Simplylife The East The West (Closed)

星期六下午三點半同媽媽黎吃tea，唔使等位。我地叫左兩個set（$128）有沙律/餐湯、主菜、凍橙茶/咖啡。👌🏻沙律: 算特別，有豆，隻醬酸酸地。餐湯 係番茄湯，媽媽話太酸，我唔食番茄所以比唔到意見。✅松露雜菌手製闊條麵: 好味呀！黑松露入味，闊條麵軟硬度適當，蘑菇幾新鮮而且份量算多！👌🏻啤酒炸青衣魚柳 薯條 柑橘椰菜絲沙律: 唔錯。最遺憾無塔塔醬，原本以為fish & chips一定配塔塔醬，但佢地只有番茄醬，由於本人唔吃番茄所以唯有乾啃。整碟份量非常足夠，魚柳味道唔錯但炸皮太厚，薯條似乎炸得太耐 不過係睇個人口味，椰菜絲沙律醬多。如果有塔塔醬會開心好多...✅凍橙茶: 清新香甜。少了檸檬茶的酸味，多了橙香的甜味，飲得出無加糖。比預期好飲！唔記得影相。🏠裝修固然靚，燈光比較暗。人多所以吵都無辦法，不過都適合休閒坐。

在奧運站附近收工，慰勞自己一天辛勞，一於找間坐得舒服的餐廳，所以去了Simply Life。當時約六點半，可能其他人未放工，餐廳沒很多人，不用預訂又不用等位。西餐送沙律/餐湯和餐飲，所以叫西餐。當晚餐湯是南瓜湯，但主菜已有南瓜，所以點了沙律。用甜醋調味，令沙律很醒神、開胃，加些花生，更加有咬口，有露筍是意外驚喜。餐包焗得好香脆，加點牛油，味道更上一層樓。南瓜栗子有機糙米飯睇落很大碗，但飯是很薄一層，攤得好開，熱飯會幾快變涼，是優點也是缺點，無咁熱可快點食完，但涼得快也即是要吃得快些了。有機糙米飯有咬口但不硬，栗子令飯更香，上面一塊薄身黃色芝士，和飯拌勻食仲好味。餐飲要個特別的，凍檸茶飲得厭悶，改為要凍橙茶，橙香沒太多，味道比預計的甜，可能走了冰，下次要叫少甜。整個餐五分鐘左右送到，以確保1.5小時內能順利完成用餐。埋單加一後約HKD130。