolate ice cream.the owner said the chocolate ice cream is their specialty so we tried. it was different but nothing special. he also mentioned the'shaved' ice is nice so we tried. IT WAS HORRIBLE. the ice was not SHAVED like other dessert places, but instead, it was like crushed ice that you put in your ice tea/milk tea at a restaurant. we were like eating little rocks, so we gave up after a few bi

今晚去深水埗晚飯後心思思想食番個甜品，見呢間喺正飯店隔離就諗住支持下小店，點知中伏。餐牌選擇尚算多，但價錢都唔平，屋企人叫咗綠豆沙芝麻糊都麻麻，我就點左個什果涼粉也十分失望，份量也偏少。

臨近中秋，想整返個湯丸食下😚見呢度除左有糖水，仲有小食，所以揀左呢度😏地方都算易搵~去到舖頭係八點鐘，入面已經坐左幾枱客😳一入到去就見到好多公仔，幾得意😂坐低睇左陣餐牌，叫左兩個糖水、兩個小食~🍲爆薑蓮子湯丸 ($28)開頭以為係蓮子餡湯丸~上枱先知係花生餡湯丸，不過係蓮子薑湯🤣湯丸細細粒，都幾煙韌👍個湯真係爆薑，成個湯好多薑末😳冬天食冇得頂，但夏天就……幾辣下😂蓮子幾淋，唔錯~🍲冰糖木瓜雪耳桃膠 ($42)開頭唔知第二碗湯水揀乜好🤦‍♀️但後尾見到牆上面有呢個甜品嘅相，再加上「女士恩物」四隻字，所以即刻扑槌叫呢個😏雖然賣相麻麻，不過個糖水幾好食😂🥭木瓜幾淋，又夠甜~雪耳同桃膠又係煲得好淋，食落幾舒服😋不過對一個平時唔食好甜嘅人來講，個糖水感覺上甜左少少😂🧅香脆洋蔥圈 ($23)、🐔惹味辣雞翼 ($28)🧅洋蔥圈夠味嘅~不過炸得唔夠脆，呢度失分😢🐔惹味辣雞翼 味道係Pizza Hut嘅辣雞翼😂不過雞翼略為細隻，唔多抵食🤷‍♀️最後埋單 $121，價錢算正正常常~糖水可以一試，小食就自己斟酌了😂

星期六去深水埗行下，但天氣太熱，想食芒果冰，於是打開open rice搵到呢間，一路睇google map,行左十幾分鐘，終於搵到。我哋3點鐘到達。但係老細話，佢地未開門，於是問佢幾時開，佢話3點半，問佢可唔可以入去等，佢話唔得，（因為佢玩緊手機，唔好打擾佢）。店鋪門口寫住：2點開始營業，問佢點解3點仲唔開門，佢話佢地想幾點開就幾點開。非常有個性，非常無所謂的態度。咁畀個差評佢，佢應該都冇所謂啦。嘻嘻。

睇下少少其他review, 唔係好明點解一間好食既糖水舖出品會比人話難食in fact, sham Shui po is always famous for its wide variety of food choice, and you don’t have to pay much to enjoy them. 想講個椰王燉甜酒口感好有層次，頂層cream+ ores碎碎，中層係酒香燉椰奶，底層係燉旦白，樣樣個香味都好出，完全係水準之作。另外，佢個熱食燉木瓜雪耳桃膠好滑，口感同味道都兼備，真心推介！

雪媽的火山 🌋深水埗去尋寶 剛剛遇着間糖水舖舖頭叫雪媽 以為係雪姨嘅阿媽 老婆點左個火焰雪山 等咗10分鐘有啲意興闌珊突然舖頭熄咗燈 原來老細好識攪氣氛一個龐然雪山瞬即遞上 加上火焰酒精美艷非常就好似漆黑中的螢火蟲 呢啲咁出色嘅甜品係呃我唔到嘅另外芒果汁真係好芒果 芝麻糊亦都好芝麻加上店內價值連城的Figure公仔 真係俾佢嚇一跳 然後得啖笑 (真心讚嗰隻) 唯一美中不足 就係要排隊不過好嘢就係咁 你懂的

