蘇媽.蘇媽馬來西亞茶餐室 (Closed)

上次食完番茄師兄發覺格黎就有間蘇媽，主打馬來西亞菜，餐牌上選擇都幾多，最主要都係想試佢d肉骨茶，因唔係周圍有得飲。店面格局唔大，似一般普通茶餐廳，繁忙時間會迫少少，坐位下面有個籃俾你擺袋，呢方面又幾好喎，點完餐之後會送上1碗肉骨茶，有少少藥材味唔會好重，比較容易入口，幾好飲。辣死你嗎配仁噹牛肉，辣死你嗎其實係馬來西亞話椰漿飯咁解，唔係真係咁辣的，辣都係旁邊跟果少少辣醬，都唔係真係好辣果隻，配料都幾多有花生魚仔蝦片增加口感，仁噹牛肉有d飲牛腩，食落都幾腍味道dd辣，椰漿飯幾香椰香味，仲加左d班蘭色變左個綠色飯幾得意，食落味道同普通飯差唔多係聞落有椰香。砂煲老鼠粉，老鼠粉係無老鼠既，其實係銀針粉，配料無睇清楚有乜一黎就撈埋了，撈完先記得影相，食落都幾好食，呢個唔辣，但無乜餸剩食佢就感覺爭少少。百吉嗲肉骨茶，大雜錦肉骨茶入面乜都有d，豬仔脾雞腳豬肚豬手豬腩肉豆卜金菇，仲跟左d油炸鬼同響鈴俾你浸湯食，正。檳城香炸滷肉卷，呢個炸肉卷有驚喜，外皮酥脆入面肉溝左芋頭，食落好香，十分推薦。飲品款式都多，班蘭冰椰香味重，桔仔話梅水解膩，馬拉拉茶香濃。整體食物質素唔錯，本來諗住甜品食埋個咖央多士，但真係太

🌟蘇媽 ﹒蘇媽🌟其實是馬拉文甚麼都有的意思餐廳正門沿用兩道充滿雕刻的木門風味十足店內設計復古懷舊別樹一格1.辣死你嗎配咖喱雞肉🌟辣死你嗎🌟是馬拉話椰漿飯的諧音青綠的椰漿飯加咗斑蘭及椰漿去煮味道清香配菜包括乾魚仔 花生 參巴醬 咖喱雞辣味衝上腦 愈食愈惹味一碗飯真係唔夠🥴2.肉骨茶三層肉三層肉肥瘦相間中間的肥肉還要是厚厚的 6分肉4分脂肪 好腍好入味非常吸引藥材味不會太重藥材味比馬拉飲過的較易令香港人接受 味道鮮甜順喉 肉香和藥材香3.檳城香炸滷肉卷炸到外面腐皮卷好香脆裏面餡料加入好香滷肉碎仲有芋蓉想不到原來咁夾 外脆內嫩好食😋4.馬來西亞拉茶話明拉茶梗係要拉到嘔泡先叫做拉茶呢杯就真係傳統嘅嘔晒泡拉茶香濃甘香茶既味道配香滑牛奶 有驚喜好味☺️

久聞深水埗有一間馬拉餐廳好食得嚟又非常正宗, 作為一個熱愛馬拉嘅港人(其實只係仲意馬拉妹), 點都要嚟試下, 佢係深水埗基隆街即珠片珠仔街到, 好易搵, 因為離遠就會已經見到有一大班人係到等緊位, 當日我12:30到, 但都要等到12:50先有得入座。一間小店難得門面及店鋪裝飾都係咁乾淨企理, 抵讚, 一嚟佢就上咗一人一碗肉骨茶。肉骨茶 - 唔洗錢嘅, 一煲好就放入茶煲到, 飲晒可以叫佢refill, 無遷就香港人口味, 中藥味好重好濃, 當歸, 八角, 蒜香味濃, 好味得嚟又唔會太熱, 又暖身, 正。百吉爹肉骨茶 (豬腳彎) - 將豬拆骨起肉, 肉質好淋, 有少少咬口, 皮少膠質帶爽口, 好入肉骨茶味, 浸得剛好, 豬腳切得幾好, 唔太薄, 一口一片, 好貼心。玻璃魷魚配通菜 - 魷魚馺得剛好, 令到魷魚到玻璃狀態, 但炸蒜先同辣油至係令到佢提味嘅關鍵, 加強脆爽口感及辣油令其唔會太掛, 通菜馺得翠綠剛好, 與炸蒜及辣油同吃, 不錯吃。馬拉沙嗲串燒 - 牛、雞、豬三隻味, 馬拉人少吃豬, 但肉不是重點, 沙嗲才是主菜, 濃烈椰香味, 令燒得乾身的串燒加添嫩滑及汁醬, 加添美味。檳城香

長期人氣高企的馬拉茶啡廳好好彩地得左5分鐘左右已經有位特製辣椒#老鼠粉 有隻溫泉蛋再撈埋肉碎辣醬同炸蒜等好惹味又夠香口微辣啱啱好 好似銀針粉的老鼠粉沾滿配料好好味口感亦好彈牙「辣死你嗎」#椰漿飯 配咖喱雞椰漿飯唔夠椰香但配埋旁邊的辣醬同花生乾魚仔食都惹味既叫了幾款小食 份量不多但價錢偏貴檳城香炸#滷肉卷 好出色 好似腐皮卷咁但裡面有好香的滷肉碎重點係有芋溶好香芋味外脆內棉味道又豐富 好好食#咖央多士 有少許失望多士可以烘得再脆一點咖央醬偏甜同重椰子味辣味蒜香都夠 鮮魷爽口通菜惹味

