川味港私房菜

Open Now

Now Closed

Happy Friday 當然又黎食川菜。一行五人叫左五個午餐一齊食。 $60幾蚊包一罐汽水仲要白飯任裝！最開心仲有得揀清涼爽， 食完火辣辣跟住飲返一罐即刻舒服哂！今次試左酸菜魚米線同隱藏既泡椒牛肉。呢個魚湯魚味十足，譚仔既酸菜魚湯完全無得比！ 當泡椒牛肉一到， 足料拉出黎既紅油鮮艷紅卜卜， 又香又辣！ 十分野味！當然仲有每次一定叫既有干鍋， 今次叫香辣口味干鍋肥腸，老闆娘仲搵返以前用開既鑊仔上菜，, d 花菜吸哂d 料頭既味，風味十足！另外叫左水煮魚，川式咖哩雞，全部都係白飯殺手，食完一碗又一碗！ 認真滿足！

因為疫情關係無再經營午市！ 上一次食都三四年前！ 以前一星期總會來一次食午餐！最近終於開返！ 熟悉既味道終於返黎！ 觀塘都有幾間川菜， 但點食都係呢間最好味！ 可惜暫時款式未有疫情前一樣咁多！ 期待下一兩個月可以重回正軌， 好懷念以前可以揀選不同食材由威哥即炒既干鍋！

朋友之前見🍎介紹左間位於觀塘嘅私房菜，主打川菜🌶餐廳以前開喺大角咀，儲左一定嘅名氣同熟客，上網search下都會見到唔少報道🤓見佢用料新鮮，賣相吸引，所以今次一於訂枱一試究竟🤔而菜式主要都係我地同廚師前一日一齊訂出嚟，自由度都好高👍🏻🌶水煮桂花魚一上枱就見到滿滿嘅紅油、辣椒、花椒喺面，賣相吸引🌼除左主角桂花魚外，配料有金菇同大豆芽，薯粉都係之後要求先有🤔桂花魚新鮮，入口嫩滑，一定唔係冰鮮魚柳🐟但可能煮得時間唔夠長，唔算太入味，浸多陣食就好啲🙂亦可能我地叫小辣嘅原因，辣味同麻味相對無咁濃，如果再重口少少就好啦🥶🌶肥腸干鍋呢味好出色🥶上碟嘅時候一路用火keep住溫度，每一啖都熱辣辣好正🤭肥腸處理得好乾淨，唔會有內臟嘅臭味同唔會太肥👍🏻調味都好適中，相對啱啱水煮魚更香口，配埋重口嘅連藕同洋蔥配料，送飯一流👻🌶老成都鍋巴大蝦球好特別嘅一味☺️鍋巴即時炸起上碟，口感香脆帶上濃濃嘅米香味，令人食完一舊又一舊🤣配上偏鹹香嘅芡汁，中和返個調味，唔錯唔錯👍🏻蝦球份量算多，而且彈牙新鮮🦐芡汁就帶少少港式酸味同偏鹹，同我地想像嘅麻香味唔一樣，可能呢種先係川菜正宗做法😂黃店高質川菜真係少之又少，呢間私房菜用料新

朋友約食飯, 揀左間四川私房菜, 上到頂樓門口比較隱蔽, 要按門鐘先有人山黎開門, 入到去感覺有啲小菜館感覺,。仲見到有蔡灡推介嘅牌匾, 水準應該有番咁上下. 口水雞香而不會太辣, 而且仲食到有雞味, 雞肉亦好滑樟茶鴨煙煄味濃而鴨肉不會太乾, 水準不錯. 水煮魚亦係香而不會太辣, 仲品嘗到魚的鮮味, 係稍為油少少, 但可接受. 乾鍋大腸爆香的辣椒和洋蔥與大腸非常配合, 食落一點都不油膩, 炒菜都火喉十足, 辣味香口, 兩樣餸都送酒一流. 老闆招呼親切, 亦有主動問菜式水準, 價錢亦得宜, 絕對可以返轉頭

朋友搵咗新工 就話請我食飯 咁就係佢公司附近搵咗一間食辣嘅鋪頭 估唔到樓上舖都有啲咁特別嘅美食！！！入到去都幾多客人 整體嚟講都算幾簡潔 算乾淨 餐牌入面 午市就可以揀想食啲咩 但係晚市就係由老闆安排 本身我地都擔心嘢食會唔會唔啱自己口味 但係嚟到嘅都係比較普遍傳統嘅川菜 所以都可以 等咗一陣就有嘢食啦！！！「一嗚驚人」口水雞個味道偏濃 而且佢嘅辣唔係淨係得辣油 而係有好多香料喺入面 面頭又有好多辣嘅醬料 配合埋芝麻同花生 帶出到個辣嘅香味 做頭盤係幾開胃既 而雞肉就幾嫩滑 骨唔算太多但係都有啲細骨 雞皮就冇乜油膩感 咬落同個辣汁撈埋好香口 好醒胃！「各取所需」水煮魚一嚟到就聞到好大陣辣油嘅香味 唔算好嗆鼻 但係個麻味好香好濃 入邊有魚頭 有魚鮫 亦都有魚柳 我自己本身鍾意食啲冇乜骨嘅 所以有魚柳喺入面就好啱我口味 而朋友就鍾意食啲有骨嘅魚肉 所以大家各取所需 成碟餸好啱我哋食 水煮魚入面個魚肉亦都好嫩滑 除咗魚之外都有金菇菜喺入面 令個餸唔太單調 食下魚肉又可以有蔬菜配搭「秀外慧中」四川臘肉炒花菜係全晚較為清淡嘅餸菜 臘味唔算好強但係聞落好香 係臘肉嘅香 而唔係麻辣嘅味道 所以同前兩