唐宮小聚 (新城市廣場三期)

Open Now

Now Closed

之前到過幾次，都好多人等位，今日（18/11/2023）一早去百貨公司掃貨前，先嚟飲茶補充體力先。食店開十一點半，無在意，十一點已到，先取票，十一點半準時入座。點了非常山竹及和牛啤梨，個樣好吸引，味道都唔錯。黑蒜帶子燒賣，塊蒜片味道唔好食，燒賣肉較鬆鳳眼蝦餃，賣相掂，好靚黑金流沙，超熱，小心辣口冰鎮咕嚕，要由底食起，因有冰鎮既肉較脆口，味道唔錯，食到最尾，醬汁好杰在塊肉上，吊下吊下，倒胃口。原本無叫乳鴿，見枱枱都有叫，就叫一隻試下，好入味，好好食，好彩有叫。

適逢父親節，妹妹安排在唐宮小聚晚飯，中菜適合父母輩，中菜之中增添一點創意，就同時能滿足較年輕的一輩。雖然已訂位，但都要等候20分鐘左右才能入座，全場滿座！節日來光顧就必須要訂位啊～～原隻鮑魚酥 ($69/2件)，size剛好一口一件，曲奇皮撻底，餡料有黑松露醬菇菌，面層是鮑魚仔。鮑魚柔軟易咬，帶淡淡松露香，撻皮鬆化。非常山竹 ($59/3件)，山竹的造型，紫色外皮是由糯米粉製成，口感脆得來又帶點煙韌，內餡是蟹肉與龍蝦汁，味道不錯，但不算特別鮮美。黑金流沙 ($59/3件)，流沙包包體飽滿，軟熟輕柔，流沙奶黃餡夠流沙，必定要趁熱食！沙田乳鴿 ($45/隻)，幾乎每枱都有點乳鴿，所以乳鴿都是熱焫焫的上桌！乳鴿又脆又嫩口，肉汁豐沛，調味恰好，不會過鹹～脆蝦多士 ($89/3件)，原隻鮮蝦連同多士一併炸得金黃，面層鋪有松露醬。蝦多士炸得香脆可口，入口又不會太油膩，松露醬增添香氣。大肚婆炒飯有蟹肉、蝦仁、豆、粟米，特別在於用上薑米，炒飯夠乾身，帶微微薑的香氣。味道算是可以，並不特別出色。冰鎮咕嚕就是將煮好的咕嚕肉放在冰面上，冰鎮送上，凍食咕嚕肉。咕嚕肉酸甜度平衡又啖啖肉，惟份量少，$119是偏貴

午餐在「唐宮小聚」，和朋友點選二人套餐$460：沙薑豬手、沙田乳鴿、冰鎮咕嚕肉、煸四季豆、黑松露墨汁餃、桂花凍糕。沙薑豬手~是冷盤小食，味道調較得很好，豬手也被大量去掉骨頭，很讚！沙田乳鴿~超細的BB鴿，味道和肉質都不錯！冰鎮咕嚕肉~很香脆的外皮，肉質腍滑。煸四季豆~油偏多，但沒有撕除豆莢的邊緣與蒂頭處的筋膜纖維，吃得不爽，但味道是挺好。黑松露墨汁餃~很濃郁的黑松露香味，肉饀尚可的。桂花凍糕~凍糕加入桂花和饟清酒的酒米，口感別有一番層次。

週末 3:00pm 先在新城市搵野食唯獨唐宮小聚不需要等位，就揀呢間啦原來餐廳固定 4:30pm 要清場不過食物來得快，所以都不算趕這裏有特色創意點心水果造型做得非常似 👍非常山竹用百力滋做了幹裏面是忌廉粟米蟹肉絲和牛啤梨一樣是用百力滋做了幹脆口的啤梨皮，裏面是迷辣牛肉有種食鹹水角的感覺，只是將豬肉餡換了牛肉餡沙田乳鴿必食，每枱都有點上枱熱辣辣，肉質嫩滑，簡單調味，鹹鹹地好食可以原隻 / 斬件上，斬件一開四，容易食 餐廳有提供膠手套一對，膠手套厚過 KFC不過食完都係穿左 😂離開時經過開放式廚房，見到為晚市準備的一大堆乳鴿記得嗌黎食 鳳眼蝦餃每粒蝦餃有朵可食用花花下面有粒蝦，再下面是蝦餡賣相不錯，可惜味道偏淡紅油抄手有 8 隻雲吞，紅油堅辣的曬了蒜粒花生碎，增加口感可愛南瓜超級可愛的南瓜造型，halloween 份量一定要食三粒份量啱啱好，一人一粒因為糯米皮和紅豆餡好滯口桂花酒釀丸子最後一定要食埋甜品先走入口溫度有點燙口，攤凍少少，都未會稀曬酒釀無變酸，加埋桂花糖，甜甜地有淡淡的酒味話說小丸子落得超重手，多到有廿幾三十粒 煙煙韌韌，食完飽曬

