河內越式料理 (村南道)

Open Now

Now Closed

而家睇網上食評會好謹慎因為怕睇到鱔稿 跟住去食會中伏見到呢間餐廳咁多一面倒既好評其實有d驚🤣🤣但今日真係好想食越南野見佢又近近地就去一試究竟d食評果然無講錯生牛肉湯河粉好好食 其實主要係因為湯夠濃 好好飲有d胡椒味 微微辣 味道好有層次如果淨講麵質同牛肉佢唔係最top 但加埋d湯 成碗麵就超好食!!!好推薦佢既湯河 食果時一定要飲埋個湯!!!米卷就不過不失個皮有d太厚太煙韌變左食一兩件已經覺得滯個人中意食皮薄既米卷多d唔收加一 湯河$58 米卷$48我覺得價錢合理

老公系大圍附近做完野成8:00 pm 就係附近食埋野先反屋企😎😎😎😎經過見到間越南野，個餐牌D食物太約60-80就有交易，價錢比較大眾化👍👍👍就入去試吓啦Order 左河內生牛肉湯河粉越式海南雞飯可以追加小食越式炸春卷 $21越式豬頸肉23青檸梳打🍹🍹🍹紅豆冰海南雞好滑👍👍👍👍👍佢比一般嘅黃油飯冇咁油，健康D.生牛肉湯河必食推介，老公連D湯都飲晒下次可以再黎😋😋😋😋😋人均消費$120

今晚晏左收工煮唔到飯所以就喺屋企附近食😝呢間河內越式料理位於大圍站旁位置夠哂方便！等左一陣先有位坐低已經有員工遞上熱茶杯茶好香，好好飲🤤🟣 越式豬頸肉撈檬 $62 🟣份量好大，豬頸肉煎到外脆內軟👍，上枱仲係熱既，配上生菜絲、蘿蔔絲同青瓜絲，口感清新🟠 河內生牛肉湯河粉 $58 🟠湯底味道好清甜，加埋青檸汁，算係好食👌牛肉片仍帶點血色，唔會太熟～⚪️ 上湯灼生菜 $15 ⚪️因為唔想淨係食肉，追加一份生菜，幾大碟，唔錯

枱距1.5米生效後，第一次出外用餐。今日去開大圍做嘢，見火車站對面哩間越式粉麵店晚市大大碗越南粉麵都係五六十蚊，就食埋先返屋企。食店枱距雖然冇相隔1.5米，但每張枱旁邊都有透明膠板相隔，而且每個食客入座前都一定要量體溫，每張枱上面亦有消毒酒精，令人食得放心。各式河粉檬粉由$58至$72，大大碗夠兩個人食嘅越南火車頭都係$120，另外仲可以加錢要野飲同其他小食，以晚市價黎講都算平。河內生牛肉湯河粉($58)要睇一間越南餐館好唔好食，當然要試佢地嘅牛肉河。哩個生牛肉河啲牛肉好大片，而且得三成熟，口感非常軟嫩。河粉雖然冇得同越南當地比，但都夠薄夠滑，而且粉量好多，就算男人食都一定夠飽。湯底飲得出係牛骨煲成，濃甜得黎食完都唔會覺得口渴，絕對唔比其他人氣越南河店差。順化番茄蟹肉扎肉湯檬($66)哩個番茄湯檬裡面有豆卜、扎肉、蟹肉同肉碎，非常足料，番茄湯底酸香度啱啱好，開胃得黎唔會太酸，檬粉份量一樣咁多，食完超飽。越式炸蝦餅($29)凡惠顧任何粉麵都可以以優惠價追加小食，哩個炸蝦餅細細份，兩個人share食啱啱好。蝦餅炸皮唔會太厚太硬，口感爽彈，蘸酸甜醬食味道唔錯。椰汁三色冰(跟餐加$12)三色冰