好時沙嗲

Open Now

Now Closed

🎀熊妹去尖咀做面面扮靚靚，難得出到嚟就梗係順便食埋個晚飯啦。📌茶記、西餐食得太多，今次樹熊同熊妹嚟到《好時沙嗲》試吓另類啲嘅東南亞新加坡菜。📌位於尖沙咀好時中心，招牌菜主打沙嗲串燒，所以叫《好時沙嗲》個名一啲都唔難估丫！📌店舖環境唔算太大，根據政府嘅限聚令，主要間隔為四人枱。📌餐牌設計得都頗有心思💕，簡單易明，圖文並茂，特別係顏色上面嘅配搭令人望落感覺好舒服。📌食物分類有湯🍵、牛肉🐮、雞🐥、麵🍜同海鮮🦀。📌另一邊有沙嗲🍢、蔬菜🥦、飯🍚同飲品🍹。海南雞飯，$55📌樹熊不嬲都喜愛海南雞飯，當然要試吓啦。海南雞份量都唔少，有一大碟雞胸位，下邊就有生菜絲🥬承托住。雞肉有啲位嫩滑，有啲位實啲鞋口啲，味道唔係好出，都係要靠三款典型醬汁：酸辣醬、醬油同薑蔥調味。海南雞飯另外嘅經典就係碗雞油飯🍚，最緊要夠熱，撈上雞油，非常可口美味。仲有跟上一碗椰菜清湯，味道淡淡的，可以中和下雞油嘅油膩。星洲炒蘿蔔糕，$61樹熊鍾意食蘿蔔糕，又鍾意食星洲炒米，呢碟星洲炒蘿蔔糕仲唔係非佢莫屬？星洲炒蘿蔔糕味道偏甜，唔係平時食星洲炒米嘅咖喱辣味，不過同樣地有星洲炒米配料嘅蛋絲🥚、肉碎🐷同埋蝦🦐。一嚿嚿蘿蔔糕就係一嚿嚿粉團，

見電視節目介紹，決定一試。點左個海南雞飯，半打豬牛羊沙嗲。先講海南雞飯，油飯夠香，可惜雞唔夠味，海南雞三款醬料都好淡，嚴格黎講稱不上招牌菜。沙嗲反而個醬夠香，好重花生醬味，但肉串太乾身。總括黎講，以價錢比較，不過不失

聞名這間餐廳已經好幾年，始終也沒有機會試一次，剛好舊同事約吃飯，大家又可以準時下班，才不用取消訂位。印象中好像沒有去過利時商場，終於找到了但也花了一點時間才找到這間店 , 訂了七點，準時到達，沒想到已經有人在排隊等位。看過餐牌，價格也算大眾化，至少海鮮的價位已經定好，不是按巿價。大家也是第一次來，不知有什麼好吃，既然叫好時沙嗲，一定要叫個沙嗲試下，味道沒有特別好或差，和平時吃的差不多。本來是叫有粉絲的胡椒蟹，來到時是乾身沒有汁，問過侍應才知原來有乾濕兩種煮法，有點失望，從相片看，濕煮好像吸引好多，可能真的是隔離飯香。蟹肉也算鮮甜，和胡椒一起煮果真配合，好味。炒介蘭，幾爽口。星洲炒米就吃得多亦都是我的至愛，但星洲炒飯的確是第一次聽和吃，其實也沒有什麼特別，只是將米粉改成飯，加了一串沙爹和蝦片，和印尼炒飯差不多，但出來效果也不差！這裡好像沒有肉骨茶，所以就叫了個排骨湯來品嚐，老實說 , 真的喝不出兩種湯的分別，感覺上味道差不多，一樣的好飲。餐牌上好多菜式也想試，下次必定再來。

第二次黎，真係不得不讚下呢間食店，真係好抵食！今次去可能係星期五既關係，無乜人唔使等位。串燒叫左半打每樣兩串，肉好入味，就咁食已經好好味，不過可能會有少少乾身，所以點埋個醬岩岩好。個醬好香，有少少酸味，正。不過六串真係唔夠食。喇沙真係超好食。平時出面食果d都好淡，呢個就岩岩好，仲好香椰汁味，豆腐卜同米粉吸哂個湯，真係一流！魚蛋都好好味！平時我唔會飲埋d麵既湯底，但呢個真係必飲。見佢好細碗，但其實成碗都係牛肉，青瓜只係面頭果幾舊。牛肉多到食極都食唔哂咁。牛肉好林身，又帶筋，完全食住個汁。因為d醬夠杰，成碗食哂個底都無醬淨果種，好惹味。呢個比想像辣好多，但好惹味。我同我朋友都唔食得辣，但就算係咁飲水都會想繼續食。通菜好脆，牛筋林得黎又爽，仲非常入味。對於食得辣既朋友黎講，呢個好推薦。另外叫左個油飯，一樣好入味。三個人食，最後仲食唔哂，每樣帶走少少。埋單都係一人七十幾蚊，真係抵到不得了。