九鬼居酒屋 (高街)

Open Now

Now Closed

想同朋友chill下傾下計，居酒屋真係不二之選～但係要搵一間串燒同料理好食嘅居酒屋都唔容易㗎！呢間正正chill得又食得⁎⁍̴̛ᴗ⁍̴̛⁎整體食物質素我俾9分，服務態度亦相當唔錯，性價比認真高！✎ 凍日本素麵材料有海膽、魚籽。海膽味道非常鮮甜，口感幼滑而略帶黏稠，入口即溶´ε` 配上魚籽，甜鹹味道嘅混搭～而麵條非常彈牙清香，撈埋加咗幾片青檸嘅冷麵汁，清新感大增。✎ 燒牛肋骨肉外皮燒到略硬略脆，入面肉質反而好軟嫩，咬落有啲汁滲出嚟，令到入口唔會太過乾身，而且牛味相當香濃，惹味非常～而伴隨嘅醬味道少少似XO醬，同時加入芝麻，撈埋牛肋骨肉去食，好香口。✎ 壽司刺身盛刺身非常新鮮，味道甜美清香，入口細緻地感受到魚鮮味～好食！而壽司係人手握出嚟，壓得幾實，夠黏唔輕易跌，有少少芥末喺飯中間，份量唔會太多，所以唔會太刺激，恰到好處，味甜微酸，口感緊實，有嚼勁。✎ 汁燒雞肝 雞肝粉嫩，甘香豐腴，食落感覺補充咗好多蛋白質嘅感覺´꒳`✎ 芝士紫蘇雞胸卷 雞胸滑嫩，紫蘇帶嚟清爽感，加埋淡淡芝士香，開胃可口。✎ 豚肉芫荽卷豚肉燒到焦香，配上芫荽嘅香味，做到減膩同時爽口嘅層次～✎ 焦糖燒菠蘿口感軟腍而爆汁，好fresh

港島不愧是chill的盛地，沿路都有不少把酒談心的餐廳，最後揀左居酒屋。九鬼居酒屋環境寧靜，搭配柔和的燈光💡，坐系吧檯位置望住廚師製作美食，十分治癒！💕 -刺身、壽司-⦁脆脆角切刺身沙律🥗 $98⦁火炙左口魚邊壽司🍣 $68魚生超級新鮮，就算角切都好大件厚身，口感層次有齊晒。左口魚邊炙燒左，油香味濃，魚油滲入壽司飯裡，久而不散非常甘香。-燒物-⦁雞腎 $38⦁汁燒雞肝 $38⦁雞軟骨串 $48⦁自家製免治雞肉棒 $68⦁燒牛肋骨肉 $258串燒爽口的雞腎、粉嫩的雞肝、脆卜卜的雞軟骨串。✨我同大佬必推「自家製免治雞肉棒」「燒牛肋骨肉」，兩款肉質嫩而不韌，肉味濃厚。 -面食-⦁凍日本素麵 $98素麵上鋪了三文魚籽、海膽，搭配埋特調醬汁，清爽refresh，仲好解暑！☀️

銅鑼灣嘅九鬼，最近在西環開咗分店，裝潢日式風格，燈光暗暗好有氣氛，仲有戶外座位，位置又方便，大推。◇ 鯛魚刺身薄切居酒屋有刺身，比一般居酒屋優勝，這碟鯛魚刺身，肉質鮮甜，佐以柚子醬汁，令甜味更豐富，如果厚切多少少，口感會更棒◇ 火炙左口魚邊壽司左口魚油份比較豐富，肉質肥美爽口，火炙過香口之外，亦可減少油膩感◇ 雞皮餃子用雞皮嚟做餃子皮，好有創意又好啱，煎過嘅雞皮比普通麵粉皮更香口，實在太好味，已經有三件但都係厭少◇ 鹽燒雞翼每次食串燒總會叫雞翼，因為冇食雞翼好似少咗啲嘢，雞肉嫩滑，雞皮微燶，鹹度剛好◇ 雞軟骨串 食雞軟骨當然喜歡它的脆脆口感，這串配搭雞肉，有咬口之餘又有嫩滑雞肉◇ 汁燒雞肝表面睇有啲難估係乜，不過第一口就知，都係串燒常客雞肝，它偏大件，好有份量，味道較濃好入味◇ 燒飯團 - 明太子飯團表面燒過，令飯似飯焦，脆脆地韌韌地，口感豐富啲，內層有明太子，令淡淡白飯提升味道◇ 紅豆厥餅煙煙韌韌厥餅，加上香濃黑糖，配上黃豆粉，當然仲有另一主角紅豆，不同甜味混合，完美甜品