粒粒果甜品 (Closed)

店舖裝潢以薄荷綠和白色為主，給人清新舒服的感覺。每道甜品都有一塊木製托盤盛著，像是日式文青風格。草莓戀人 - 有士多啤梨、小丸子、椰果，士多啤梨雪糕，底裡全是沙冰。小丸子彈牙，毫無粉感。士多啤梨較酸，配上士多啤梨汁，味道較佳。水果星球配椰汁涼粉 - 有哈密瓜、芒果、西瓜、椰果，涼粉和特別的「星球」。這款味道較淡，西瓜「起沙」令人意外的清甜。特別的「星球」是一顆清澈透明的波波，內裏藏有一小顆水果。透明的部分沒有味道，帶有一份涼涼的感覺。整體而言，甜品的份量較少，適合吃過正餐後給予自己的一小小甜。

之前黎廣華街呢邊食飯，見到呢間甜品店已經想食，可惜果陣太多人排隊，所以冇等到，今次又係附近買完野，過黎睇下多唔多人，可能因為5點左右的緣故，未見人龍，但店入面都有唔少人!我起初係因為見到呢間甜品店有我係日本見到影相打卡一流的飲品，但原來佢仲有款水果星球都好吸睛，所以就同友人每一款飲品和飲品。魔法森林($55)，呢杯魔法森林其實係用左牛油果同埋青瓜黎整的，飲落好清新的感覺!加上面頭有彩色拉花，真係好靚!香芒之戀($48)，我初初以為只係得芒果，但飲落發現原來仲有香蕉，而且香蕉味比較濃!兩杯飲品用黎影相打卡真係不錯!水果星球配椰汁涼粉($40)，呢款甜品非常吸睛，一黎到就見到5粒晶瑩剔透既水果波波，內裡有西瓜、奇異果和芒果。水果星球其實係用左大菜糕黎整，所以睇落咁光滑。這個甜品還有西瓜、芒果和哈蜜瓜做點綴。涼粉如果可以稍稍大一點會更好，整碗都唔會好甜。龍珠星球配芒果汁西米($44)，而呢款龍珠星球是新出的。近排火龍果真係好hit，所以相信呢款星球都會賣得唔錯!呢款個水果波波其實係紅火龍果同埋紅提子，紅火龍果果肉超甜，芒汁西米就唔會好甜!下次要同其他朋友再黎食呢個吸睛，影相打卡又靚既甜品!

記得呢個位前身係間唔起眼既糖水舖，呢日經過見到光猛左好多，店內轉哂小清新風，先知原來轉左第間餐牌上有唔少新式甜品，難怪咁多後生仔女幫襯。正如店名粒粒果，大部分既甜品都加左新鮮水果芒果又熟又淋甜，配埋同口味既雪糕，好芒果～芭菲仲加左椰果、粟米片同奶凍，食落層次豐富啲，無咁寡。賣相好得意既牛奶小方，入口奶香濃郁，滑得黎又有啲Q彈，味道岩岩好唔會太甜每次去食糖水總會嗌份窩夫，每客送兩球雪糕，兩者一齊食絕配窩夫烘得好鬆軟，紅豆足料蜜甜，如果綠茶雪糕再濃啲甘啲就更正隨窩夫仲送earl grey解膩，好貼心見舖面貼左唔少雜誌剪報推介呢款水果星球，味道果然唔錯波波好爽滑，一咬落去食到鮮甜多汁既水果，同椰果涼粉一齊食清涼解渴，夏天必點呀仲有中式既養身糖水糖水落足冰糖，加埋紅棗一齊煲，甜到入心。仲有豐富既雪耳同桃膠，口感帶少少漿漿地，飲落都feel到膠原滿滿呀