沙田乳鴿    $59／隻（堂食價：$39）🍽乳鴿是必食的！！！！！😍你幾乎看到每枱都有吃乳鴿，一定要趁熱吃，它的外皮超香脆😋雖然它對半切開，但仍然有滿滿的肉汁 👍超推薦！！脆蝦多士  $89／3件🍽脆蝦多士也是我很愛的一個小食🥰 多士炸得香脆可口，而蝦🦐是啖啖肉的，添加了黑松露令蝦多士更惹味🤗脆香小黃魚   $39／條🍽怕上火的千萬不要叫 🔥 因為真的炸得超香脆，味道上偏咸，但小妹很愛 😋 黑金流沙  $59／3件🍽流沙包不過不失🙈 蝦蟹蜆粥  $89 🍽用蝦🦐，蟹🦀和蜆熬製的粥，味道很鮮甜，但比起今晚吃的菜來說比較清淡，所以最後吃就剛剛好 👍 茶芥  $10／位 總結：沒有令小妹失望，一定會再來！！尤其是乳鴿讓小妹念念不忘 🤤

酒醉蟶子一定要encore 早放工所以6點半前就去到餐廳，唔使等位直入，坐得好舒服一直以來都好喜歡唐宮小聚既醉蟹，但店員姨姨話蟹唔啱季節，所以冇出，叫我地試下酒醉蟶子。另外仲叫左兩隻招牌沙田乳鴿，紅油抄手，脆蝦多士，以為期間限定既黑胡椒大虎蝦。酒醉蟶子大概有7-8隻，蟶子好飽滿，冇沙，亦醃得非常夠味，咬落去啖啖酒香，絕對推介沙田乳鴿保持水準，皮脆鴿肥，咬落啖啖肉，鴿油流出，做緊優惠39蚊一隻脆蝦多士炸到香脆乾身，上面有啲松露醬，包住原隻蝦，如果份量可以多一個就更好，三個唔夠分紅油抄手正常發揮，不過不失，不過我覺得比較辣黑胡椒大虎蝦消費滿200蚊就可以用69蚊追加呢個蝦，兩隻大大隻虎蝦，上菜時會連埋個爐，一邊熱住，啲醬汁就唔會凍左，好貼心。黑胡椒味夠，又帶有少少甜味，蝦肉新鮮，蝦頭部分都食到啖啖肉，可以再試

聽講呢到既乳鴿好抵食，所以黎呢到一試。環境幾得意碗碟一如既往既特色。沙田乳鴿，原價HKD 177三隻，堂食有優惠HKD 39一隻。都幾熱辣辣，唔算超多肉但可接受，呢個價錢算幾抵。煸四季豆，HKD 89。全晚最好食係呢碟，豆角同豬肉都好入味，必點，推薦！水煮魚春卷，HKD 59。我只可以話佢係一個幾有特色嘅點心，一咬落去裏面啲麻辣汁就會爆出黎，好濃郁嘅水煮魚香味，要小心啲食如果唔係會搞到周圍都係，裏面又真係有一舊魚。不過我自己食開鹹/甜嘅春卷，唔係好適應呢隻味，反而同行嘅友人好鍾意食。大肚婆炒飯，HKD 109。純粹係用嚟填飽個肚，冇乜特別。有四隻蝦、少少蔥花、超級無敵少既蛋碎，肉鬆、超級無敵少嘅蟹柳。可愛南瓜，HKD 39。食完飯就食甜品啦，入面係豆沙餡，佢嘅表皮類似湯圓，但係唔彈牙的，比較黏牙，不過不失咁啦。原價HKD 520埋單，不過乳鴿有個折扣同埋如果down 佢個app 都有優惠券，所以埋單四百幾蚊。

