餃里 (悅湖商場) (Under Renovation)

難得係屯門有隱世高質餃子鋪，一於要搭車入去食。店鋪外觀好文青feel，連logo都好得意簡單~雖然只係提供外賣，但人流仍然好多。全部即叫即煎同煮，仲有生餃可以買番屋企煮添~等大約10-15分鐘就拎到，可以係商場涼下冷氣等。餐牌有好多餃子餡揀，仲有拼類，啱哂咩都想試嘅人。三拼自由選可以揀3種餃子，各有3隻。咖哩味好濃烈，食完成個口腔都仲充斥住，而且多餡到只係睇外皮都分得清口味。素餃啱哂素食者，餡料有大量粉絲、紅蘿蔔絲、木耳、等，一咬就好香菇味，同埋就算冇肉餡，都一樣鮮甜，因為有蔬菜香甜。泡菜餡夠特別，少見之餘，泡菜味道貼近韓式。雖然望落好紅，但微微辣only，怕辣都接受到。田園四拼就每款菜餃各2隻，比起其他餐廳嘅搭度高好多。椰菜切成既大小口感ok，清甜，肉菜比例嘅菜多d，但d肉一樣多，因為隻隻都超級飽滿大隻，仲要包得勁靚~鍾意食芫荽嘅人一定要叫，d芫荽多到爆，香氣十足。芹菜餡亦都唔常見，芹菜味濃郁，成為餃子餡料比起就咁食芹菜更易入口。韭菜餡不過不失，肉菜嘅比例尼個大約一半一半。配搭餐廳提供既酸酸醬汁，好開胃，仲有辣菜甫，辣得黎有口感。除左某幾款只有煎餃，其他有湯餃可以揀。紫菜鮮肉湯餃嘅湯