名館 (Closed)

今天和朋友在希慎廣場14樓名館食飯。我覺得名館有別於一般中餐，我覺得他們路線比較年輕，新潮。餐具很有特色，是一些文化大革命做主題的宣傳物。特選三精品 $98，這是個三色前菜，有叉燒，青瓜，海蜇。燒魂妙齡鴿 $58, 乳鴿甘香，酥脆，味道可口。鮮肉一口小籠包 $58， 小籠包裡面湯汁豐富。蜜椒土豆安格斯牛柳粒 $98，D薯吸曬D牛肉味，好正。蜂蜜柚子蝦球 $88，蝦的鮮味同柚子味好夾。名館蝦餃皇 $42，能比美酒樓品質，贊一個。大良鮮奶脆網卷 $48，真正能做到外脆內軟，雙重口感。欖角肉鬆蒸秋葵 $58， 秋葵是我最愛的蔬菜，加上欖角的味道，我認為當晚最好的菜色。金黃球泡飯 $68，好得意，唔督開都唔知係咩，而且好好食。

是日約咗家人去銅鑼灣行街，阿妹話食過呢間唔錯，於是我哋齊齊拉大隊去呢度試吓。入到去坐低，店員就送上蕎麥茶，有濃濃蕎麥香味，亦可中和油膩感，大愛~~ 陳醋珊瑚紅海蜇頭，海蜇頭爽爽脆脆，酸酸哋，底下墊有青瓜好清爽。厚切叉燒皇真係厚切，一啲都唔肥，肉質鬆化，好 juicy! 鑊仔生煎蓮藕餅食到粒粒蓮藕，仲食到芫荽香味，正好平衡肉膩感。胡麻醬鮮淮山好特別，喺芝麻醬中加入芥辣調味，淮山係淋滑，夏天食呢個好開胃。大良鲜奶脆網卷有別於傳統做法，係用一塊厚厚嘅網紙包住啲鮮奶炸好，鮮奶唔會過甜，但又有好濃鮮奶味，食完2件都唔覺膩，好好味! 名館蝦餃皇好足料，好大粒，勁多蝦肉，蝦肉又爽又彈，好滿足! 欖角肉鬆蒸秋葵啲秋葵吸晒啲欖角啲咸香味，蒸得又淋又入味，平時最怕食到佢陣青澀味，呢個完全無嗰陣味，好正! 和風樱花蝦炒飯有激多櫻花蝦鋪面，撈完之後都仲見到粒粒蝦乾，入口勁香蝦味，飯底本身都炒得夠乾身，而且好夠穫氣，好食! 蜂蜜柚子蝦球嘅蝦肉好彈牙，炸皮薄薄一層，夠脆夠香口，撈埋甜甜哋嘅柚子醬，好惹味! 蜜椒土豆安格斯牛柳粒嘅土豆食落似焗薯口感，食完一粒又一粒，牛柳粒以黑椒爆炒，都好香口。總括而言，呢餐唔貴，食

今日做完私人導遊就同朋友嚟到希慎開飯 ，當中有朋友建議14樓呢間名館，貪佢新派中菜，中式得嚟，有啲fusion， 啱曬外國嘅朋友。上到去等咗一陣就有位。 希慎始終都多外國人，所以餐牌上都中英對照。 菜式選擇好多 ，有小菜，點心，前菜， 四川，菜蔬，海鮮焗飯， 粉麵飯同鐵板燒，啱曬唔同人嘅口味。先照顧外國朋友，就揀咗海葡萄沙律菜($48)，鮮蝦野菜春捲($38)，鮮肉一口小籠包($58)，蜂蜜柚子蝦球($88)。再加五仁無骨口水雞($68)，欖角肉鬆蒸秋葵($58)，和風櫻花蝦炒飯($98)同埋大良鮮奶脆網卷做甜品($48)。等上菜嘅時候周圍望下，發現餐廳原來邊位有啲好特別嘅雙人座位，係背向餐廳面向住外面嘅夜景，啱曬情侶坐。 餐廳中間都睇到 大玻璃入面廚師好忙咁食物製作中。雖然全場坐满，但上菜速度都好快，唔使半個鐘，所有食物都到齊曬。先嚟春捲同埋沙律。 春捲新鮮炸，脆卜卜，夾埋入面嘅蝦同清淡野菜都幾好， 食咗兩條都唔覺油膩。之後就到口水雞， 大良鮮奶脆網卷同埋小籠包。 口水雞配埋五仁一齊食好香口，唔會太辣連外國朋友都食到。不過都係有少少骨，唔係完全無骨。小籠包入面好多湯汁， 餡料都好鮮甜