小小熊仔得意到不得了 😍 而且個餡都好match佢嘅外型～ 流心朱古力！朱古力香得來又唔算太甜，甜品黎講甜得黎但又唔會好漏 👍🏻鳳梨金豬係鳳梨餡嘅炸饅頭！個樣超得意 🤤 鳳梨餡夠香但唔算甜，呢間處理餡料算幾好，但美中不足嘅係個饅頭炸得有少少油 🙈擔擔拉麵不過不失，幾香口，但都幾辣 😂糟滷醉蝦呢個得！有酒香有麻香，同一般醉蝦唔同，而且 d 蝦大大隻，滷得好入味 👍🏻肉鬆抓餅香香脆脆，肉鬆有炒過幾香，但食嘅時候 d 肉鬆會四圍跌，有啲麻煩 🙈大肚婆炒飯有薑米、蝦、蟹、脆豆同粟米，夠鑊氣，而且份量好足，好香口好好食，最正嘅係佢個炒飯有藜麥，加強左個口感之餘，又會香啲健康啲 👍🏻 沙田乳鴿炸得好香，調味做得好好，唔會炸得好乾，依然保留到肉汁，強烈建議一人一隻 🙈冰鎮咕嚕肉呢個簡直每枱都一定會叫 😂 賣相好之餘味道又唔差，新鮮炸起嘅咕嚕肉加上冰塊，有一種冰火嘅感覺 🙈 而且佢嘅配菜除咗一般嘅菠蘿，仲有哈密瓜，好得意好清新 😍果汁酸酸甜甜，又唔會太杰，食落完全冇嗰種油膩感～🪄 其他點評餐廳環境幾好，坐得舒服張枱又夠大，我哋仲坐咗窗邊位，景觀比較開揚！不過可能因為比較旺場，服務有少少甩漏，有樣嘢落咗

2021年嘅最後一天，唔想煮就自然要出街食，今晚會同外母一齊食，想起佢喜歡食乳鴿，自然又會想起去唐宮小聚，真係好多「想起」😅外母住馬鞍山，所以選擇去沙田新城市廣場唐宮小聚食，除夕夜怕人多，果度又冇訂位，我5:15就去攞飛，排第二順利入場😙之前我嘅食評都有提過，「唐宮小聚」係一間未必會俾你好大驚喜嘅中菜館，但係食過佢咁多間分店，食物出品間間都保持相同水準，穩穩陣陣，絕對唔會令你覺得受氣或食物難食等等，普通食餐飯，去「唐宮」應該算係幾穩陣😉🔻沙田乳鴿細細隻炸得皮脆肉嫩，味道一流，冇得輸，枱枱必食😋🔻酒醉鮑魚酒味青香，鮑魚肉厚彈牙👍🔻非常山竹Menu話裡面餡料喺龍蝦汁蟹肉，$49三件，當然食唔到龍蝦汁味，只係食到一個醬汁而已，普普通通，如果佢唔注明龍蝦汁更好，起碼食客唔會感覺有大落差😅🔻和牛啤梨呢個其實係黑椒牛肉咸水角，造成啤梨🍐咁嘅樣子幾得意🔻子薑鹹雞煲仔飯呢個煲仔飯唯一亮點在子薑，其他味道都係平平無奇，飯焦香唔夠，個人覺得都係臘腸北菇滑雞煲仔飯好食😅🔻大閘蟹炒年糕呢個之前喺荃灣分店食個，今次沙田店再食都冇令我失望，呢個菜蟹肉並非重點，最好食嘅，都係每一件比蟹膏蟹汁掛上嘅年糕，食到真係唔停

明明好多人手，但個個做野都好慢，好hea，俾點心紙落單好耐，所有人都黑口黑面，食晒又唔會收碟，埋單埋好耐。*黑金流沙 $49流沙包熱辣辣，鬆軟，流心奶黃餡非常流心，但鹹蛋味唔夠香濃，偏向重奶香味。蔥油拌麵 $49非常失望，蔥油蔥香味係零，冇錯！係零，面頭嘅蔥係燶晒，只有苦味，有幾粒大蝦米，但做唔到提鮮嘅作用，唯一優點係麵條煙韌唔張口。小聚拼盤 (三款) $79黑松露雞 黑松露味香又濃，炸芋頭絲好油，雞絲只有幾條，份量實在太少醬汁鴨舌 醬汁香濃入味，帶少少麻辣，鴨舌偏細隻，mui下mui下醬汁蘿蔔 醬汁鹹鹹地，蘿蔔吸晒啲汁，但依然爽脆，非常好味整體來講，每碟份量都太少，除翻開每款$26左右，唔抵食。沙田乳鴿 一隻$39最抵食係乳鴿，完隻炸乳鴿，外皮脆香，皮下脂肪薄薄一層，乳鴿肉juicy嫩滑，而且入味，肉味濃郁。酒釀丸子丸子煙韌偏腍，酒釀嘅酒味濃烈，帶甜酒味，份量多，可以兩人分享一碗。

