第一郡 (Moved) New Location

嚟到深水埗梗係想食返啲平靚正嘅特色美食，見好多人推薦呢間越南菜，晚餐一於就試吓啦！😁小店環境唔算大，主打越式包類同粉麵，上菜速度都幾快，落完order大概5分鐘就有得食啦！😉🐟 沙甸魚軟包 $33 (熱檸檬水 跟餐$4)💯 評分：🌕🌕🌕🌗🌑 (3.5/5)💬 蕃茄沙甸魚酸酸甜甜幾開胃，入口質感香濃得嚟帶啲濕潤。酸菜同青瓜頗清爽，芫荽同蔥唔會好搶。軟包烘得外脆內軟，夾埋配料食唔停口！😋加$4就有杯熱檸水認真超抵，仲有4片檸檬咁多，飲落唔太酸順便幫助消化。😌🦀 蟹膏蕃茄湯檬 $55 (熱咖啡 跟餐$8)💯 評分：🌕🌕🌕🌕🌕 (5/5)💬 一直唔捨得食晒嚿蟹膏餅，因為真係好鮮甜好惹味！蕃茄湯酸酸may may咁，可以話係成碗粉嘅精髓。配料樣樣好足，咬落啲湯汁會噴出嚟！🤤值得一提嘅係杯咖啡，唔係專家都飲得出唔係街邊貨，口感香濃順滑咩都齊！😃完全能夠理解點解咁多人推介，平靚正又色香味俱全好難唔脱穎而出，性價比過高嘅良心越南菜小店！😍

夏日炎食乜好？清涼的越南野也是不錯的選擇。門口餐牌是方便外面排隊中的人睇，因為我們來到時門外排滿人的。豬肉撈檬＄42睇佢咁多蔬菜，其實是禾稈襟珍珠喔！面層好多花生碎，之後有紅白酸蘿蔔非當醒胃，再下層有好多烤過的豬肉，烤過更香口！呢度的撈檬是一早撈好哂所有醋呀香料的，所以食落已經夠哂味的了！豬肉丸扎肉河一睇湯的色水就知犀利，很濃很夠味道加埋金不換更增添香味。豬肉丸勁彈牙，又沒有肉腥味；扎肉更特別，片片扎肉內藏有立立豬耳骨，非常爽口，食落shot shot聲。沙甸魚軟包 ＄22細細個，但內藏厚厚的沙甸魚，加埋腌酸的紅白蘿蔔和青瓜絲，野味得來又青新！炎熱天氣冇乜胃口，食個飽也不錯！牛油果奶昔 ＄25 牛油果健康係人都知，但多數用來製作三文治和沙律的，而奶昔則是第一次試，濃濃的牛油果香，和奶打在一起既線又滑，又冰涼，正正正！馬豆糕每天新鮮製作，滿滿的馬豆好有哨頭，而椰汁糕軟硬適中好吃！杧味糯米卷睇到就流口水了，果肉又厚又大又甜，而糯米皮煙煙韌韌又有椰奶香，只不過皮有點兒厚！