真台客 (Closed)

今次去咗路德圍一間台式小店 - 真台客，試吓佢啲台灣小食。呢個台式蛋餅我叫咗2種配料 - 芝士🧀️ & 肉鬆😛。一夾開見到啲料好足，蛋餅脹卜卜❤️上菜果時仲好熱辣辣，啲芝士溶晒！加埋啲醬油，好好食！之後就叫咗臭豆腐。呢個臭豆腐不得了，又聞到食都好臭😋！而且熱辣辣，脆得嚟食落juicy 一啲都唔乾👍🏻最後叫咗呢個牛肉麵🐂。$66有菜、紅蘿蔔同大量牛肉，麵量麵好足.. 可以話係好抵食💰！牛肉好腍，湯都好好味🤤

台客炸物併盤（$60），鹽酥雞（香脆，超多粒）、甜不辣（煙煙韌韌）、四季豆（十足天婦羅口感）、雞肉卷（食落似大腸包住雞肉，口感幾特別）、炸芋丸（不是全粒芋泥，係糯米粉包住芋蓉同些少蕃薯蓉）。全部熱辣辣，即叫即製，鐘意食炸嘢嘅人啱哂。正宗台灣臭豆腐（$36），味道不錯，食落有輕微臭臭的，只是略嫌份量太少（得6粒，其實係3件切開）。大雞扒便當（$52），超超超大塊炸雞扒（最後食唔哂），即時諗起「豪大大」，但令我最感興趣係件豆腐，食落口感更似魚蛋。魯肉飯（$28），睇價錢已經知道是細碗啲，魯肉味道正常，汁撈飯唔錯。古坑珍珠咖啡（$18），味道正常。另外店內提供免費凍冬瓜茶及熱麥香紅茶。整體嚟講，全部嘢都中規中矩，合格有餘，值得一試。

今日(6-3-2021 Sat)晏晝,同老公去將軍澳影櫻花前食個晏,我哋今次懲罰呢間.我哋要咗:4. $28.00嘅黑糖珍珠鮮奶黑糖珍珠口感正常地煙韌,鮮奶冇乜問題.味道: 3分5. $18.00嘅熱古坑珍珠咖啡呢個都正常,老公話黑糖珍珠喺咖啡裡面做咗甜品嘅角色.味道: 3分1. $36.00嘅蚵仔麵線都有唔少蚵仔,而且肥嘟嘟飽滿,食落又嫩冇渣;麵線味道同喺台灣食嘅一樣.味道: 5分2. $36.00嘅正宗台灣臭豆腐炸得外脆內軟,不過都知道台灣嘅臭豆腐係唔臭,所以只當係炸豆腐就算.味道: 3分3. $50.00嘅鹽酥雞湯麵鹽酥雞外脆內juicy,味道一樣係唔惹味;湯麵口感適中唔會太腍,淡湯又好好味.味道: 4分落完單,店員話可以自己斟嘢飲,老公去斟,有熱麥香紅茶同凍冬瓜茶.凍冬瓜茶味道啱啱好,唔太甜.熱麥香紅茶味道較淡,但之後食完嘢再斟一啲嚟飲時,就有茶味.抵食係2.5分

今次食台灣嘢：•真台客牛肉麵$60湯底味道足，麵粗身又厚厚哋，唔係彈牙嗰隻，但有咬口。牛肉都有成4-5舊，係酸菜太慷慨，有少少多得滯🤣•正宗台灣臭豆腐$36豆腐唔算好臭，上枱時豆腐鋪滿左隻碟，個其實全部都細細粒，唔算好多。上面嘅醬甜甜哋，我哋有加辣醬，鍾意香口啲•蚵仔麵線$36麵線唔似台灣嗰啲咁碎，仲可以用筷子夾得起。蠔仔都幾肥美•台式蛋餅（玉米）$36蛋餅油左少少，粟米係捲喺入面，但唔係黏住蛋漿嗰款，粟米粒都幾多，食嘅時候係咁跌岀黎•🍻【後記】曾經睇過一個食評，話哩間唔好食，本來有啲卻步。但黎過附近幾次，我見佢雖然無好似隔離新記排長龍，但人流不絕，所以今次就黎試下。覺得味道ok，可以再黎。•今次兩個人黎，點左4樣嘢，其實每樣份量唔多，但對兩個肚嚟講就多左啲🈵