近排食左呢間幾有特別既特色中餐廳 先講下餐廳環境 呢度既地方都好寬敞 啲枱都夠哂闊落🪑坐落幾舒服💁‍♀️呢度個乳鴿都算係必食🐤價錢算平💰食得又滋味 但由於佢哋上菜速度都算幾快🏃所以小編建議可以先點乳鴿 食完乳鴿後 先再叫上其他菜🐤 沙田乳鴿 ($39)肉味好香濃 個皮烹調到微脆 肉質好嫩滑 另外肉汁好足夠 鹹度亦都調校都啱啱好🧂呢道菜建議大家可以一試👍🍀荷花蒸飯 ($99)份量算幾大 荷葉飯聞落清香👃但上面所見嘅蝦就不是太新鮮🦐口感有啲呈粉狀 個飯整體上都好足料😍有雞丁、火鴨、冬菇同埋瑤柱🥕金蘿蔔糕 ($89)呢碟份量就唔算多🤭芋頭蘿蔔糕呢個配搭小編都算係第一次試 可以同時滿足到鍾意食呢兩款糕嘅人👏呢道菜好有避風塘嘅蒜香味🧄至於芋頭蘿蔔糕就炸得好香脆 食落好香口👅摻入嘅芋頭、臘肉、冬菇都係大大粒😋好足料 味道好有層次

今晚懶洋洋，大家都不想煮飯，於是買外賣回家。於是買了外賣二人餐。⭐️沙田乳鴿小小一隻，回家依然很香，乳鴿很香，外皮微脆，味道不俗。⭐️沙薑豬手這道豬手不俗，口感清爽，略帶酸甜味道，不錯喔。⭐️水煮魚片飯酸辣汁、菜和飯是分開的，未打開已經聞到一陣酸辣香味。有魚片、黑木耳、萵筍、寬闊粉、姜等。味道很香，入口也不錯，這份量足夠兩個人分享。⭐️西蘭花苗西蘭花苗含有豬油渣，所以聞起來已經很香。⭐️得意小豬最有驚喜一定是草莓乳酪凍，想不到拿回家絲毫無損，小豬仿佛躺在泡泡浴中泡澡。外表十分吸引，根本捨不得吃。入口酸香，因為這是乳酪凍，無論男女老少都喜歡。

呢間餐廳既點心精緻又好食！🤤1️⃣咖喱雞胡蘆酥（$49 3件）顏色好靚，咖哩又香～2️⃣和牛啤梨 - 黑椒和牛咸水角（$49 3件）好有創意，將普通既咸水角整成啤梨樣，仲用左和牛，而唔係普通豬肉！3️⃣沙田乳鴿（$39一隻）沙田乳鴿好出名，佢地開喺沙田既呢間分店都有得食！4️⃣小聚拼盤 - 3款 （$69）我地揀左黑松露雞、雷椒茄子同醃蘿蔔。可以喺餐單上既款式自行配搭。5️⃣黑金流沙 - 流沙奶黃包（$49 3個）次次黎都食～真係一咬啲奶黃就流晒出黎～🤤6️⃣脆蝦多士（$79 3件）都係必叫，多士勁鬆脆，蝦肉又彈牙！7️⃣擔擔麵（$49）8️⃣荷花蒸飯（$99）想食啲飽肚少少既仲有飯麵選擇～

好有特色嘅點心無諗過新城市有呢啲咁特色嘅”酒樓”。今日嘅唯一一個扣分位就係佢嗰茶無得揀，亦無茶擔，好似普通裝水拎俾你飲，未必啱個人口味。但佢嗰煙三文魚燻蛋真係好好食！不過如果叫飯類，就要預多啲時間，起碼20分鐘！所以如果心急叫點心好了！同埋記得download佢嗰app，有得儲分有優惠架。拎位就可以係The GULU 到坽定先，不過有時都壞壞地拎唔到，拎唔到可以直接打去booking，但去到都係要等一陣！