水門雞飯 (萬勤商業大廈)

Open Now

Now Closed

門口泊唔到車，尖沙咀地鐵站行幾分鐘就到椰青  (跟餐）+$20跟餐唔貴，所以朋友叫左個凍柚子蜜$22咁熱，超消暑唔太甜，推介比大家蝦頭膏炒什菜 $54食個菜，又有泰式風味香辣牛脷飯 $78新野，幾得意不過食肉獸嘅我，下次都係叫番雞算水門雙拼炸雞飯 $56次次黎食都必叫，因為真係好好食不過我個人prefer 唔炸多d不過有得揀，緊係兩個都要炸雞索汁d雞夠滑，食我出唔係平時d 雞個油飯世界級水門雞飯 (尖沙咀 萬勤商業大廈)地址: 尖沙咀金馬倫道18號萬勤商業大廈地舖

平時經過成日都見好多人排隊，今日企左喺街諗緊食咩嘅時候，就見到對面係佢喇，終於有機會黎試下。夜晚8點幾，都有幾張檯要排，不過等左5分鐘度就入得，好彩過左食飯時間。我好鍾意食泰菜，泰式奶茶係用煉奶沖，更加係我嘅至愛呢度嘅泰茶唔太甜 (同ChaTraMue相比) 但茶味好夠呢度出名水門雞，對於我黎講只係白切雞，我不嬲都唔鍾意食，所以叫左個雙拼，感覺炸雞點都唔會難食。一上檯係碗湯同2個醬，湯超重味精! 之後一黎碟飯，我嚇左一下-咁細碟嘅 (可能隻碟太大) 水門雞無味架，所以應該先有咁大碟醬配，炸雞如是豬頸肉係其中一樣可以睇果間餐廳嘅水準。試過有d餐廳可以係白烚咁。呢間算係唔錯，唔會太乾。但最好味都係我食評中嘅另一間泰菜炒通菜味道幾好，份量都算大碟。總括黎講，喺尖沙咀呢個旺區咁嘅價錢係好抵食，比我預計中平。味道不錯，不過食完超口乾。大家試下唔飲個湯會唔會好d

見網上有介紹呢間新開不久既水門雞飯，今日同朋友黎試試睇下搵唔搵到泰風味！下午2點多黎到，有7，8個人排緊隊，不過等左10分鐘都唔洗就入得喇！裡面都幾大，可以坐好多人。裝潢都好泰國丫，特別係佢個廚房！餐牌上好多好多選擇喎，有飯有粉麵，仲有泰小菜，仲有仲有泰飲品同芒果糯米飯！第一次食就一人一碟雞飯，龍眼水同椰青。龍眼水好飲呀，裡面真係有龍眼乾肉！大大杯18蚊可以呀！水門雞飯☝🏻$50大大碟，雞既分量正常，飯一大碗，仲跟一碗雞骨湯！雞骨湯超好飲，有胡椒味，好似胡椒湯咁，我哋都好鍾意飲呢個雞骨湯！雞肉都算滑，真係泰國食到嗰啲味道，飯都好香，好有泰國風味呀！水門雙拼雞飯☝🏻同水門雞飯一樣，比多兩蚊有幾舊炸雞。不過炸雞就麻麻地，佢塊炸皮好似吉列豬扒咁，人哋泰國塊炸皮都好似唔係咁嘅，不過都唔差嘅。總括來說，兩碟雞飯+2杯飲品成為$152 ，價錢唔算貴，而且真係好有泰風味，唔使飛泰國都食到正宗嘅水門雞飯，推薦大家都去試下！呢間我一定好快會再幫襯！