野玩山店 (Closed)

野玩山店是由香港一位攀山專家鍾健民開的, 餐廳的佈置都令人感到在郊外野營中的格調一樣, 食物方面午市是半自助形式, 點了主菜, 就可去個自助沙律吧取沙津, 生果吃味道一般, 不過不失

喜歡吃自助餐，因為喜歡這種‘‘鍾意食什麼就拿什麼’’的自由進餐模式。半自助餐相對比較便宜，也是我喜歡的一種。這間店的裝修佈置很有特色，很配合‘‘野玩山店’’的名稱，木桌子、木欄桿、粗麻繩結、背包，風味十足。入座即送上一籃餐包，味道不錯。半自助餐包括主菜、餐湯和飲品，自行拿取前菜、沙律和甜品。沙律吧和甜品吧的款式雖然不算多，因為已有主菜的關係，也不會覺得不足，性價比很高。逢星期一、二、三，都有全單八五折的優惠，十分抵食。

我為咗慶祝阿女開學冇喊，我哋帶咗佢去食semi buffet! 要搵間餐廳有得玩又有好嘢食，又要乾淨企理，最重要係有我最鍾意嘅榴槤甜品。除咗呢度，我諗唔到仲有邊間餐廳可以一次過滿足哂三個願望囉⋯⋯首先啲頭盤已經非常新鮮同好多種類揀，有沙律吧，有小食，又有甜品區。然後又有主菜可以自己選擇。阿女都有個兒童餐，我哋叫咗個炸魚薯條，薯條織造即炸好香脆又夠熱，份量啱啱好足夠佢食有餘。都想讚下餐廳職員，服務非常之好，阿女話要去玩帳幕，所以我哋要調枱，佢哋都好手幫我地將啲食物傳過去另外一張枱。另外，餐廳仲送咗一個榴槤多士俾我，雖然老公同女女唔食榴槤，我一條友竟然可以食晒個甜品，因為真係真心好食。下次會再來！

因吃過一間跟這間名很似但很伏的餐廳，起初不抱期望進來…但吃後覺得應不是，這間美味很多，大家差不多的錢，但這間有半自助甜品前菜/輕食！我吃晚餐，形式是點一道主菜(價錢由$198~2xx) ，再配以自助餐台(有生果+甜品+前菜/輕食：沙律﹑海鮮炒粉﹑黑松露炒菇﹑生豪等) 款式不算很多，但大多美味！食過有些酒店$2xx的自助餐款式多，但大多難食又不新鮮，覺得真是白浪費。值得一試，主菜推介比目魚(偷吃朋友那碟，超鬆軟)

呢間餐廳主打半自助buffet…$118+10% 就是餐湯，甜品和飲品。加多$15-60左右可多一個主菜。可惜食物質素真係麻麻，自助吧選擇不算多，沙律凍盤生果麵包還可以啦，無咩驚喜。係得芝士波，焗薯片同沙律想encore主菜選了菠菜雲呑同蜆意粉，前者是凍的味道怪，後者還可以，但不算吸引。 總括而言，食物中規中矩，但未算好吸引。

餐廳在辦公大樓裡，對於上班人士來說是午餐一個不錯的選擇。主打西式餐飲，starter是自助的，會有水果、小吃如雞翅、ham、pancake、沙律等，每次去款式都會有稍微的不一樣。主餐另外有lunch set菜單提供選擇，叫了羊柳條和魚柳，有西湯、餐飲以及甜品一小份。份量頗大，拌菜也很足份量，有馬鈴薯，椰菜花等。starter可以不吃那麼多以便留肚子吃main course。環境不錯，有圓桌和長桌，適合聚會。

一行3人唔知食咩好, 有1個話唔食中菜, 其實閒日去邊處都唔多人, 就呢間啦!未夠8點,人流已經唔多, 原來套餐可以任食冷盤,甜品, 不過今日食咗下午茶, 唔覺肚餓, 食完頭盤,麵包,飲湯同main course 已經飽晒, 佢哋d甜品好似放咗一段時間, 試咗少少就無食!原來星期一至三晚幫襯晚餐, 全單有85折, 雖然不多, 都平咗$9X幾, 有少驚喜!order 咗一份2人餐+1份蜆肉意粉! 食食下, 朋友話蜆肉生生咃, 要求翻煮, 其實意粉味道OK,  係蜆肉有少少沙同未熟透問題.2人餐就好好多,淨係睇隻雞就殺食,係客人面前再燒熱, 燒完自己開餐, 雞肉都可以,都滑,夠味, 炸磨菇好味, 粟米燒黑部份不能食, 雞錘不過不失, 菠蘿好香甜.

