霸王川莊 (Moved) New Location

水煮魚再4款 配料+ 北京片皮鴨抗疫套餐$459我覺得水煮魚嘅魚無之前咁滑可能煮得耐咗啲有少少散，都算不過不失。北京片皮鴨個鴨皮好脆，不過美中不足就係個粉皮比較厚。川式宮保雞丁腰果好香口好脆，不過雞肉啲汁太多顯得有少少咸。整體來講餸菜不過不失 ，不過比我之前食差左少少員工服務態度一流 。

之前係旺角同元朗都食過。入座係夜晚七時左右可以即時入座。一坐低即刻沖了一杯八寶茶，甘甜解辣。因為得2個人所以淨係點了例牌水煮魚片（仲包左4個自選配料：萵筍、海帶、午餐肉、水晶粉皮）另外為了可以解下辣叫左甜奶小饅頭。水煮魚片十分足料，最後食唔晒。可能因為叫了小辣，味道偏麻，辣味一開始還可以接受不過會越食越辣。好彩有八寶茶同小饅頭解辣。配料份量好多，每樣起碼有10舊以上。水晶粉皮煙煙韌韌，午餐肉係好食個隻，萵筍、海帶都吸左辣湯，食得好爽呀K11呢間環境闊落，冷氣仲好勁👍🏻唔會食到標晒汗再幫襯指數 😋😋😋😋價錢偏過，如果有優惠會多d食😹

飲品 1. Pear sparkling tea 入口清甜，仲有好多果肉， 因為自己都中意食梨，所以呢個大愛呀！ 2. 水煮魚 好大煲，入邊有牛柏葉，娃娃菜，粉皮，芽菜，桂花魚，水煮魚個湯夠晒麻，但係就真係冇乜味啦，啲魚都唔入味。如果再入味啲呢咁就完美喇。粉皮都好煙銀，一路傾一路食就好快食晒。 3. 扁皮鴨扁皮鴨佢就連埋肉，四個人都大約可以每人食三塊，冇數到有幾多塊皮🤣但係皮呢就偏厚，仲有少少芝麻。味道都唔錯嘅，如果配菜可以再多少少會更加好。 4. 糖醋排骨 佢未到唔係唔好食，但係就我唔會讚佢好食😂我好似講到好矛盾，我覺得炆得吾夠入味同冧，食落去好似薑同埋醋偏重咗。5.口水雞 去買骨有牙籤好方便就咁食、不過份量就偏小，而且味道唔夠川味🧐甜品： 6.黑糖糍粑係原味既糍粑面上淋有黑糖，但糍粑口感不夠煙韌，黑糖有少少偏苦。整體評價都OK。食物選擇多，好快就揀到可以食乜💕

收工過黎食，一睇餐牌好吸引😂勁足料！同埋我地兩個唔係好食得辣，所以比較鍾情小小香辣感，可以選擇！仲有拔絲直到冇得輸😂5系傳統款個種，好特別！黑醋骨至愛，必叫！！！

光顧是在大年三十晚(24/1/2020)，由於有家人來自成都，所以決定吃川菜，而K11位置又非常方便前菜叫了“泡椒蓮藕帶”和“醋香辣蘿蔔” 前者爽口帶些辣，後者如想開胃是不錯之選，但我個人就略嫌酸了一點主菜要了4只辣椒度的“水煮魚” 頗有麻辣勁，連配菜豆腐粒、金針菇、海帶一起吃，真的辣得好爽啊下次要挑戰5只辣椒 另外的“霸王辣子雞”不是用生炸煮法，太多炸粉雞粒一點也不入味，令人失望😔 跟住表明3只辣椒的巴蜀辣子素菇…為何完沒有辣的感覺😅但味道還是好的，菇菌很是香其他還有不辣的“蒜香小黃魚”，皮煎得香脆，但肉又不失嫩滑 ， 跟著“黃金翡翠” 黃金是指鹹蛋黃，翡翠是指四季豆和秋葵，秋葵做得很是煙韌，不怕嘴著一定要試 ， 然後“濃湯茶樹菇翡翠苗” 這個同樣有菇香，菜苗爽口，嗜菇菌類者不能錯過，之後澱粉類叫了“手抓餅 ” 由於有5人，餅只有兩塊，所以我沒有品嚐，但他們說好吃最後當然少不了甜品，難得他們有正宗四川甜品“紅糖冰粉” 冰粉的口感Q彈，入口清涼，但因為是沒什麼味道的，所以要跟紅糖一起吃，還多叫一個“黑糖糍粑” 這個正像我們的糯米糍，但如果不嗜甜，建議可走黑糖