同朋友響深水埗食完飯，行過見到呢間糖水舖，地方簡潔，坐得舒服，就坐低再慢慢傾計 。 糖水賣相ok一般, 但食落又好好味喎❤️❤️ 😋 ，仲要大碗，好抵食 ，正。 食完飯，好快直接嚟食糖水，大碗到根本食唔曬 😆❤️😀 糖水份量多 Nice! 😄 好足料👍🏿 空間闊落，坐得舒服😺 侍應有禮貌，good service 😌 食完飯，再傾計 ☺️ 有齊中式、西式糖水yeah ~ 🥳 試吓侍應介紹嘅 cinnamon rolls, 好味道 👍🏿 朋友試咗心太軟配ice cream 🍦，好正 👍🏿🍧 Delicious dessert

今日同朋友喺附近食完飯, 之後又想食吓甜品, 就見到呢間, 個名幾得意就試試啦叫咗杯<<香芒椰奶冰>>, 來到個杯嘢顏色都幾好, 芒果食得出係新鮮嘢, 都幾甜, 但就唔會話好死甜, 椰奶同冰夾得啱啱好, 飲落去好綿, 唔會出面咁飲到一粒粒冰碎係口度咁樣, 成杯入口都好舒服, 飯完飯做甜品一流, 加上天時暑熱飲一杯真係幾爽, 店內環境寬敞, 幾個朋友坐低飲杯嘢飲真係唔錯, 見到仲有好多甜品同幾款小食, 如果唔係食飽飯叫幾款小食加甜品就真係一流

4月21日，係一個感動嘅日子，因為係有返晚市嘅日子，雖然係收10點，但係都夠走兩場了。同老婆食完飯之後，搵一搵附近有咩糖水食，見到e間就去試下啦，門口泊到車非常方便。入到去之後，見到好多隻我愛嘅bearbrick ，即刻好似返左屋企咁樣，坐低之後就望下個menu先，款式都幾多wor，有中式，有西式，有小食，我同我老婆就選擇椰皇燉百利甜酒同埋朱古力心太軟。首先黎嘅係椰皇燉百利甜酒，賣相唔錯，首先食面頭d cream，好香百利酒味道，cream好幼滑，上面重有d椰絲同埋朱古力粒，食完e層之後就到中間嘅椰皇布甸，凍嘅，味道同cream差唔多，但係口感就好大分別啦！布甸香滑，甜甜的，口感滑嫩。到最底層啦！食落去好香，好熟嘅口味，但係就講唔出係咩黎，問完員工後得知係燉蛋白，嘩，一個椰皇有咁多重食法，又幾好食，就真係唔錯，推介。之後到心太軟啦！竟然有兩球雪糕咁多，出面都係多一球，我就選擇左薄荷朱古力同埋棒子，試下個心太軟先，焗嘅時間剛剛好，心太軟好香濃，香朱古力味同埋牛油味，我地好快就食完了。總結黎講就真係唔錯，會再幫襯

喺呢間鋪食到我人生食過最難食嘅糖水，沒有之一。呢個故事教訓我平嘢冇好嘢，幾乎唔打食評都專登上嚟打，只係希望其他人唔會同我一樣中伏。佢咁多個好評係咪買返嚟無從稽考，但係見到啲差評，就知道仲有中肯嘅大有人在，大家都極力抵抗呢種貨不對辦。.事緣早幾日想食糖水，咁岩喺太子行完街諗住買外賣返屋企。見到外賣平台呢間鋪做緊將近半價，專登由太子行到去深水埗買。去到舖頭見到空無一人，只係得我呢張訂單製作中。平台顯示需要10幾分鐘製作，落單後5分鐘我已經到左，坐喺門口等都唔好意思催佢哋，但冇諗過最後將近用咗20分鐘先拎得，唔明點解要搞咁耐。。。但都算啦。。。諗住好食就冇所謂啦，點知一返到屋企打開個外賣就出事啦🥱🥱🥱.炸物- 第一，大多數餐廳都會喺個蓋度剪個窿，透氣唔好比啲倒汗水焗到濕晒，呢間餐廳冇咁做- 第二，又要懶貼心咁俾茄汁，但連個蓋都慳，浸到啲炸物濕哂，咁不如唔好俾，連茄汁都慳返- 第三，好難食，炸粉厚到係食物嘅幾倍，仲要濕哂淋哂。但既然都俾左錢，本住食得唔好嘥嘅宗旨，攞咗入焗爐焗返熱，出到嚟係脆左不過都係掩蓋唔到佢本質係難食嘅事實💣.腐竹薏米白果- 極多蓮子，薏米份量正常，但完全唔見半塊腐竹，唯有