好耐無約見瑪姫少奶奶喇，因為各有各忙， 各自放假去左旅行，一早約實今日見喇。👯‍♂️瑪姫少奶奶想去灣仔睇bb野，自動揾落腳點食野，提議左呢間《野玩山店》，呢間本身都例入左熊妹想去系列，當然答應喇！約左兩點黎到，全場就無咩人，包場咁濟。本身瑪姫少奶奶想試下佢個lunch set連salad bar buffet，點知lunch menu去到2點半，叫到黎得返幾個字食salad bar，所以就食佢個tea set menu嚕。瑪姫少奶奶好肚餓咁，一黎就話要點三個set🍽，店員話有4杯飲品🍸，因為其中有個已經係二人set包兩杯，所以最後叫住兩個set先，唔夠再叫喇。Snacks combo二人餐，$168，有4件蟹肉青瓜🥒，4件炸蘑菇，4件水牛城單骨雞翼，煙三文魚藜麥沙律🥗，其中有啲見原來係lunch buffet bar的食物，所以食lunch係抵啲喎。瑪姫少奶奶唔食生野，蟹肉青瓜同沙律歸哂熊妹，蟹肉都好豐富連青瓜好清新，又健康又有營養又好味，唔錯！煙三文魚都有兩塊，不過唔係好大塊，沙律就一般沙律菜撈黑醋汁，仲有幾粒藜麥，都好味既，但份量少啲同醋汁唔係好夠。瑪姫少奶奶就食多啲其餘的蘑菇同雞翼

男朋友生日，點都想同佢食餐好既其實我地平時唔係好鍾意食西餐但偶爾見到呢間以camping做主題既餐廳我就第一時間諗到係佢啦！初頭都有驚主題餐廳會唔會又係食環境但見評價都唔差而且我同男友都鍾意行山露營佢黎到都好驚喜一入門就見到一個開住既帳篷牆上掛滿左露營裝備繩結令我諗起半年前上露營班嘅經室內傢具裝飾大部分都係用木造，好raw既感覺背後係一組組snow peak產品配合柔和黃燈同音樂，整個視覺感觀都令人好舒服😊夜晚係semi buffet，再配main course，餐湯、飲品飯麵$168-$288，海鮮類$238-$288價錢非常合理●餐包係芝麻包及黑糖包加麵包條作為包控我都幾在意餐包呢度做得好鬆軟●buffet bar比想像中豐富冷盤有煙三文魚、煙火腿、辣肉腸片、青口、杯裝螺肉、鴨胸肉等甜品部色彩好續紛，選擇都好多●我地叫左黑松露野菌意大利飯伴燒扇貝松露味濃，啡菇juicy，扇貝乾左少少；●荷蘭海鮮薈偏酸，不過我諗呢個菜係咁，海鮮份量都足料●飲品方面，佢竟然主動叫奇亞籽檸檬個口感佢又接受喎我唔似會做呢D突如其來生日蛋糕既人但都打電話黎問問有冇呢啲服務黎到先知係幾有特色既白朱古力波店員好

第一次在這餐廳吃 lunch,初時聽到這名字時覺得有點古怪，但原來店名是與野外露營,行山,攀山等活動有關的，餐廳佈置跟這主題很吻合，非常有特色。食物也出奇的好。雖然是抵食半自助形式的午餐，但無論是沙律吧或者是主菜也很有水準，連一些細節也照顧得週道，比如餐碟是熱著的，湯是熱辣辣的，咖啡的奶也是經加熱的，還有小小的一個甜品，味道不錯。而且他們有兩個房可供客人包房，收費合理，也可包場搞派對。整體感覺是一家有 heart的餐廳，以後會常來，希望他們能保持水準。

