野玩山店 (Closed)

今晚同舊同事們聚舊，每次諗食乜都頭痛，好彩今次其中1位舊同事有好介紹，就係呢間喺灣仔英皇集團大廈1樓，以攀山做主題嘅餐廳。去到門口，見門面都幾靚，門外已擺好哂餐牌俾客人知道有咩食。見到餐牌係半自助形式，沙律吧、甜品係自助形式，主菜、餐茶每人各1份，1行5人浩浩蕩蕩進店一入到去首先見到沙律吧，唔錯喎，唔係齋係得菜、生果！而係有鴨胸、煙三文魚、幾款火腿、青口，同埋幾款日式小食餐廳內燈光較昏暗，都幾有氣氛的餐廳其中一角有攀山、露營用品做擺設，幾特別餐廳好快就攞1大籃麵包黎，麵包都好好味！夠熱夠軟熟但唔可以食咁多，因為半自助晚餐只係啱啱先開始咋食完麵包再食左2碟前菜沙律，好有水準喎！全部都好味，個人覺得拍得住一般酒店buffet嘅沙律吧之後叫左5個主菜，分別係Carbonara、炭燒豬仔骨、烤羊架、烤安格斯西冷同埋燒烤拼盤。炭燒豬仔骨最出色，豬仔骨的肉好嫩滑，燒烤汁又好味羊架都ok的唔會好膻不過其他主菜就麻麻哋... ...食完一大堆主菜已經飽到上心口，但點都要試下甜品雖然唔係好多款甜品，但係味道好好喎！有驚喜呀！Tiramisu、Oreo味Tiramisu質感嘅甜品、檸檬味Macaroon同

係山系做主題嘅野玩系列餐廳😊 聽朋友講呢間係系列中最高質嘅一間～.呢度嘅半自助晚餐係包任食沙律吧、餐包、主菜、甜品吧同飲品！而價錢就取決於主菜嘅選擇～其實最平百幾數就可食到buffet真係好抵🙈🤤.我地坐低嗌左主菜但叫店員唔好上菜先🙈先試試佢個沙律吧嘛～～其實選擇比我想像中多😳仲有我最愛嘅三文魚😍😍而有個甜酸醬大蝦嘅沙律啲大蝦真係好鮮甜 肉質爽口彈牙～而且見到沙律吧都有d螺絲粉意粉咁 所以就決定主菜唔嗌澱粉類喇😋.端上一個麵包籃分別有好重蜜糖香嘅麥包、芝麻包同埋幾條麵包脆條～蜜糖包大愛啊💓💓💓🤤 有麥香之餘滲出陣陣蜜糖香味！.而餐湯就係南瓜湯南瓜湯好濃郁 超好味❤️用包黎沾住食真係好滿足～.香濃芝士焗波士頓龍蝦(半隻) ($188)芝士醬真係好濃郁🧀🧀龍蝦肉都幾爽 不過略嫌太細一隻🙈蝦肉比較少😭而放係底嘅薯角超好味💓脆身唔油膩～.燒烤海鮮拼盤 ($288)有齊大蝦、帶子、魚柳同魷魚，而每款各有兩份岩哂我同朋友share❤️超大一盤裝住滿滿嘅海鮮 岩哂我地兩個海鮮控😂😂燒得幾香！仲有兩款醬 有款係類似海鮮辣醬可以除去炭燒嘅澀味 而提起海鮮嘅鮮味！其他都好好 但蝦肉有啲唔太新鮮👉🏿👈🏿 😫.我