Video
7-min walk from Exit A2, Yau Ma Tei MTR Station
continue reading
Opening Hours
Mon - Sun
15:00 - 01:00
Above information is for reference only. Please check details with the restaurant.
食完飯想食甜品，周圍都好多人，經過呢間見到冇咩人排隊就試下，可能舖頭比較細，座位都比較逼，好多人都係外賣。入到去坐低就叫左珍寶芋圓同綠茶芭菲，可能人手唔夠，又多客，等候時間都比較耐。呢個珍寶芋圓 ($32) 可以揀凍同熱，又有唔同既湯可以揀，今次就試左黑糖薑水，芋圓入面係有餡既，分別有番薯🍠、芋頭同紫薯，但係佢啲顏色同個餡係唔一樣既😂以為食緊紫色係紫薯，但係又唔係😂每隻味都有兩粒，幾好食另外仲有仙草、珍珠、西米同紅豆，份量都幾多。芋圓比較實，唔係煙韌既，而個餡就實心，幾搶味。個湯既薑味就唔係好濃，如果好鍾意薑味重既就唔建議揀呢個湯。另外既綠茶芭菲 ($42) 除咗抹茶雪糕同紅豆，仲有粟米片、丸子同埋奶凍。抹茶味雪糕配紅豆係夾，不過，杯野都幾細，有啲唔抵🧐到走嘅時候就開始多人，要排隊，不過下次有得揀都唔會食返呢間
continue reading
今晚和朋友吃晚餐，想吃甜品，在旺角廣華醫院附近看看，被龍珠星球吸引住，心動的滋味，又怎能不入去試🙃粒粒果甜品店舖裝修簡潔衛生👍🏻龍珠星球配芒椰西米，原來星球是指用果凍包住生果，夠特別幾巧味，水果星球配西瓜汁涼粉，有很多款生果，而且夠新鮮！$39抵！綠茶窩夫，有2球綠茶雪糕，紅豆和小丸子...紅豆好夠淋，和小丸子一齊食好夾👍🏻
continue reading
tbh quite disappointed 😔⛑見到review都話幾好食 可能係我唔好彩 ⛑本來想試拉花smoothie 咁啱師傅嗰日day off〖 𝙎𝙩𝙧𝙖𝙬𝙗𝙚𝙧𝙧𝙮 𝙄𝙘𝙚-𝘾𝙧𝙚𝙖𝙢 𝙂𝙡𝙪𝙩𝙞𝙣𝙤𝙪𝙨 𝙍𝙞𝙘𝙚 𝘽𝙖𝙡𝙡 & 𝙎𝙖𝙜𝙤 𝙞𝙣 𝙎𝙩𝙧𝙖𝙬𝙗𝙚𝙧𝙧𝙮 𝙄𝙘𝙚𝙙 草莓戀人 $36 〗士多啤梨太酸Ice cream 正正常常Overall 好淡 三啖有兩啖都冇味〖 𝙈𝙞𝙡𝙠 𝙎𝙣𝙤𝙬 𝙎𝙦𝙪𝙖𝙧𝙚 牛奶小方 $18 〗見OpenRice好多人recommend諗住試吓點知食唔到任何牛奶味淨係食到椰絲味質感奇怪 唔值得試✔️長期都好多人排隊✔️所以食完有時會叫你走✔️係好多人去打卡 esp smoothie Rating: 😋 3/10 💰6/10
continue reading
水果星球配芒果汁西米($42)賣相好特別好靚，星球咬落去質感似大菜糕，唔會太甜，每粒星球都包住一粒粒既水果，分別有奇異果、西瓜、芒果，咁既配搭幾特別，平時食開甜品好少見，但又好食過就咁食水果。另外仲有椰果，以及其他水果同西米配搭，整體都好足料，全部水果都甜同好大舊。草莓戀人($36）平時食甜品好少簡士多啤梨系列，但一睇到menu，就已經比佢個賣相吸引住，黎到第一個感覺係好靚既少女粉，未食已經覺得應該會好甜。材料有小丸子、西米、士多啤梨、椰果、士多啤梨雪糕、士多啤梨沙冰，呢個價錢有咁多材料，開係旺角真係算抵食！因為有士多啤梨沙冰係底，食落好透心涼，士多啤梨酸酸甜甜都幾好食。整體甜品好食，但坐位比較逼夾，建議比較少人既時間先食。
continue reading
同朋友喺旺角行完街想抖下食個糖水，行到廣華街先發現呢頭都幾多糖水舖😏 我哋就求其揀咗一間嚟試！睇到menu見到有水果星球幾特別，好啱打卡🤔 但我又好想食芋圓，內心掙扎咗一陣，決定食珍寶芋圓仙草黑糖薑水。❤️ 珍寶芋圓仙草黑糖薑水 $32佢哋個芋圓同地瓜圓係有包餡嘅，味道較淡唔係好有芋頭同蕃薯味🤨 有少少後悔叫咗熱仙草，啲仙草好稀。成碗嘢薑味好濃，蓋過咗黑糖同仙草味，感覺都幾養生😬 凍天食係會幾保暖嘅。好食度：⭐️⭐️✨ (2.5/5)餐廳推薦度：⭐️⭐️ (2/5)朋友有叫水果星球，佢話麻麻哋，只不過係用無味嘅啫喱包住啲果粒，綽頭嘢💁🏻♀️ 試一次就夠。 環境方面就坐得比較逼，同埋店入面都幾嘈，我哋食完坐咗一陣就走咗啦😶
continue reading