旺泰特食

Open Now

Now Closed

行完上窑，夜晚直落。泰國同越南料理之間，最後超過半數站了Pad Thai的一邊😙入到西貢當然食OP最多好評嘅餐廳啦~運動後出咗一身汗，即刻叫個椰青嗒吓先。椰青既係飲品又係甜品，重點係每次刨椰肉都有種莫名嘅滿足感😂蝦醬炒飯同肉鬆撈勻，入口香到不得了，唔會太重厚味，加入蝦醬昇華咗呢碟蛋炒飯👍🏻幾個女仔𢳂完一羹又一羹。btw上枱嗰陣見到熟悉嘅燒味朋友——臘腸喺度。燒烏頭魚講起泰國人家常飯點少得烏頭魚？呢條魚前腹塞咗一扎香茅吊味，兩層魚肉蘸甜辣醬係幾正，不過本人唔食辣嘅關係，侍應好好咁畀咗碟魚露我沾嚟食🤗態度100分。順帶一提，唔好食魚下面啲菜，初頭以為索晒精華，點知勁鹹😓just for decoration.金邊粉🤩好耐冇食啦！拌花生碎+榨檸檬汁，酸酸甜甜嘅感覺又番嚟啦！不過呢個唔係我食過最好味嘅，原因佢質感有啲黏，如果佢再乾番啲啲、冇咁稔就好啦。生菜包碎豬肉一向好鐘意呢種食法，用菜包住1-2羹辣碎肉，食落去chop chop 聲，幾過癮，就算唔食辣都堅持試一嚿😛特登等齊先影相，好在出餐都快，唔係等到頸長。晚飯過後，大家都懷胎三月咁走😜😮‍💨飽到冇機會試芒果糯米飯。

熊大講左好耐想去西貢，今日終於早放少少就入去放下假喇。入西貢鑽石山，彩虹有巴士，將軍澳，觀唐，彩虹旺角,銅鑼灣有小巴，熊大同熊妹選擇旺角入，比較方便啲。每次去西貢，熊大都係想去拜訪咖啡佬，今次因為入到去都快要入夜，熊大太夜飲咖啡又會訓唔到覺的，所以決定揾食算。西貢除左食海鮮出名，仲有條泰國菜街，就係海鮮街後面。 一入去條街見到呢間旺泰特食，頭先係西貢巿內行下都見有兩間門面鋪，即呢間係第3間，咁多分店，又見幾多人食，應該唔會差掛，就揀佢喇，熊妹唔鐘意坐出面，所以揀左坐係店入面。店員阿姐都幾親切，一見熊妹就嗌靚女入面坐喇，俾熊大笑被人叫靚女即刻應，個阿姐即刻笑左仲話靚仔都入去坐喇。嘖，熊大咪又係即刻應。 噗噗噗噗...睇睇餐牌，都係一般會有的泰國菜，價錢就中上喇。首先，點菜當然少不了熊妹最愛的串燒。熊妹覺得豬肉串燒會有點肥，熊大就好識做咁叫了2牛2雞，$12一串，都唔係平，又唔係好大一串，連埋泰式花生串燒醬，味道正路喇。然後，點個泰式沙律，熊大鐘意食青木瓜，又話食完可以止咳，仲唔嗌佢咩？$55 唔係好大碟，材料就係青木瓜同幾粒花生，兩塊蕃茄，味道唔係好辣又帶點甜，熊大同熊妹就覺得唔係幾抵食