餃里 (悅湖商場) (Under Renovation)

屋企伙頭大將軍逢星期三、六都要停工，所以呢兩晚都要自己攪掂。但我樂於每星期有兩晚，可以唔限區域去找好東西吃。呢晚我就去咗買餃子食。其實呢間餃子外賣店唔近屋企，但我仍然搭車去買。事關呢間餃子店標榜新鮮包，就算買生餃返去煮，第二日煮味道都會大打折扣，唔及佢哋響舖頭煮好返屋企即食。 今年農曆年後佢哋轉咗餐牌，除咗有新餃子，對我最重要係佢哋湯底選擇多咗。之前佢哋只有豬骨湯底，而家我愛上咗配素湯底。因為素湯底會跟湯渣，有粟米、蘿蔔等，非常足料。食埋絕對夠飽了。 餃子全部大大隻，餡亦好足料，肥肉唔多。椰菜係爽脆嘅，食紫菜最怕啲紫菜洗唔乾淨有沙，但我食過咁多次都無發生過，我好放心買嚟食。對於芫荽愛好者嚟講，芫荽餃係不可不吃。芫荽係一樣好小器嘅香料，一隔夜味道會大減。呢個餃次次食親都有好濃嘅芫荽味，我非常滿意。 其實呢間舖嘅招牌菜係芝士粟米煎餃。不過我呢排要修身，只能遲啲先食了。

隱世超級驚喜餃子店！不能只有我知道！！.屯門悅湖商場有一間超靚嘅餃子店，唔止門面用心設計，裡面嘅一班包餃師傅更係經驗老到，粒粒都好足料，真材實料唔係包空氣，我覺得唔係住呢頭都可以買返屋企食.價錢大約係$40左右，分湯需要加$，如果買返屋企食，就建議分湯，餃子皮一直浸住會影響口感，分湯就最好，唔怕淋晒.今日去郊遊完特別肚餓，所以叫左3款餃子，再加左2個麵只有外賣，沒有堂食架.一打開香到呢，即刻開餐！椰菜鮮肉餃9隻$42；分湯$2；加麵$8超推薦呢個口味！鮮肉緊緊包住椰菜絲，食得出椰菜爽口口感，菜肉比例平均！.紫菜鮮肉餃9隻$48；分湯$2平時好少食到，紫菜味好香！同樣又係用鮮肉包到實一實，唔會過彈，同餃子皮配合得好好.咖哩鮮肉餃9隻 $48 煎餃驚喜地好好味，煎餃更加食得出皮薄餡靚嘅感覺，個皮有啲似日式煎餃子嘅薄皮，呢個價錢加質素可以話係超左班.睇埋橫切面.餃里拌麵$15辣菜圃加辣汁拌麵，可以揀辣度，麵質屬扁身粗麵，麵條係薄身，同菜圃一齊食好夾，份量好大又好味，cp值爆登！

難得係屯門有隱世高質餃子鋪，一於要搭車入去食。店鋪外觀好文青feel，連logo都好得意簡單~雖然只係提供外賣，但人流仍然好多。全部即叫即煎同煮，仲有生餃可以買番屋企煮添~等大約10-15分鐘就拎到，可以係商場涼下冷氣等。餐牌有好多餃子餡揀，仲有拼類，啱哂咩都想試嘅人。三拼自由選可以揀3種餃子，各有3隻。咖哩味好濃烈，食完成個口腔都仲充斥住，而且多餡到只係睇外皮都分得清口味。素餃啱哂素食者，餡料有大量粉絲、紅蘿蔔絲、木耳、等，一咬就好香菇味，同埋就算冇肉餡，都一樣鮮甜，因為有蔬菜香甜。泡菜餡夠特別，少見之餘，泡菜味道貼近韓式。雖然望落好紅，但微微辣only，怕辣都接受到。田園四拼就每款菜餃各2隻，比起其他餐廳嘅搭度高好多。椰菜切成既大小口感ok，清甜，肉菜比例嘅菜多d，但d肉一樣多，因為隻隻都超級飽滿大隻，仲要包得勁靚~鍾意食芫荽嘅人一定要叫，d芫荽多到爆，香氣十足。芹菜餡亦都唔常見，芹菜味濃郁，成為餃子餡料比起就咁食芹菜更易入口。韭菜餡不過不失，肉菜嘅比例尼個大約一半一半。配搭餐廳提供既酸酸醬汁，好開胃，仲有辣菜甫，辣得黎有口感。除左某幾款只有煎餃，其他有湯餃可以揀。紫菜鮮肉湯餃嘅湯

端午節假期～今次入了屯門探朋友，沿路被這間日式簡約裝修的餃子店吸引著，入面有幾位姐姐努力地包餃子，眼見粒粒也脹卜卜，肥嘟嘟的造型，外觀超級吸引呀！決定買幾盒生餃上朋友屋企加餸先🤤這次選擇了5款生餃，睇外型粒粒都好正，細心的小店還附上餃子煮法，我們也分別用了煎同湯煮，試試不同食法💛而且店員人很好，給了自家秘製菜脯我們，用來餸餃子一流！排名第一位有芝士粟米🌽湯同煎的煮法同樣出色，第一口咬下去，已感到滿滿芝士爆出，加上絕配的粟米粒粒，和豬肉碎，滿分的芝士餃，很推薦呢٩(ˊᗜˋ*)و-第二位有椰菜鮮肉餃，椰菜很新鮮甜甜的味道，清甜健康美味感覺♥-第三位芹菜鮮肉餃，粒粒芹菜很爽口🤤🤤-另外香茜和韮菜也很出色♫每食一口也感到滿足感的美味餃子🥟他們也有直接煮好的餃子買的，來屯門一定要來試試用心、溫暖的餃子店🏠🧡

