阿來泰式地道風味 (Closed)

今晚難得早收工但沒約朋友，便到屋企附近的泰國餐廳Dinner。店內有不少 精緻的泰國裝飾，以雀鳥及大象為主，充滿泰式🇹🇭風情~泰式小食選擇滿多，即點兩碟。泰式生蝦刺身，色澤明亮，肉質鮮嫩爽口，蘸上特製的香茅/辣椒/青檸醬汁，提升蝦的鮮香度，酸勁辣香，令人胃口大開! 剩下的醬汁撈飯也一流!🦐😍首次吃泰國生蝦刺身，比日本刺身不遑多讓，同樣鮮味十足，別具風味，令人回味~👍泰式炸蝦餅，蝦肉香口彈牙，沾上特製的酸甜汁，酸甜醒胃，香口味美 ~😋海南雞飯，黃油飯富淡淡油香，雞皮爽滑，皮下啫喱狀的肥膏甘香可口，肉質嫩滑，加上秘製醬汁，鹹辣酸香，風味絕佳! 只$50，飽肚抵食! 🤗椰青，生津止渴，清甜多汁，喝完可挖出薄薄的椰肉，原汁原味!😋臨走時，才看到有新張誌慶優惠，星期四的咖喱軟殼蟹火山包滿吸引的，下次要較準時間來⏰~

最近一直都好想食泰國野！同男朋友講完後，佢即刻帶左我黎呢間泰式店鋪度食！好開心啊！員工嘅服務態度真係好好，仲好快啊！我地傾左陣計都開始揀野食啦！我地揀左泰式蝦醬炒飯、泰式炸蝦餅、汁燒魷魚筒、馬拉盞炒通菜同叫左個椰青！蝦醬炒飯唔係就咁炒啊！上面仲有啲豬肉同炒蛋！超細心位系有青瓜同番茄，系食呢個飯前食反舊黎refresh下先！炒飯好香蝦醬味，但唔會好鹹！佢應該仲加埋啲蝦粒黎炒！更顯香味！炸蝦餅又係好香！外層好脆同埋一啲都唔厚炸粉！入面好彈牙！點左甜酸辣椒醬好好味啊！而且佢呢個系切開一半，容易食用，超細心！汁燒魷魚筒系最正！我本身好中意食魷魚，而佢呢個菜食到系用新鮮魷魚整，而且系原條上架！另外，好爽口彈牙，配埋汁又係perfect嘅！馬拉盞炒通菜我都係第一次試！雖然我最後都係想食蒜蓉炒通菜，因為呢個好似唔系太夠味，但整體上還是不錯的！菜炒得好爽口，我覺得好好味啊！椰青水應該都係食泰國菜不少得嫁啦！我地兩個都勁中意飲，中意個種清新嘅香味！入面又有好多椰青水，好正啊！我地叫左勁多野，超飽，但都好平啊！超抵啊！雖然樓面大部分都男仔，但真係勁好態度，好細心！下次要再試下其他分店嘅先！

之前舖頭裝修仲估緊佢會開茶餐廳，原來是泰國菜，剛開業都幾多人，反正都要食飯，所以試一試，好味既又可以多個選擇啦。午市都有套餐或散叫，價錢都是四十多元起，泰國菜算幾抵。泰式小食拼盤雞翼：雞翼有3隻，表面炸得比較乾，所以有點硬。蝦餅：外層炸得香脆，蝦膠肉多，蝦肉夾口彈牙。魚餅：魚餅比較多碎骨，有點香料味道，十分彈牙。春卷：外層炸得香脆，裏面有粉絲、紅蘿白絲及木耳等，醮上甜酸汁，減輕油膩感。阿來海南雞飯：全日餐之一的海南雞飯，雞件份量十足，雞肉全都已起骨，適合我這些怕食骨的懶人。雞肉嫩滑，雞皮很爽而且不會太油膩，配上香噴噴的雞油飯及甜酸汁，味道不錯。跟餐的湯有紅白雙色蘿白煲成，清湯無比。椰青：跟餐加$7，椰水清甜凍冰冰，炎炎夏日最佳的消暑飲品。冬蔭功湯小：冬蔭功湯約有2碗份量，有菇、蝦、蕃茄仔及香料包括香茅及薄荷葉等，十分足料，不算太辣但很夠酸，怕辣的都可以一試。總結：食物味道不錯，價錢合理，冬陰功湯及海南雞飯值得一試。