Video
Read full review
2018-07-04
262 views
今日做完私人導遊就同朋友嚟到希慎開飯 ，當中有朋友建議14樓呢間名館，貪佢新派中菜，中式得嚟，有啲fusion， 啱曬外國嘅朋友。上到去等咗一陣就有位。 希慎始終都多外國人，所以餐牌上都中英對照。 菜式選擇好多 ，有小菜，點心，前菜， 四川，菜蔬，海鮮焗飯， 粉麵飯同鐵板燒，啱曬唔同人嘅口味。先照顧外國朋友，就揀咗海葡萄沙律菜($48)，鮮蝦野菜春捲($38)，鮮肉一口小籠包($58)，蜂蜜柚子蝦球($88)。再加五仁無骨口水雞($68)，欖角肉鬆蒸秋葵($58)，和風櫻花蝦炒飯($98)同埋大良鮮奶脆網卷做甜品($48)。等上菜嘅時候周圍望下，發現餐廳原來邊位有啲好特別嘅雙人座位，係背向餐廳面向住外面嘅夜景，啱曬情侶坐。 餐廳中間都睇到 大玻璃入面廚師好忙咁食物製作中。雖然全場坐满，但上菜速度都好快，唔使半個鐘，所有食物都到齊曬。先嚟春捲同埋沙律。 春捲新鮮炸，脆卜卜，夾埋入面嘅蝦同清淡野菜都幾好， 食咗兩條都唔覺油膩。之後就到口水雞， 大良鮮奶脆網卷同埋小籠包。 口水雞配埋五仁一齊食好香口，唔會太辣連外國朋友都食到。不過都係有少少骨，唔係完全無骨。小籠包入面好多湯汁， 餡料都好鮮甜
上到去等咗一陣就有位。 希慎始終都多外國人，所以餐牌上都中英對照。 菜式選擇好多 ，有小菜，點心，前菜， 四川，菜蔬，海鮮焗飯， 粉麵飯同鐵板燒，啱曬唔同人嘅口味。
先照顧外國朋友，就揀咗海葡萄沙律菜($48)，鮮蝦野菜春捲($38)，鮮肉一口小籠包($58)，蜂蜜柚子蝦球($88)。再加五仁無骨口水雞($68)，欖角肉鬆蒸秋葵($58)，和風櫻花蝦炒飯($98)同埋大良鮮奶脆網卷做甜品($48)。
等上菜嘅時候周圍望下，發現餐廳原來邊位有啲好特別嘅雙人座位，係背向餐廳面向住外面嘅夜景，啱曬情侶坐。 餐廳中間都睇到 大玻璃入面廚師好忙咁食物製作中。
雖然全場坐满，但上菜速度都好快，唔使半個鐘，所有食物都到齊曬。
先嚟春捲同埋沙律。 春捲新鮮炸，脆卜卜，夾埋入面嘅蝦同清淡野菜都幾好， 食咗兩條都唔覺油膩。
之後就到口水雞， 大良鮮奶脆網卷同埋小籠包。 口水雞配埋五仁一齊食好香口，唔會太辣連外國朋友都食到。不過都係有少少骨，唔係完全無骨。
海葡萄沙律菜
$48
20 views
0 likes
0 comments
五仁無骨口水雞+ 大良鮮奶脆網卷
18 views
0 likes
0 comments
鮮肉一口小籠包
$58
25 views
0 likes
0 comments
小籠包入面好多湯汁， 餡料都好鮮甜，有香濃嘅肉味。外國朋友第一次食小籠包，都話好好味。
鮮蝦野菜春捲+蜂蜜柚子蝦球
15 views
0 likes
0 comments
欖角肉鬆蒸秋葵
$58
23 views
0 likes
0 comments
可能欖角陣味比較特別，外國朋友唔太好，我哋幾個就食得津津有味，搶住食咁濟， 因為都唔太多地方有欖角，而且仲要係咁特別配秋葵。
相反個蜂蜜柚子蝦球， 外籍朋友就爭住食。 食落去我哋都覺得有啲似西檸蝦球，但更加好味，因為蜂蜜嘅少少甜配埋柚子嗰個甘甘地嘅味道好夾。 而且每隻蝦都幾大，炸漿炸得好鬆化。
和風櫻花蝦炒飯
$98
24 views
0 likes
0 comments
我自己就最鍾意食和風櫻花蝦炒飯同埋大良鮮奶脆網卷，因為兩個菜都俾到驚喜我。
首先和風櫻花蝦炒飯上面真係好多櫻花蝦，而且每啖食落去仲食到有一粒粒嘅蟹子，每粒飯都炒得好香，粒粒分明。所以“趙”得好過癮，食咗一大碗。
而個大良鮮奶脆網卷估唔到佢用新式做法， 完全唔同平時食到嘅大良炒鮮奶。個脆網卷嘅味道，令我即時想起過年時收到嘅雜錦嘉頓禮盒入面嘅蛋捲，味道差不多一模一樣係我至愛，香牛油味又有蛋味。 唔怪得朋友一級推薦呢個菜做甜品。正！
茶位15蚊一位，連埋加一最後每人都唔使160蚊。 服務上菜都好快，最重要係唔貴之餘大家都滿意呢度嘅食物，仲要有驚喜俾到我，一定會有下次！
Post
