娘惹嫁到

Open Now

Now Closed

朋友知我鍾意食喇沙，專程帶我呢個喇沙fans去「娘惹嫁到」試吓。餐廳喺間商業大廈嘅一樓，大廈外面完全冇廣告，只係水牌有貼上餐廳名，真係一間隱世小店。餐廳唔係好大，只有14個位。裝修簡單，牆身有兩件傳統娘惹衣服同一些檳城嘅相片。我滿心期待地嚟試佢哋個喇沙，果然冇令我失望。「檳城亞參喇沙」賣相吸引，配料有3粒爽口彈牙嘅魚蛋，2隻新鮮大蝦，半隻雞蛋，豆卜同芽菜，而麵就係摻摻（油麵及米粉各一半）喇沙嘅靈魂在於湯底。特別熬製嘅湯底非常鮮甜，椰漿香味同咖喱味配合得宜，濃稠creamy。老闆娘話湯底無用味精，可以安心飲。我同朋友都忍唔住，全碗飲晒！我本身對味精都幾敏感，果然，我成個晏晝都唔覺得口渴，個湯真係無味精架！餐廳只做午市，12nn-3pm，不設訂位；晚上只做外賣及預訂嘅私房菜。星期日休息。