名館位於銅鑼灣希慎廣場，交通方便，非常就腳，是晚就相約了幾位舊戰友來聚腳。名館的裝潢走新潮的路線，就連食物的盛器別樹一幟。餐廳的菜式種類多元化，包攬粵菜、川菜和滬菜等，切合不同人士的口味。鮮肉一口小籠包小籠包的皮做得很薄，咬開外皮，內裡是裹在豐富鮮甜的湯汁內的細嫩鮮肉，整體質素不錯。鮮蝦野菜春卷春卷剛炸好熱騰騰上桌，皮脆肉嫩，口感滿分。姬松茸燉花膠湯吃過兩款點心作頭盤後，店員端上一壺姬松茸燉花膠湯。湯品以金屬茶壺盛載，又以小茶杯作湯碗，非常別緻。湯品以花膠、姬松茸、雞肉等材料熬製，味道鮮甜又養生。蒜泥白肉蒜泥白肉的蒜味十足，辣度適中，可以調味偏咸了一點。如果肉可再薄切一點，口感風味會更佳。厚切叉燒皇叉燒保留住豐富肉汁，肉質嫩腍，水準之作!沸騰水煮滑魚片水煮滑魚片以銅鍋盛載，魚片上面被重重的辣椒覆蓋，賣相吸引。魚片肉質相當嫩滑，辣油辣勁十足，跟嫩滑魚片在一起簡直絕配。翻開魚片，原來下層尚有薯粉和金菇等配料，最出奇的竟然有豬紅和午餐肉，感覺很有港式風味。川辣小炒王小炒王以魷魚、豬膶、薯仔和大蔥作材料，用辣醬炒成，甚具鑊氣。辣味不會太強，口味大眾化。欖角肉鬆蒸秋葵秋葵的常見煮法都較為清淡，這

假期前夕，與友外出飯聚，選擇了地點方便的「名館」用餐。「名館」是一間多元化的中菜館，同時提供粵菜、滬菜、川菜等美食。甫入座，店員便送上一壼滾「熱米茶」，味道甜香，是比一般茶葉茶或花茶特別的安排。 首先送上的是兩客點心，「鮮肉一口小籠包」一籠五件，出品皮薄肉嫩，湯汁份量足夠，但仍有空間再添一點。「鮮蝦野菜春卷」的賣點當然是熱辣香脆的食感。因晚市菜式選擇豐富，這些香口炸物大多即叫即製，只要控油得當，不難給予一份脆香享受。「蒜泥白肉」本屬合意冷盤，只可惜蒜泥過鹹，影響了評分。小編喜歡喝湯，當然不會錯過品嚐燉湯的機會。這客「姬松茸燉花膠」以金屬水壺盛載，十分「墜手」。湯料除姬松茸及花膠外，亦加入了鮮雞瘦肉等一同肴製，味道濃香。唯一要挑剔的地方，是每份燉湯的份量太少，難言滿足。 「厚切叉燒皇」外觀紅潤，紋理清晰，肉味肉質俱佳，讚！接下來是兩道川菜「川辣小炒王」與「沸騰水煮滑魚片」。前者以魷魚、豬膶、薯片等等雜炒製成，辛辣感不過份，適合只嗜小辣的朋友。後者以明火待續煲煮，麻辣感俱重。魚片雖滑，但魚味很淡，只靠辣油上味始終差一點點。翻開魚片辣椒，除了有常見的薯粉外，更有金菇、豬紅、午餐肉等配料，令

天寒地凍，去銅鑼灣行街，晚飯真係要食返d野暖肚。好耐無黎hysan，又出現唔少新食店。上到食肆幾層，發現有間中菜，裝修都幾摩登，就入去試下。呢間店菜式都好多元化，好多特別花款。先黎個欖角肉鬆蒸秋葵，秋葵有d潺菜果種黏黏地，唔係人人中意，但配上欖角肉鬆，蓋左少少草青味，會比較易入口。我幾中意秋葵口感，雖然黏住個口，但清清地，新鮮又健康。另外叫左個湯，金山石斛花燉烏雞，聽上去都知滋補，貌相仲好靚，真係有好多金黄色的石斛花，睇上去好似淡淡地，但一飲落就覺得肉味好濃郁，好香，有少少藥材調味。手撕千絲餅，開頭以為好似一般酒樓甘咸水角形狀，黎到原來係扁扁的。個餅好多層絲，應該係蘿蔔絲，油炸但一d都唔油膩。好好食，忍唔住食左2件。京川汁滑餃子，個汁好熟悉，係紅油抄手個味，餃子皮唔算厚，饀料有豬肉同菜，都幾足料，點埋個汁入哂味。避風塘鮮拆富貴蝦，完全無蝦殻，岩哂懶人，而蝦肉都幾大隻，炸左都唔鞋，keep到嫩滑，炸粉亦唔算厚。甜品叫左榴槤雪梅娘，岩哂中意榴槤人士，味好濃，cream好滑，有少量榴槤肉，如果多d就好了😚總括今餐都唔錯，菜式都幾新穎。