極之拉麵

Open Now

Now Closed

終於又黎到星期六啦，前一晚當然要同太太去返啲好嘢食啦😬今次就係朋友嘅介紹下去到長沙灣嘅呢間「極之拉麵」，聽朋友講佢地嘅湯底相當之不得了！咁岩尋晚又係長沙灣果邊，咁就去試一試先得😋終極之 廣島牡蠣濃湯拉麵（3粒日本廣島蠔+溏心蛋+醬漬牡蠣+3慢煮叉燒） $138首先當然要介紹一下呢個店舖嘅招牌拉麵啦🍜淨係睇個名都知呢個拉麵唔簡單😊湯底相當之濃郁，鮮味十足！店員溫馨提示我哋先嘗試個濃湯底嘅味道，後食麵😬果然係令人難忘嘅湯底呀😋而且材料豐富，真係無得輸，同埋 小編留意到其他黎光顧嘅食客，10個有7個都係叫呢款拉麵👍而且廣島蠔相當之肥美，再加上三塊慢煮叉燒認真滿足☺️麵嘅軟硬度亦適中🤤極之 真牡蠣醬油拉麵（溏心蛋＋半殼醬漬鮑魚＋牡蠣+慢煮叉燒） $99呢款拉麵嘅湯底雖然冇終極廣島牡蠣濃湯嘅湯底濃郁，但亦都係鮮味十足！而且用上醬油做湯底，再加上有醬漬鮑魚吊一吊味，味道都的確唔錯👍都係值得一試嘅拉麵😋炸雞皮餃子（4件） $28呢款雞皮餃子🥟真係皮薄餡靚👍而且新鮮製作，即叫即炸，值得一試😋手羽明太子雞翼（2隻） $36明太子相當之豐富！釀哂入雞翼當中，味道都相當之唔錯👍

呢間小店本身價錢已經比出面拉麵店價錢平之餘，仲對自己嘅出品好有要求～睇佢哋社交平台就知，老闆當日如果對自己熬製出嚟嘅湯底唔滿意會倒晒佢同埋唔會開鋪😱，淨係呢一點都已經係信心嘅保證！同埋佢地營業時間真係好短🤣，想試嘅朋友仔真係要睇清楚時間、check埋佢哋社交平台先過嚟，如果唔係就摸門釘🫢▪️極之 真鯛白湯拉麵$98▪️鯛魚片冇骨好淋，配埋好脆口嘅炸魚皮形成一個口感上嘅對比，呢樣好有心思😍 湯底好香鮮魚味但又唔會腥，飲得出冇加味精！仲配埋半熟糖心蛋真係完美🤤 ▪️極之 真牡蠣醬油拉麵$99▪️醬漬牡蠣配拉麵真係好特別😳 個湯好有鮮味，加埋鮑魚令到食拉麵都變到好豪華🤭 慢煮叉燒好淋好好咬口🤤▪️炸雞皮餃子 $28▪️用最慢煮嘅方法令到入面充滿肉汁，雞皮好脆口，真正嘅外脆內嫩🥰，對比起其他拉麵店嘅餃子絕對係誠意之作👍🏻▪️唐揚炸雞 $29▪️炸雞調味剛剛好恰到好處，唔會太重椒鹽味。有成4件好抵食！

🦪🍜極之 真牡蠣醬油拉麵 $99雖然聲稱係醬油拉麵，但個湯底用咗大量嘅蠔打碎煮出嚟，蠔嘅🦪味道好出，好濃，每一啖都食到蠔嘅味道同鮮味😍配料方面有慢煮叉燒、糖心蛋、醬漬牡蠣同半殼醬漬鮑魚，醬漬牡蠣好飽滿，慢煮叉燒真係好出色，慢煮火候啱啱好！半殼醬漬鮑魚味道就甜甜地，而且餐廳處理鮑魚嘅時候已經去除咗內臟，食既時候就可以大啖大啖咁品嚐到嫩滑鮑魚肉🤤🤤🐟🍜極之 真鯛白湯拉麵 $98真鯛白湯拉麵可以話係出乎小編意料之外，有別於牡蠣拉麵，真鯛白湯湯底更加鮮甜，而且經過長時間嘅熬煮，湯底嘅味道都好濃厚！小編今次就揀咗餐廳推介嘅微微辣，餐廳真係絕對冇介紹錯，因為個種微微辣非常惹味，帶起左湯底嘅鮮味🤤呢個拉麵嘅配料有溏心蛋、慢煮叉燒、鯛魚片同炸魚皮，鯛魚片唔單止唔腥，無骨之餘仲好滑，有啲驚喜🤭餐廳嘅拉麵🍜有兩款可以揀，一款係幼白拉麵，第二款係粗黃拉麵。幼白拉麵有少少似一蘭拉麵嘅粗幼度，比較易掛湯。而粗黃拉麵就比較有咬口同嚼勁！大家去到就可以根據自己嘅喜好去揀拉麵🍜嘞🤗🥟炸雞皮餃子 $28雞皮餃子，入面係豬肉嘅餡料。第一啖咬落去會食到雞皮油香嘅味道，然後慢慢就會食到豬肉餡料嘅味道。呢個都幾特別，唔係度度食

長沙灣有新開拉麵店，雖然店面細細，但係每個座位都幾闊落，餐廳播住近排最Hit嘅日文歌😍牆身貼滿動漫海報，中午時間來都坐滿左大半座位都幾熱鬧。店員好有禮貌會解釋食材，感覺非常唔錯！❁ 極之 真牡蠣醬油拉麵(溏心蛋＋半殼牡蠣＋慢煮叉燒+醬漬牡蠣）好正呀有隻有殼生蠔，湯底用牡蠣熬製味道濃郁，食完成個口都係鮮甜醬油香，麵條掛湯掛得多❤️麵條有咬口軟硬適中。拉麵有叉燒、牡蠣好豐富好香口。麵條爽口有咬口😊配料香蔥、筍幾樣都有。❁ 極之 鯛白湯拉麵（溏心蛋+慢煮叉燒＋鯛魚片＋炸魚皮＋魚籽）湯底由大量鯛魚熬製12.5小時以上而成，所以飲落去鮮甜十足，而且唔會太油膩，濃厚鮮甜魚湯，湯底真係好香！鯛魚6片就係食完拉麵覺得入邊啲鯛魚好正，決定追加，只係經過簡單調味同火炙已經好爽口，好好食！信州有汽蘋果汁食拉麵點可以唔飲汽水😛