曼谷車站

Open Now

Now Closed

依間餐廳一直都好想試下，因為裝修夠特別，以「曼谷車站」做主題，而且標明係用泰國廚師，正宗口味，無理由唔試下。簡簡單單叫左炒菜，金邊粉和咖哩炒大蝦拼薄餅。蒜蓉炒翡翠苗菜苗相當新鮮，只要輕輕的加蒜蓉炒就已經非常美味當然如果食開粗身菜的朋友，咁就唔建議食，因為你可能會覺得食到成口渣。泰式炒金邊粉依個金邊粉既份量相當之大，比起平時食的起埋多一倍但又唔會炒到麵條一舊舊，食嘅時候仲感受到有鍋氣！招牌泰式咖哩炒大蝦咖喱炒蝦絕對係今晚覺得最滿足的菜式大蝦足足有成隻手掌咁大，仲要有四隻，超讚咖喱汁非常多，配埋薄餅一齊食，可以索埋咖哩汁薄餅烤得脆身香口，但略嫌有少少油膩，始終覺得乾身的薄餅/法包襯咖喱才是絕配。總括依然呢度嘅嘢食絕對稱得上是大件夾抵食，最重要的就是味道相當不錯，應該會再來。