天府人家

Open Now

Now Closed

餐廳環境都舒服，位置都幾闊落，有各式特色川菜，最後一行人兩個都揀左水煮魚。水煮魚，份量未至於好大，但啱啱好夠食，魚肉質細滑幼嫩，睇上去好辣，但實質無想像中辣，帶有川菜嘅麻，味道很好，而且好啱餸飯。飯後還有甜品送，整體用餐感覺良好，下次會同多D朋友黎試多D菜呢!

Lunch with the spicy lovers. They love coming here since apparently the owner is from 四川and the dishes are authentic. Since I couldn’t take spicy, I had my own pot. The choices for non spicy soup base was not interesting at all. I ordered the plain pork soup. The others had a really good time tho. They ordered this bottle of alcohol to go with the food. They said it’s a value-for-money version of 五糧液 and I thought the bottle was cool. They loved the 水煮魚 and 宮保雞丁and I couldn’t stop sneezing from

天氣凍，除咗打邊爐，最啱當然係食辣嘢啦！而講起辣嘢，第一時間就會諗起川菜！我哋嚟到位於灣仔嘅天府人家，餐廳嘅裝修古色古香，除咗卡位仲有包廂，坐得好舒服，啱晒一班朋友聚舊傾計。而落order時，我擔心大食嘅M佬唔夠飽，所以除咗二人餐，仲諗緊要唔要加啲其他嘢，但店員細心提醒，話呢個餐嘅份量好多，結果真係好豐富呀，三個人食都得！另外，落單時，店員了解我哋嘅食辣程度，結果所有菜式都係正常辣度。脆炸花生、豆角豆腐前菜有脆炸花生同豆角豆腐，勁開胃！而我哋就最鍾意脆炸花生，真係勁脆！而且甜甜哋，好好味！口水雞食川菜又點少得口水雞，口水雞係常見嘅川菜冷盤。上面嘅花椒油、辣椒、麻椒同其他醬料，真係好香呀！而雞件索晒辣汁，除咗好嫩滑，麻香十足，辣度好有層次。夫妻肺片M佬話佢第一次認識川菜就係由夫妻肺片開始，相比口水雞又再辣啲，因為啲牛肚切得好薄，所以夠晒入味。水煮魚水煮系列有好多配搭，但最夾當然係魚啦！上枱嘅時候就係嘩咗十聲呀！份量好多，呢個真係二人餐？桂花魚肉好嫩滑！基本上無骨，食落去啖啖肉，索晒香濃嘅麻辣味，真係好驚喜呀！而配菜有大豆芽丶萵筍丶蓮藕片、秀珍菇等，當然唔少得食辣嘢必須嘅薯粉啦！薯粉煙韌滑

午餐時間，一行7人去左試呢間四川菜！餐廳位置有D隔涉，仲要係樓上舖，唔係朋友介紹真係未必識搵上門。原先諗住食火鍋，但見到格離檯既小菜都好香，好好味甘，忍唔住試晒兩樣🤣🤣🤣介紹下個前菜先，勁辣既麻辣花生，食落口甜甜地，但後勁凌厲，食左4-5粒就方棄左，味道其實好好。麻辣鴛鴦鍋，好香好好味，連配菜都好新鮮牛肉好新鮮，入口即溶。水煮魚夠滑，配菜都好豐富。唯一食唔晒既，就係呢個擔擔面，太淋，同唔夠湯。青瓜海蜇絲，好味既，但唔係最大驚喜。整體來講，小菜同火鍋都唔錯，但我自己覺得火鍋出色D。食物份量都算多，服務都幾好，價錢比起其他四川菜偏貴，但對比返食物質素同份量，都算抵食。溫馨提示：由於食物份量都算大份，多D人一齊去會易D叫野食。

自從及愛上左食四川菜之後,最鍾意就係捐窿捐隙搵辣野~剛巧同朋友happy hour 完, 就直接搵到呢間樓上川菜了~見單點不便宜,就直接點了二人餐了~$268一位, 另茶芥$12同$10 @涼菜點了口水雞, 雞肉蠻不錯, 肉質挺鮮嫩皮蛋豆腐偏咸, 夠香口, 中和下辣味不錯係我最愛既水煮桂花魚魚肉嫩滑, 湯底好夠麻,而且有雞脾姑, 芽菜,連藕,窩筍等做配料~粗薯粉充分咁吸收晒D湯~好惹味~呢味比較失望, 炒得唔夠乾身, 底部較多油, 粉絲變成一團, 但總算開胃惹味~牛筋炆得好稔, 預期佢係乾身, 但原來好多茨汁,味道偏濃,佐飯一流兩個人食一個二人餐份量挺多~食到要打包~座位闊落,傾計一流~~

今日夜晚放工果時想食川菜，之前有個四川ge朋友介紹過我去灣仔ge一間川菜館，聽講老闆係貴州人，所以d餸應該都幾地道，識食一定係食最正宗ge川菜，所以我就幫襯左lee間。間餐館係二樓，係出面睇唔係好起眼。去到大概係晚飯時間，但又唔係太多人。仲係要有位比我地即刻入座。裝修係中國傳統風格，隔窗，屏風，連我地食飯坐ge位都係長紅木椅，d位都幾闊落，仲要係卡位，感覺幾唔錯！我覺得d又嘈又迫ge地方，會影響享受美食。有茶水、小菜供應，其中炸花生真係好似為我口味而設咁，卜卜脆好好味！上菜速度正常，我地兩個男仔點左粗糧西洋菜、半份水煮魚、回鍋肉同埋一碗飯，我地都岩岩好夠飽。水煮魚真係正到冇朋友呀！川菜真係要足料先會好味，成盆都裝滿紅辣椒，底菜係最正宗ge豆芽、寬粉條同埋少少筍片同香菇。寬粉條應該係係四川當地運過黎，好少係香港食到差唔多水準ge食物。可能係半份ge原因，魚肉唔算太多，但係可以接受到ge正常分量。回鍋肉唔似有d地方咁，包勁多菜，勁少肉。lee間肉片大片而且好厚身，但又唔覺得油，配菜係洋蔥同青椒，又唔係包菜，真心勁好味。西洋菜有d湯汁，岩岩好分解左岩先ge辣同好似冇咁油咁。食完飯後仲有紅豆沙