瑞樵閣

Open Now

Now Closed

同朋友聖誕聚餐想搵間有氣氛又唔算太貴嘅餐廳，就可以考慮午餐時段，可以食到一樣餐點但便宜一半價錢！而今次就試左位於半島酒店嘅Chesa，聖誕期間酒店做了Chanel佈置，所以人量較多，幸好都聚集了在酒店地下大堂位置，餐廳樓層不算多人，因為有提早預訂所以不用等就直接入座了，雖然我們遲到了，但致電餐廳改時間時侍應都好友善幫我們延後時間。食物方面因為是正宗瑞士菜，味道唔算太適合香港人口味，芝士火鍋有點苦，因為有酒，但想試一試正宗瑞士菜的話都值得去的。

Yola birthday ~ 諗左好耐，就決定黎半島一試啦，係眾多餐廳中，就揀左 Chesa 喇 ~係全港歷史最耐既半島酒店入面其中一間瑞士餐廳，地方比頂期中細，只有約十張枱，因望不到窗外，所以無咩景觀可言 ~ 不過裝修特別，恰似置身於瑞士既民居之中，大部份都係用木建成，如果加多個壁爐就更加似。燈光柔和浪漫，坐得舒服。侍應們服務都算殷勤周到，從入門口、order、打點進餐到結賬都係滿意既 ~ 慢慢嘆，食足兩個半小時，好舒服滿足 ~Menu 只得法文同英文，免強睇得明啦，不妨問問侍應有咩好介紹、招牌菜會更有較率。Waiter 稱因菜式實在太多，所以未能盡錄於 menu 上，如果有咩想食，又搵唔到的話，可以直接問佢地囉。每張枱都放置支巨洋燭，我想係用黎替代燒香燭計時，支蠟燭燒完就要埋單交枱架喇，不過講吓笑啫，哈哈。有四種唔同口感同味道既餐前包，可能法國、瑞士都習慣食啲又凍又硬既麵包，但我都係偏向喜歡熱騰騰、香嘖嘖又軟棉棉既麵包。試晒咁多款，只有右下角的全麥包最香最好味，雖然都係有啲亁硬。crab meat pancake 鮮蟹肉班戟，真係鮮拆蟹肉，絕唔係啲雪藏或罐貨，一試難忘，味道鮮甜可

一早已經約咗爸爸嚟呢度補祝父親節，因為其實咪又係我好想試吓個出名嘅烘芝士爸爸同Selina七點嚟到，而我七點半左右我先到，真係唔好意思遲到~~個餐牌款式唔多，不過都花多眼亂，除咗個烘芝士係我order之外，其他都係個熱情waiter哥哥提議。order完就一邊食餐包一邊等....嗰日爸爸就選咗支智利紅酒，好快啲頭盆就上啦~~三文魚他他都幾新鮮，不過個醬汁真係個他他嘅靈魂，好香好滑，完全帶出三文魚嘅魚味，好夾。沙律....食材好新鮮，雖然唔知係咩菜，只知一送到入口，覺得自己好似去咗田園咁，一啲都冇吹大到而且個sauce又係香夾滑，食完個人開胃晒。食完頭盆，熱情waiter哥哥先上主菜，好體貼。燒羊架好軟熟，生熟程度係好適中，好香濃羊肉味，一啲都唔羶，而且份量都唔少，件件都幾大size，唔怪得熱情waiter哥哥係咁叫我哋啲dish到晒先加order啦。紅酒燴牛仔肉，呢個真係冇嘢講，香濃又香滑嘅雜菌醬汁配上鮮嫩味重牛仔肉，再加上滑滑薯蓉，簡直齒夾流香，食完之後隻碟一滴汁都冇留。是晚服務同食物水準都令我哋一行三人都好滿意，有機會一定會再去~