屯門既餃子店少之又少，想搵間出色啲嘅代表到屯門嘅都難，每次只可以走出去試下人地既野，難得屋企附近開咗間新嘅餃子店一於就試試佢啦，開嘅位置大家都可能要搵一搵唔熟路嘅就開下Google map 啦以間小店只係外賣🥡但同時您亦都可以買生餃番去自己整，但係呢就會小左佢地自己煲既椰子豬骨雞湯啦，因為佢地湯餃係配埋既今次我就試咗佢哋嘅湯餃同煎餃。-椰菜鮮肉餃 $36@6 以係一款好常見既口味，口味比較清淡，唔太特別芝士粟米鮮肉餃 $46@6 以一款我揀左煎，煎係應該最好既配搭，香口得尼所有份量做得相當唔錯，芝士食太多會有小小滯，但加左佢地既柚子醬油唔錯整體來講以間小店係唔錯嘅，夠大粒夠足料，同埋最緊要佢地有素食既餃子🥟，岩曬初一十五諗唔到食咩既朋友，姐係我

店鋪係屋苑商場地下，吸引好多街坊買外賣食。餃子餡料種類除左有菜類餃，仲有新穎選擇添，如紫菜、咖哩等，價錢親民。當日5點半左右到，已經好多人排隊等緊外賣，大約10mins就拎得。叫左9隻三拼自由選($54)，健康雙拼($40)，芝士粟米鮮肉餃(6隻$46)。餐牌有幾款拼餃揀，岩哂心大心細既朋友，咩都可以試下。每隻餃子都非常飽滿，餃子皮通透咁，睇顏色好易就分到餃子口味。餃子每日人手包，煎餃即叫即煎，熱辣辣，個皮煎到焦焦脆脆，好滋味。附送既醬汁、辣菜脯配餃子食，味道提升左。不得不提，個醬汁有柚子味道，酸酸地，同煎餃好夾。咖哩鮮肉餃大推，同食緊咖哩既感覺一樣，因為一咬，d咖哩汁湧出，咖哩微辣，混埋肉餡食，好juicy。而且就咁望隻餃子，已經見到深黃食。紫菜鮮肉餃既紫菜好似就黎塞爆個餃子，多餡到分3啖食。紫菜味超濃郁，帶點大海鹽味咁。泡菜鮮肉餃味道酸多辣少，煎過之後，餃子唔會好乾，帶少少焦脆口感，泡菜份量又係滿滿。芝士粟米鮮肉餃咬開之後，會拉到絲絲芝士，d粟米跟住跌落黎，尼個組合冇得輸，芝士味道突出，好香，而粟米甜甜。湯餃既湯底好好飲，清甜唔會飲完好口渴，配搭餃子食更多汁。椰菜肉餡清淡，調味唔會

呢間喺湖山新開嘅餃子外賣店，我已經唔係第一次幫襯，上次經外賣APP買煮好嘅用Lunch覺得好好食，今晚一於外賣生餃返屋企打邊爐俾屋企人試吓！舖仔細細但入面都好多姐姐喺度密密手包新鮮餃子，三點幾嚟到都幾多人幫襯吓，我柯打咗三拉生餃，大概等咗5分鐘左右，都好快手！包裝好精美，啲餃一粒一格，亦落咗好粉喺盒入面，所以啲餃唔會黏埋一整，好方便處理。【椰菜鮮肉餃】呢間啲餃大大粒，全部都好飽滿，真係做到「皮薄餡靚」！啲餡亦好足料，新鮮爽甜嘅椰菜同豬肉好爽，真係餃子中實冇死嘅穩陣基本款，人人都啱食之選！【泡菜鮮肉餃】泡菜款都係店家嘅推薦，我曾經都買過急凍嘅韓國貨打邊爐，不過買過幾個牌子嘅急凍餃都十分容易散開，搞到啲餃子皮黏底好煩。但呢間啲餃完全唔會散，掂呀！泡菜餃酸酸辡辡好好食！泡菜份量都幾多，好足料！【咖喱鮮肉餃】咖哩餃嘅咖哩係港式口味，原來以為阿爸會比較鍾意傳統嘅椰菜餃，點知佢大讚呢款咖哩餃喎，哈哈！三款餃各有特別，食多啲都唔會悶。其實佢有款芝士栗米餃都超好食，不過比較適合煎嘅，今次係打邊爐都冇買到。另外，佢啲辣菜甫都相當好食，都幾辣㗎！

•前排見到呢間新店做緊優惠，買滿$200生餃會送一打韮菜餃，好抵！所以就買嚟試下🤩 但記得保存期比較短，得7日，所以大家買咗要盡快食喇！每一隻都好多料好大隻，漲卜卜咁，餡料結實唔會跌晒出嚟。每款嘅調味已經好足夠，唔需要另點醬油。店家特別建議呢三款餃要煎先最理想：咖哩、芝士粟米同泡菜。另外，堂食的話，湯餃係配佢哋每日煲椰子雞湯，好似好正🤩 下次要試吓堂食！•🥢 芝士粟米鮮肉餃 $60/打芝士味同粟米好match，芝士比例調教得好好，唔會過多，所以唔覺得漏👍🏻•🥢 咖喱鮮肉餃 $52/打咖喱味嘅餃好特別，咖喱味好濃，整體味道似咖哩角😆 入面有好多洋蔥粒，少少辣，幾惹味～•🥢 泡菜鮮肉餃 $52/打呢款比較juicy，泡菜少辣，幾惹味。•🥢 椰菜鮮肉餃 $46/打椰菜係好常見嘅餃子口味～椰菜好爽甜，唔會切得太碎，有口感～•🥢 韭菜鮮肉餃 $46/打比較普通，韭菜味唔夠出，可以再多啲，咁韭菜味就濃啲。