曼谷車站

Open Now

Now Closed

夜晚忽然想食泰國菜，專程搭左幾個地鐵站來呢間曼谷車站由於我唔係住呢區，所以覺得有點難揾不過商場既指示都好清楚，好快就揾到見到間餐廳裝修都算幾有特色，外觀好似火車咁服務就普通茶餐廳水準，不過出餐夠快，食物都熱騰騰＊炸蝦餅份量都算多，仲要熱辣辣，有無翻炸我就食唔出，不過 $58有咁多舊都叫抵食＊泰式馬拉盞炒芥蘭味道岩岩好，又唔算咸，正常之作＊波蘿海鮮炒飯個賣相都比其他波蘿炒飯特別，個波蘿裝飾仲有雕花都幾得意既，而且仲幾甜，炒飯都ＯＫ＊泰式炒金邊粉食泰國菜必叫之一，呢個反而覺得無乜特別，普通水準，好似唔多見Ｄ海鮮另外仲叫左兩杯野飲，椰青同波蘿沙冰，沙冰好大杯，一個人飲唔晒總括來講，都係平價抵食之選，２人埋單食左咁多野都係$300幾，性價比幾高

同朋友O係德福睇完場戲, 附近冇乜野岩食, 行左黎淘大得寶呢邊. search到呢間泰菜, 朋友至愛泰菜所以一試!餐廳以火車車廂設計, 好有特色!同埋一入到去就聞到好香既冬蔭功味生蝦刺身生蝦都幾爽口, 而且個汁調校得好好!椰汁雞湯(小)2個人食, 叫個細既, 份量岩岩好. 有個底座細火暖住, 非常好!個湯唔算好重椰味, 但帶有少少酸辣,飲落肚好暖笠笠~個湯好多料, 所以好夠味, 而且仲有好多雞肉同雜菇食~泰式炒金邊粉我就至愛食Pad Thai, 所以必叫.呢度個Pad Thai炒得幾夠乾身, 酸酸甜甜微辣~好岩我口味~配料亦有好多, 好豐富~泰式馬拉盞炒椰菜苗D椰菜苗鮮甜爽脆, 唔會炒到過火! 加埋用馬拉盞炒, 更加惹味~椰青椰青水好清甜, 食到有D辣野後飲返啖, Cool!!個椰青都幾大個, 滿滿既椰青水~芒果糯米飯糯米飯暖暖地, 而且煙煙un un~芒果清甜~一口椰漿糯米飯, 一口芒果~食落唔會太甜!如果有埋炸綠豆粒就更正喇~

九龍灣好食既泰國菜又抵食又有質素食過返尋味所以帶埋朋友一齊嚟叫咗個泰式生蝦刺身一共有六只大大隻好新鮮邪惡小食拼盤雖然每樣小食份量不多但係每款都有四舊同埋能夠一次過享受晒所有小食咁就最開心醬汁就有甜酸汁同埋雞醬蝦餅：勁有蝦味非常彈牙，外皮勁邪惡，脆卜卜春卷 ：皮薄餡料多，仲炸得好脆口鳳凰丸：我第一次食，口感介乎蝦餅同魚餅嘅中間，外面是炸腐皮魚餅 ：濃濃香茅味，食落好清新，一啲都唔覺得油膩滿足晒所有食感另外仲叫咗個豬頸肉沙律辣辣地豬頸肉半肥瘦非常爽口彈牙豬頸肉份量都多$68 所以好抵食另外叫咗個馬拉盞通菜炒牛肉套餐仲跟埋個白飯食指大動馬拉盞通菜少辣牛肉份量唔會太多最後梗係叫埋個椰青完美嘅泰國餐個感覺簡直係置身係曼谷

依間餐廳一直都好想試下，因為裝修夠特別，以「曼谷車站」做主題，而且標明係用泰國廚師，正宗口味，無理由唔試下。簡簡單單叫左炒菜，金邊粉和咖哩炒大蝦拼薄餅。蒜蓉炒翡翠苗菜苗相當新鮮，只要輕輕的加蒜蓉炒就已經非常美味當然如果食開粗身菜的朋友，咁就唔建議食，因為你可能會覺得食到成口渣。泰式炒金邊粉依個金邊粉既份量相當之大，比起平時食的起埋多一倍但又唔會炒到麵條一舊舊，食嘅時候仲感受到有鍋氣！招牌泰式咖哩炒大蝦咖喱炒蝦絕對係今晚覺得最滿足的菜式大蝦足足有成隻手掌咁大，仲要有四隻，超讚咖喱汁非常多，配埋薄餅一齊食，可以索埋咖哩汁薄餅烤得脆身香口，但略嫌有少少油膩，始終覺得乾身的薄餅/法包襯咖喱才是絕配。總括依然呢度嘅嘢食絕對稱得上是大件夾抵食，最重要的就是味道相當不錯，應該會再來。

今日返工食lunch, 去遠少少係九龍灣既得寶食飯入到商場呢已經有好多指示牌 direct 你去餐廳，餐廳都幾大，食lunch既話唔洗擔心冇位坐Lunch set 都有好多選擇，同2個朋友點左2個set 「冬陰公海鮮湯河」同埋「青咖喱牛腩飯」。另外，今日返工好攰，想食豐富啲，仲散叫左「肉碎生菜包」同埋「芒果果糯米飯」。食泰國菜點可以少咗肉碎生菜包，讚👍🏻冬陰公湯底幾typical，辣度適中，而且真係有海鮮，真足料青咖喱配薄餅食好入味，所以專登加錢都要配，如果可以將個飯轉跟薄餅就好😍😍每一樣野嘅份量都偏多，最後3個女仔食唔曬仲要打包添P.S. 下次正常普通食個lunch應該，幾十蚊每人叫個lunch set就搞掂，可以再encore

得寶給我的印象只是個舊到不行的商場而已, 但是今天跟著家姐帶著B再來竟有驚喜. 原本為了MaBaLand而來, 中場離開吃個tea. 隨便到樓上看看, 見到一間外型是一架火車的餐廳, 泰國菜正合我們回味, 而且有High chair, 試試先.正宗泰式海南雞飯 淡黃色油飯夠香, 佐以肥美海南雞更美味; 雞不是弄到太過熟因而保留了滑溜的口感, 當然生熟程度是適中的. 喜歡雞肉的嫩和厚, 雖然是下午茶價錢, 份量都足夠.椰青 (+$20)加$20其實有點貴, 但在香港通常只有泰式餐廳才有椰青供應, 椰青水超清甜, 附上長身匙羹刮起內裡椰青肉, 很易起的!