白鬍子炸魚薯條 (Closed)

下班後來到中環碼頭乘船過尖沙咀，等船期間就被這間白鬍子炸魚薯條的香氣所吸引。餐牌貴精不貴多，主打炸魚薯條和炸物小食。點了兩款炸魚薯條外賣，想不到份量都頗多。每款炸魚薯條選配一款醬料，這次就分別選了英式棕醬及蒜蓉蛋黃醬。招牌炸魚薯條 $68炸魚脆漿加入啤酒，因為啤酒是充滿氣泡的液體，可以讓粉漿變膨鬆，炸起來就會特別鬆脆。從橫切面也可看到金黃的外皮十分輕薄，咬下去口感特別酥脆，裡面包著嫩滑雪白而又相當豐厚的魚肉。厚切薯條連著薯皮炸得外脆內軟，邪惡又美味，完全吃到停不了口！檸檬黑椒炸魚薯條 $77這款和原味的分別在於灑上黑椒提味，雖然是炸物，卻沒有過份油膩感。吃前滴上檸檬汁，口感會更清爽也能消除滯膩，與黑椒搭配在一起，更是完美的平衡，特別醒胃。大大塊魚柳和原味的招牌炸魚薯條稍有分別，額外加了香料再醃，所以亦更加香口惹味。

放工搭船過海，嚟到碼頭見到有幾個人喺度排隊就跟住去睇下，原來係賣炸魚薯條既〜兩個人去食叫咗三樣野，百幾蚊，喺中環都叫合理檸檬黑椒薯條$75 係整叫整炸，新鮮熱辣！！！用既魚係cod fish比平時快餐店嗰種魚柳滑得多，同埋完全冇雪味薯條係粗身偏向似炸薯仔嗰種，所以食完都飽肚既〜另外叫咗芝士條5條$50真係可以拉到絲都幾正！同埋面頭有啲香料都幾正最後見佢有好多啤酒賣，但都係揀咗飲檸檬蜂蜜貪佢夠開胃嘛〜但夏天食真係有啲熱

喺香港唔同地方都食過炸魚薯條，但有唔少嘅炸漿都超厚之餘，仲要食落超油膩，所以好難食。之前同事食過後話白鬍子嘅炸魚薯條整得唔錯，搞到我好想去試下，趁今日放假就去咗食喇。(P.S 薯條係Mr.J嘅最愛，魚係我嘅最愛，所以特登去食都無問題啦)就算連炸魚薯條都有5種唔同嘅選擇，今日揀咗檸檬黑椒炸魚薯條，另外叫咗魷魚圈籃同香蒜牛油薯條。食店附近都有幾張公用枱方便大家坐低食。等咗一陣，就有得食喇。第一時間就聞到香蒜牛油薯條嘅香味，因為薯條係炸完之後再用香蒜牛油撈，所以要盡快食，否則會痴埋一齊。薯條係粗身連皮嘅，雖然係炸完再撈牛油，但都唔會太淋，好好味。主角當然係炸魚薯條，今次要檸檬黑椒味，因為比較特別，出面少有嘛。微微嘅黑椒味再加上檸檬汁，無搶走炸魚的味道，檸檬汁仲將魚嘅腥味帶走咗。另一方面，炸魚嘅炸漿好薄，食落唔油膩仲有少少魚的鮮味，味道做得好平均。薯條當然都炸得剛剛好，好好味。至於魷魚圈，炸漿都係好薄，屬於鬆化嘅一類。咬落魷魚圈仲係彈牙，再唧檸檬汁上去，除去咗腥味同油膩感，不錯。P.S 一路等食物時，不斷有好多外國人落單，可能香港比較少有依類專賣炸魚薯條嘅舖頭，間唔中食可以醫下思鄉病。