壽司郎 (Closed)

同女朋友講左要食壽司郎好耐，今日終於的起心肝一早去排隊，我哋並冇使用網上預約，因為網上預約通常好快都會full左，我哋嗰日大概下晝4:00就去到舖頭拎飛，因為佢有網上顯示排隊嘅進度，所以我哋一路留意住就一路喺附近行一陣，然後去到大概下晝6:30就輪到我哋啦。so far咁樣嘅話唔使留喺度等，我都覺得好快就排到我哋，亦都配合到時下嘅年青人。入到去之後，我哋被安排到去一個兩人嘅吧台位，好適合情侶。然後佢枱面會有部iPad去睇Menu叫嘢食，亦都可以喺迴轉帶上面拎嘢食，選擇好多，同時佢都會有好多限定嘅嘢食，唔會一式一款，咁每次去嘅時候都會有驚喜。至於食物方面，佢嘅壽司比起其他市面上嘅連鎖壽司店都要好食，而且選擇都會比佢哋多，同埋一定要試佢哋嘅拖羅，因為喺香港感覺上可以食到拖羅嘅壽司店唔多，而且佢哋嘅拖羅味道都好好，絕對值得一試。同埋就算order嘅壽司上菜時間都好快，亦唔會漏單，呢方面做得好好。去到最後，我同我女朋友食咗大概20碟，埋單大概$400左右，計返$200一個頭，都夠食到抱住個肚走，絕對唔貴同埋值得一試！

今早9點多要去QE 產前檢查醒起有間過江龍迴轉壽司店正正喺QE 附近出發前做定功課，知道walk in 既情況後未到11點已叫陪我產檢的老公先去壽司郎拎飛等我結果平日既11點前去到唔洗等位已可直接入座我產檢完後大慨11點幾去到join 老公幸好老公已預先入座因為11點幾門口已經有很多人等位了！ 大肚婆不能食生野但今日破戒食少少吧！ $12 大吞拿魚腩已經沒有了店員話這個優惠只做到25號一來到先食極上大吞拿魚腩沒有筋，入口充滿吞拿魚油香食完成個口都充滿了吞拿魚味必食！ 油甘魚必食！ 很厚很大片，入口亦是充滿油甘魚的魚油香三文魚都很好食的不過比起上面2款就有點比下去因為吞拿魚腩和油甘魚實在太好食了！其實三文魚都好鮮甜好好食的三文魚子軍艦必食！ 軍艦最好用點餐機叫送上來時紫菜還是脆的迴轉上的軍艦紫菜會比較林赤蝦也是必食！ 超鮮甜老公食完赤蝦後未夠喉來多碟蝦三味食蝦三味會抵d , 比赤蝦只貴$5 但有多2款蝦壽司3款蝦壽司都是超鮮甜好食！ （ 大肚婆只可以食中間熟的😭 ）這個鰻魚卷也是必食！ 上面那片鰻魚很好食食過美味既吞拿魚腩後以為吞拿魚軍艦都應該不錯但這個味道較淡，沒有吞拿魚油香所以這個一

而家放緊暑假，見壽司郎岩岩響佐敦開幕，而咁岩晏就要出佐敦辦事，所以一早就拉埋呀媽黎排隊試食提提大家試業期間營業時間為12:00-21:00pm，我11:25am已到左排隊，話就話平日朝早，理應少d人，但因人氣太勁，我排左一陣龍尾就已經長到睇唔到排左大概50分鐘就有位，好好睇有卡位坐，兩個人坐都幾闊落，環境幾舒服出發前有睇一d Youtuber既試食分享，我諗大部分食客都有相同目標，就係食最易回本既—$12期間限定既「極上大吞拿魚腩」！排得咁辛苦，當然唔可以錯過咁好既機會一坐底就叫左8件，每人食左4件，以呢個價錢黎講性價比超高，拖羅好有光澤同好新鮮，入口即溶，果然無令我失望其他推介有「赤蝦」、醬烤鰈魚邊壽司」、「油甘魚」、「鰻魚壽司」等等，反而Youtuber介紹既$27「醬烤吞拿魚腩」果個有d失望，寧願轉攻$12碟既「極上大吞拿魚腩」最後甜品叫左一杯$32既「抹茶芭菲」，好推介大家去試，牛奶雪糕味道濃郁（雖然可以再滑身少少），裡面既抹茶mousse同抹茶朱客力脆脆都同雪糕好夾，整體係高質！服務方面，侍應生態度好好；排隊安排方面尚算合理；上菜時間算快，但每次用ipad落完order之後要