今日去左人氣甚高長期要排隊喺深水埗嘅馬來西亞餐廳 蘇媽蘇媽👅 主要原因應該係因為價錢平同夠地道 我地大概下午茶時段去到 排左幾個就到我地啦😊一場泥到有乜可能唔試下佢哋個肉骨茶呢 我哋見皇帝骨係限量發售 所以就揀左呢個🤤 你都每張枱都會有教你正確食肉骨茶嘅次序 首先係用蒜蓉 辣椒 黑豉油 頭抽做好一個調味醬 然後就可以飲番碗熱湯 跟著就可以將肉骨茶點醬食用 記得呢到係無限加湯架😉 呢到既湯比較重藥材味 飲得出真材實料好暖胃 而且皇帝骨既肉超腍 點埋醬汁食唔錯👍🏻主食我地就試左比較特別嘅招牌砂煲老鼠粉 其實就係調左味嘅銀針粉加上肉碎 魚乾 雞蛋 蔥 等等嘅材料撈埋一齊食👅 用砂煲上食極都熱辣辣 份量好多 2個人都食唔哂 不過真係幾惹味😋另外我地試咗2款小食 分別係椰香咖央多士同埋檳城香炸滷肉卷 2款小食反而比較遜色🙈 咖央多士唔算好甜 不過可惜無乜牛油 食落唔夠香🤭 而檳城香炸滷肉卷感覺就似炸左既芋頭肉碎腐皮卷 只有一個非常非常非常辣既醬 食唔到辣嘅朋友無醬點會覺得比較乾身🔥飲品方面我哋試咗一杯檳城白咖啡 飲落濃滑 解喝一流👍🏻

之前有次行開深水埗, 見到呢間舖頭排哂長龍好奇心驅使下就上OPENRICE睇下呢間餐廳食咩..原來係食肉骨茶為主, 見到食評都幾吸引, 就緊係要黎試下~好彩我地黎到既時候冇乜人排隊, 等左一陣就有位點完野食之後就開始混醬啦..點解要混醬?係因為蘇媽好細心架, 為左要客人品嚐到最好味既肉骨茶,係店入面都貼住食肉骨茶既4步曲，肉骨茶既湯仲可以再添架混醬有蒜蓉，辣椒，頭抽同黑豉油叫左雞腳肉骨茶，估唔到有3隻雞腳咁多，雞腳煲到好腍，點少少個醬料十分好味，肉骨茶既藥材味唔算好重，味道唔錯！飲品方面我地叫左檳城白咖啡, 桔仔話梅水，對杯白咖啡有少少失望，有D普通茶餐廳凍咖啡既味道，可能熱飲好少少桔仔話梅水唔會太甜，桔仔叶都幾香新鮮炸出黎既滷肉卷，裡面有芋頭同肉碎，有Ｄ似炸鮮竹卷，旁邊有個辣醬，但個辣醬好辣，唔食得辣既朋友要注意或者要求走醬或另上究竟咩係老鼠粉呢，原來係銀針粉，銀針粉真係好難煮得入味，但呢個老鼠粉個人認為做得好好，肉碎，魚乾，蝦米仔全部炒得好香好惹味，撈埋一齊食真係好好食，同埋個份量都幾多！最後就係椰香咖央多士，多士烘得岩岩好，厚厚既咖央加埋牛油，雖然有Ｄ膩，但真心覺得好食

深水埗有很多特色美食，這次試一下馬來西亞菜。這家店不論門口或者食物都很有特色和風味。牆上寫著的是餐牌上的食物，那手字很美。肉骨茶是不能不吃的一道食物，很喜歡它獨有的藥材味😋這道是皇帝骨，店員說如果不想要太肥的排骨，可以選這款。排骨肉質鬆軟，要沾獨門調配的醬油才好吃。味道濃郁，想一直喝😂這碗椰漿飯是綠色的，可能是加了班蘭吧😅我覺得味道一般，椰漿味不太出。這碗叻沙米線，味道香辣，但不會很辣，米線滑順，裏面加了少量菠蘿粒，很特別，還有一些好像是吞拿魚碎的，味道還不錯。這個香炸滷肉卷，外層的是炸到香脆的腐皮，裏面餡料我吃到有芋頭，還有豬肉，整體餡料味道有點像粉果，配上辣椒醬，醬料有點辣。來吃馬來西亞菜就想試一下拉茶，但是這不是我杯茶😅奶的比例比較重。

深水埗不嬲都多小店，但多數都係茶餐或者係港式。今次呢間馬拉餐室真係區內少有而且出名。其實好想食肉骨茶，但懷孕期間盡量減少食藥材類，都係留返下次先食。叻沙係馬來西亞風味，都真係似喺檳城食過嘅味道。唔好期望係新加坡叻沙嗰d咁濃咁多調味料嘅質地，真係鮮味嗰d亞參叻沙。唔係好大碗，可以追加小食。白咖哩麵可選擇唔辣，但我都嗜辣都食咗。個人覺得個湯底可以再濃d。最要讚嘅係滷肉卷，內裡唔係滷水肉咁深色。配埋芋頭粒粒好香好粉。新鮮炸出黎真係好好味，值得一試& encore!!桔仔話梅水如果可以梳打水就好😆