六福菜館

Open Now

Now Closed

黎到西貢當然要食海鮮，於是簡左依間米之蓮餐廳，入到去坐低都好舒服，兩個人食，所以都唔係叫左好多野食，全部都好好食先講炸豆腐，我地叫左半份，外脆內軟，好好食，椒鹽好正，我覺得必試油鹽水花甲，好好食，啲蜆好新鮮，完全無沙，啲粉絲我覺得係偏少嘅，但因為我地兩個人食，所以剛剛好 椒鹽鮑魚，超級好食，九孔鮑大大隻軟熟又有彈性，超易切，外皮香脆，入面鮮甜，十分推薦，必試！欖角骨，甜甜地再配欖菜味十分特別，但個人覺得有少少太多蜜糖，如果凍左變到有點硬最後係椒鹽瀨尿蝦，肉質超嫩又鮮甜，勁好食，但個人覺得有少少貴埋單千二蚊左右

由學生時代已經去西貢食海鮮，以前都係幫襯全記，但係自從食過六福之後，每次嚟西貢都係去六福食！六福並冇海鮮魚缸俾人揀海鮮，所以種類冇咁多，但係六福就係以食物水準嚟吸引同埋留住食客！食得多咗，有時會見到佢嘅老闆老虎哥阿Sam，佢相當好人亦好好傾！每次去都一定會食海鹽蒸魚，多數都係食黃皮老虎班，今次都唔例外！如果唔係要食好滑嘅魚，黃皮老虎班係好抵食嘅魚，佢只係紅瓜子班價錢6成左右！有個有趣嘅情況，就係佢哋上菜好似都有個既定次序，今次嘅次序亦一樣，最先係椒鹽鮮魷，之後係油鹽水花甲，跟住係海鹽蒸黃皮老虎班，再嚟燒雞，最後係竹笙菜心。飯後水果都係西瓜，不過每人最多都只得3塊！有一樣值得一提係佢餐前小食嘅炸菜，非常好食又開胃，次次都食曬！椒鹽鮮魷 – 各類椒鹽都係六福嘅強項，好似椒鹽豆腐，椒鹽鮑魚咁都做得好好。我自已比較偏好鮮魷，不過就好睇嗰時啲魷魚靚唔靚，點嘅時侯都會問問啲夥記！今次嘅椒鹽仍然係高水準，鮮魷亦唔錯，只係有一兩塊差咗小小。有啲奇怪係今次完全冇魷魚頭同鬚！油鹽水花甲 – 花甲亦一樣，要問吓夥記先決定叫唔叫，今次嘅花甲，雖然比我食過嘅最肥嘅細咗好多，但係就好好味又唔韌。不過今次係用姜而我

今年度米芝蓮新晉的星級餐廳,最令人莫名奇妙的"星",是在西貢的"六福菜館".沒有全記的高調,但是受到眾米芝蓮試食員眷顧,應該本身有一定料子.月前的周日晚上,聯同多位朋友,來到六福"摘星".我們佔兩圍,坐樓上.環境光鮮整潔,安頓了之後,便聯同陳真兄去買點海鮮,他是識途老馬,知道邊一檔海鮮店的貨色又平又靚.不消一會,收鑊甚豐.看看餐牌上的油料費價錢,並不貴,拿條象拔蚌來做刺身,收$90左右.開瓶費$30一檯任開,除手頭上的海鮮,再加些店內其他菜式,可惜是沒有訂到西貢魚湯.在海鮮檔找到不常見的狗爪螺,$20一份,買一份來白灼當前菜吃,吃法如吃瓜子,將外層的殼剝調,取內裏的少少肉吃.雖然吃法如瓜子,味道同質感當然大不同,肉質爽帶點韌,味道鮮甜.席上大多人沒有吃過此味,用這個狗爪螺來打頭陣,挺新鮮.一大條象拔蚌,切出來其實沒有幾多肉食.薄薄的象拔蚌片,新鮮爽口,沾一點日式醬油吃,能夠提升鮮味.之後便到油鹽水花甲,這個花甲是店方供應.每隻花甲肥大肉厚,用油鹽水處理,完全將花甲的鮮味發揮.而油鹽水味道極為鮮甜,當湯喝也不拘.自攜的蟶子皇,最佳處理方法當然是蒜茸粉絲蒸,新鮮的蟶子自然鮮甜又彈牙,蒜茸撈