Video
Read full review
2017-08-15
1617 views
北角嘅錦屏街講嚟無咩特別，但其後街卻有啲似諾士佛臺咁，一條小巷隱藏咗多家食肆，如Villa Villa、古月、酒盗、The Beans、北豆 Bar & Grill……等等，若非友人相約嚟食晚飯，真喺唔知港島呢邊都有條「小諾士佛臺」。而今晚，友人揀咗據知由90後為店主兼掌廚嘅「 Soul 9+」。雖然小店環境細細，但裝修上甚花心思，以深藍色為主色背景，配合木枱、皮椅，最突出喺餐廳尾嘅英倫風電話亭外殼，復古懷舊，紅色好搶眼。而感覺上，店主應該幾鍾情英倫事物，從店內嘅各項擺設就可見一斑。此外，最鍾意喺佢哋啲燈光，除營造出氣氛外，光源落正每張枱上，對相機先食嘅朋友喺個重點。餐牌精簡得嚟幾花俏，類別分為沙律、頭盤（較玩味嘅英文譯名Head Dish）、薄餅、意大利麵、意大利飯、肉類（用主菜可能感覺好啲）、小食。本身餐廳唔提供套餐，頂多就喺點選意麵、意飯或肉類，可以加$38享用是日餐湯及沙律。 是日餐湯晌碟邊加少少點綴，賣相的確唔同晒，今晚個餐湯喺粟米湯，更唔喺打成蓉嘅忌廉湯款式，入口只喺微暖，絕對稱唔上熱，口感更喺跟飲「地捫」嘅唔覺有分別。是日沙律賣相同樣經過啄磨，擺得精緻，並用上近年頗興嘅黑
雖然小店環境細細，但裝修上甚花心思，以深藍色為主色背景，配合木枱、皮椅，最突出喺餐廳尾嘅英倫風電話亭外殼，復古懷舊，紅色好搶眼。
而感覺上，店主應該幾鍾情英倫事物，從店內嘅各項擺設就可見一斑。此外，最鍾意喺佢哋啲燈光，除營造出氣氛外，光源落正每張枱上，對相機先食嘅朋友喺個重點。
餐牌精簡得嚟幾花俏，類別分為沙律、頭盤（較玩味嘅英文譯名Head Dish）、薄餅、意大利麵、意大利飯、肉類（用主菜可能感覺好啲）、小食。本身餐廳唔提供套餐，頂多就喺點選意麵、意飯或肉類，可以加$38享用是日餐湯及沙律。
是日餐湯晌碟邊加少少點綴，賣相的確唔同晒，今晚個餐湯喺粟米湯，更唔喺打成蓉嘅忌廉湯款式，入口只喺微暖，絕對稱唔上熱，口感更喺跟飲「地捫」嘅唔覺有分別。
是日沙律賣相同樣經過啄磨，擺得精緻，並用上近年頗興嘅黑石長碟，但味道講唔上有咩特別，或許件柑肉可能嚟自唔知咩知名地區，甜度卻又唔喺甜到爆燈。而沙律菜雖然新鮮清爽，但意大利醋還是落得偏多，有點點嗆喉嘅感覺。
半生熟帶子、鮮茄扁意粉 $138主菜嘅扁意粉賣相保持一貫嘅精緻，色彩予人對立感強。扁意粉捲起上碟，都喺精心鋪排過，帶子單睇呎吋就知喺上等貨色，處理上喺單面輕煎成半生熟，所以，一邊口感帶香脆，一邊口感如刺身，頗有趣，此外，味道可謂非常鮮甜；至於扁意粉呢？煮得恰到好處，極具咬口，加上掛滿蕃茄汁及蕃茄蓉，好好食，只喺明顯又喺有熱度不足嘅問題。
慢煮北美銀花鱸魚、甘筍薑汁、烤雜菜 $148又喺擺設得好精緻，伴菜嘅甘筍以薑汁煮過，顯出其心思，烤雜菜亦唔喺普通嘅薯仔、西蘭花，更見大廚好喜歡用櫻桃蘿蔔刨片做點綴。條銀花爐魚有別常接觸到嘅鱸魚，比較薄身，所以，就算有兩件魚柳，其份量都唔算多。食味如何呢？今勻就夠晒熱度喇，外皮煎得十分香脆，肉質卻仍然嫩滑有魚味，甚有水準。不過有個吊詭嘅疑問，碟邊嘅岩鹽喺裝飾，定喺食用呢？咁粗粒，無理由喺用作蘸魚嚟食啩，唔溶架喎！
因為+$38只喺升級多咗餐湯及沙律，唔包餐飲，飲嘢就得另外落單，亦無飲品優惠。但除一般汽水、啡茶之外，估唔到有唔少酒精類飲品，如紅白餐酒、啤酒、烈酒，甚至乎雞尾酒都有。不過，如你有細心留意，就發現餐牌喺印住隔離嘅餐廳「the Beans」，無怪乎一家小店竟可以提供咁多款飲品。
榛子咖啡 $30$30杯定價唔算貴，由於並非鮮奶咖啡系，所以，只喺加入榛子糖漿嘅即磨咖啡，由於糖漿有偏多嘅可能，故榛子味喺突出，但就偏甜，有點弄巧反拙，口感亦好普通，欠缺一份細膩感。
從各項菜式嘅賣相上，可見大廚都用心做菜，當中有啲細位有待改善，較明顯嘅問題喺食物嘅熱度，可能廚房只有佢一個人搞晒，難免顧此失彼。仲有就喺份量都有啲偏少，兩道菜兩個女生食相信問題不大，但轉為男生，就應該唔夠飽喇。
Post
