龍景軒

Open Now

Now Closed

因為是連膳食的住宿，不知單獨價錢所以沒法評級「抵食」。預計每人要九百蚊以上，對於不會主動吃高級中菜的我來計，龍景軒帶給我的驚喜令我會再來的。小青柑普洱及鳳凰單叢- 前者很重靚陳皮味，後者很香茶味。龍帶玉梨香- 一口的點心，非常可口。廚師三拼- 叉燒皇燒得很香口、估不到叉燒都可以入口即溶。蝦多士很濃的蝦味。鴨舌醬味很香。菜胆北菇燉竹笙- 這個最驚喜，因為不是什麼名貴罕有食材，但龍景軒就是造得好吃。很香很甜的上湯，相信背後用了很多功夫來燉。蝦球皇- 又一想像不到的菜式，用一隻非常大的海蝦捲成"龍"型，要用刀叉享受，很驚喜。鮑魚伴和牛肉面- 又轉回用食材決勝，飽滿糖心的鮑魚，配和牛香足、入口即溶的牛肉。上湯杞子時蔬- 雖然都好味，但被前面的菜式比下去，有比較有傷害。XO醬乳鴿崧炒米型意大利粉- 其他餐廳也吃到的美食，但獨家的XO醬、由意大利粉的口感代替飯香，就是給人另一種體驗。楊枝甘露- 滿滿的芒果、濃濃的味道。

今次一樣係黎到四季酒店staycation，本身package跟the lounge既三道菜晚餐，不過我地加左每人$880，即係總共$1760升級成為米芝蓮三星既龍景軒套餐。龍景軒門口裝飾。餐廳位於酒店四樓，門口無咩花巧設計，我地連行過左都唔知，亦都唔會好似其他餐廳咁貼晒米芝蓮d獎牌出晒黎，因為呢間龍景軒，係自米芝蓮由零八年推出香港版開始，由頭到尾都係三星級數，亦都係另一個指標福布斯五星級既餐廳。唔知係酒店住客，定因為我早係個幾月前已經book左位既關係，我地就被排坐係靠窗個靚位，個景就同房景差唔多，而呢度4樓，可能睇到更多既就只係由IFC行過去中灣碼頭既市民。入面環境。跟酒店package係會每人有一杯白酒，個侍酒師就真係chok到不得之了，但其實我就真係唔飲既。餐牌上面直頭有寫上住客，即係我個名同日子，我覺得好靚好特別，直頭拎左呢張好似證書既餐牌番屋企，龍景軒套餐，六道菜正價1380，連加一兩個人大約三千蚊左右，今日我地以優惠價1760升級食到。好多餐廳都有配餐酒既set，但呢個套餐配既係餐茶，一開始先黎既係呢枝丹麥既有氣茶，飲落有小小似酒既味道，幾特別。臺上面三個醬，話係以大中小

疫情放緩之後我哋屋企開始咗報復性消費包，今晚去四季酒店龍景軒食晚飯，叫嘅都係「經濟」小菜。作為四季酒店嘅中餐廳，服務確係一流，唔會過分殷勤，但細節位令你感動。餐前小食係拌茄子，而我係唔食茄子嘅，就將碟茄子俾咗太太，原來侍應看在眼裏，冇幾耐就攞過另外一碟露筍伴雜菌俾我。去好嘅餐廳我哋好多時都會鍾意叫炸物，因為普通餐廳嘅炸物一般都做得麻麻。我哋叫咗個蝦多士，蝦鮮味，多士鬆化，遠勝太子鳳城。屋企人鍾意食雞，我哋叫咗半隻炸子雞又加個西檸鷄，兩種雞都好好，不過炸子雞好多地方都整得好好，但檸檬雞做得好似呢度咁好就比較少有。但出奇地係，今晚大家公認最好嘅菜式竟然係XO醬炒豬腩肉，豬肉入味，龍景軒自家XO醬味道獨特，唔會死鹹，好味。餐枱上都有碟素XO醬，侍應見我哋鍾意食就再攞一碟嚟。又叫咗羊肚菌豆腐同鴿肉炒飯，略為普通，冇乜特別。甜品方面，餐廳送咗俾每人一件奶黃酥同桂花糕。奶黃酥好過半島嘉麟嘅奶黃月餅，唔好錯過。另外我哋叫咗楊枝甘露同煎堆仔，大女認為呢度嘅楊枝甘露係全香港最好嘅，芒果新鮮又冇「渣」，但煎堆仔就真係唔好食。總嘅嚟講，連續十二年米芝蓮三星(香港中餐廳得三間)嘅龍景軒係實至名歸嘅嘅，而且服務

米其林3星中菜。環境優雅,服務不錯。食物偶有佳作,釀蟹蓋值得一試。其他不過不失, 性價比偏低。Michelin 3 star Chinese restaurant;Good service, Elegant decor;Very good stuffed crab.Nice View.Value for money? Dragon's viewther than the need to fork out a few Ks, I wasn't quite sure what to expect from the only Michelin 3 star Chinese restaurant. I was doing my research on OR before going there with my wife and sister-in-law. Most of the reviews here focused on their dim sum lunches - which kind of worries me because we were about to go there