鍋心粥底火鍋 (Moved) New Location

昨天跟同事白天上課, 實在太悶了 ; 到了吃 LUNCH  的時候又等得超久,  想到這麼人齊, 便想一下晚上去那裡吃.  我們那位吃貨靚女同事推介了這間 '鍋心粥底火鍋'.  $198.00 沒加一 ,  7 樣海鮮再加 5 樣自選, 不包飲品．聽落都 OK 禾.  我們去了 '佐敦' 那間, 去到等了10 min (各位吃貨靚仔靚女, 記得要訂位, 不然不知有冇得你等 ^0^).  入去第一個感覺真的...說真的...差 , 太細了, 跟著我們一行 8 人, 上了一條天井樓梯,   脏到你... 入到去, 也是超逼, 沒辦法寸金尺土, 明白的. 坐了, 先拿一盤 (放了在抬面不知多久的番茄沙律  , sorry 這真的不衛生, 雖然是雪過的, 但如生冷菜本來就多菌, 客人吃了壞肚子,  可能賴了你的食物不潔就不好啦, 如客人不吃 (像我們) 又好像太浪廢食物.  跟著海鮮來了，第一道是羔蟹，我的最愛，蟹羔很鮮甜；第 二道是鮑魚，非常彈牙．（溫罄提示，請參考店主的煮海鮮時間，之前因認為熟D好，但過了火，彈牙都 變了黐牙　．　跟著吃花甲 / 白沙蜆，這也很鮮甜，沒沙，處理工夫做得不錯．

同朋友試海鮮火鍋，起初諗會唔會唔夠食，點知最後居然食唔哂！首先介紹吓呢間火鍋店嘅食物先…198免加一，每位包7款時令海鮮及自選5款火鍋配料…開頭睇落覺得好似分量少，但坐底後啲食物不斷送上已經feel到超抵！一開始會有碟沙律送嚟開吓胃先！然後就開始送上海鮮…今次我哋有蟹，多寶魚，蝦，鮑魚，大蜆，花甲，黃金蜆，沙白…全部新鮮同超甜！肉蟹又肥！隻鮑魚勁大！啲蝦係仲跳架！一路食一路有人幫你執碟，提你計時落海鮮，因為每枱都有個計時器，跟著牆上面張猫紙就會有教你煮海鮮時間！食到一半，我哋點自選配料，啲肉好靚，佢哋俾嘅質素同去啲貴舖頭差不多，好似我哋點豬腩片，肉質爽，唔肥膩！肥牛唔係雪花牛，而係無肥膏嘅切片牛！最得意係啲花膠，灼完好林好軟，仲要成大碗送上！尾聲會有侍應幫您加粥膽煮海鮮粥，所以建議大家夾嘢食時唔好插自己對筷子落去，因為最後尾加粥膽變海鮮粥嘅粥底就係個打邊壚鍋！個海鮮粥係勁甜！另外佢哋亦有優惠海鮮俾人加料，當日我哋有12蚊隻蟶子同扇貝…仲有…佢哋係唔包嘢飲，不過嘢飲絕對唔貴，都係十幾廿蚊…下次絕對會嚟再幫襯…

曾經喺鍋心剛開業不久嘅時候，同朋友黎過，當時覺得好抵食！期後再介紹唔同朋友再黎，都依然覺得好食。週日唱完K打算要搵飯食，六點鐘先打過黎問下有冇位，都係搏住一試無妨嘅心態，因為平時即日打黎，一係話冇位，一係就要11pm後。點知又咁好彩，店員覆8:30pm有位，即book！尤其佐敦店，想食記得預約。於是，我同男朋友就四訪喇！同行仲有4位朋友係第一次食，大家都覺得唔錯，幾滿意，捧腹離開！價錢方面，基本收費係$198/位，冇加一，包括：7款海鮮+ 5款配料+ 粥底、粟米粒、南瓜粒、芋頭粒，全部人份量，唔係任食，飲品另計。海鮮係根據當日供應，但食過幾次，都不外乎係蟹、蝦、鮑魚，貝殼類、多寶魚。5款配料就喺呢張紙揀，款式不少，通常我地就揀肉類，丸類。如果覺得唔夠食，仲有收費追加配料。平時我地都有追加少量食物，但次次都會飽到傻。因為唔追加都好夠食。首先送上一份沙律。店內貼左唔少提示，都係建議先落海鮮，後加南瓜粒、芋頭粒等，然後食其他自選配料，最後加入粥底，等啲粥吸引精華。肉蟹 (6人份)3隻蟹，size唔細，主要粥底味道源自蟹、肉類，所以蟹都要有咁上下新鮮蟹肉鮮甜，肉都算多，好好食！海蝦蝦好生猛，每