男友去咗灣仔上堂，我 open rice睇下有乜想食，見到呢間有任食沙律吧，好似幾吸引，公司又賣緊佢嘅優惠券 ，用$80就買到 $100。 先軟後奏，買咗2張卷再說服男友食呢間啦 (因為佢覺得係 gimmick 嘢，唔抵食)我地6點幾到咗，係第二枱客。 沙律吧仲係原封不動無人食過。 有甜品/ 生果/ 沙律同凍盤，我地叫咗2個主菜，分別係豬肋骨同黑松露野菌意大利麵。沙律吧嘅青口好大隻，不過好咸，食開重口味嘅我食咗1件都夠。 煙三文魚反而ok 唔咸，其他菜沙律就一般啦，甜品都幾好，不過都偏甜。出去夾咗2轉主菜都到，豬肋骨真係好乾，overcooked 咗，伴碟薯條好熱似係啱啱炸起。 意大利麵就好食d , 個汁煮得啱啱好，不過食得多會漏，個麵嘅硬度適中。試一次就好，應該唔會翻食了。(P.S. 食個日啱啱洗手間無廁所水，要食客自己"不" 水沖廁有少許不便。)

餐廳以營地為主題，佈置有啲似山上既補給站。呢度平日夜晚有半自助餐，絕對係豪華補給站呢度既自助選擇有沙律同海鮮，包括煙三文魚，個人覺得味道OK~主菜選擇左龍蝦(半隻)，芝士焗既龍蝦加上薯角同配菜，絕不單調。份量不算大，俾我機會再食多D外面既野食另外，有自助甜品，無雪糕，但有啫喱同蛋糕等等，有D款係幾創新既，不過好唔好食就見人見智啦。

因為有同事辭職到澳洲及紐西蘭working holiday 體驗生活，一班同事為咗等佢預先感受到山系嘅感覺，特意帶佢嚟呢度farewell😂店內擺放帳篷，裝修富有山系感覺。每位可到salad bar 任取食品，食物更不時更新，值得一讚Semi-buffet 每位包一份set lunch，我揀咗羊架，略嫌有少少羶。順帶一提，埋單時可以多口問問職員有咩信用卡有折，我呢次為例就匯豐信用卡有九折，即係足足等於免加一！

前菜甜品自助餐有煙三文魚、火腿、青口 同埋好多唔同類型嘅沙律。雖然有冇自助餐咁多選擇，但都有食自助餐嘅feel我同朋友食每人300蚊左右， 嗌咗個芝士焗波士頓龍蝦全隻同羊架餐，幾好食，不過略嫌唔夠龍蝦膏，同有d細份，不過自助餐搭夠就食得飽。 想食平啲可以叫意粉餐，170蚊左右，不過都係覺得叫番啲高級d嘅主菜好似抵啲

野玩系列餐廳有三個主題，山、海、田，今日約左班好友試下野玩山店嘅semi-buffet。只要每人叫一個主菜，頭盤甜品任你食，包埋飲品，價錢就睇你揀咩主菜，食pasta就$1xx，食扒個d就$3xx。野玩山店用露營黎做主題，店內裝飾都係同camping有關。呢個杯都好有趣！每人叫左個主菜share，跟住就有餐湯麵包，蘑菇湯夠濃，唔錯！頭盤自己出去拎，都幾多選擇，有已經調好味嘅沙律，或者自己揀材料揀醬汁。仲有其他頭盤，例如煙三文魚、青口、ham等等。主菜我地揀左安格斯牛扒，羊架，黑松露意粉，黑松露risotto同埋海鮮拼盤。樣樣賣相都好精美，牛扒羊扒medium rare岩岩好，意粉幾香幾好味，海鮮拼盤就一般啦，始終都係急凍海鮮，risotto就真係麻麻，無咩味。其實頭盤食一round已經好足夠，之後d主菜都好大份，至於甜品，當然有另一個胃啦！甜品選擇大概有10款，仲有水果，甜品質素唔差架，推介tiramiu, chocolate mousee cake!幾個朋友，食完野傾下計，咁又一晚，好暢快呀！