米走雞 (太子藍馬之城)

Open Now

Now Closed

今日氣溫急速下降❄️最好就打返個靚邊邊🐔女食神💃🏻話想食雞煲🍲所以即刻book枱開餐藍馬之城米走雞🐥地點超方便🚝太子地鐵站隔離20步🚶🏻就曬女食神火焰麻辣雞煲🐔我唔肯定係唔係新鮮雞🐔不過食落去超有雞味😋絕對唔會有雪藏雞嘅雪味❄️要咗BB辣🌶️辣度適中👌🏻起火🔥嗰下超震撼手切霜降牛頸脊🥩超濃牛味🐂油脂分布均勻🧈 10秒上水💦入口即溶🤤美國桶蠔🦪大大隻肥𧐢🦪食落冇渣，非常鮮甜😋雞子🫘好難買到新鮮雞子🫘雪藏雞子同新鮮雞子係冇得比🤷🏻‍♂️靚雞子每粒都粉嫩粉嫩💖咬落爆汁油麥菜☘️最後食返個油麥菜🍀清一清剛才濃烈嘅味道🌶️簡直如沐春風🌬️價錢唔算貴，兩個人食啱啱好👍🏻

今晚係即興局，好想打邊爐🍲又想食雞煲🐔所以就揀咗依間已經開咗一段時間又非常近我屋企嘅米走雞🤩聽過依間米走雞非常出名嘅芝士雞煲好耐，今日終於可以試試咩料子🤪7:00準時到達，帶埋靚女開始點餐😍黃金芝士或者火焰麻辣兩款雞煲，當然係揀黃金芝士啦🧀黃金芝士雞煲🐔單單係顏色已經好吸引，雞肉🐥芝士🧀洋蔥碎🧅再加埋薦底嘅蔬菜🥬色彩繽紛，維和感十足💯加熱後馬上食得，第一次食芝士雞煲，因為雞同芝士都係我好喜愛嘅食物，兩種喜愛嘅食物加埋一齊就= 非常喜愛🥰雞肉新鮮👍🏻用咗兩種芝士烹調🧀🧀唔需要點豉油都覺得好好味😋兩個人食小份芝士雞煲已經好飽飽🤪青島啤酒🍻用嚟清一清口腔裏面餘下嘅芝士味道，又可以準備食火鍋🍲加入清雞湯，準備食火鍋🍲特級雪花肥牛🥩雖然叫小份，但係都分量十足，單單睇肥牛嘅色澤同埋雪花嘅分布，就知道係靚牛🐮手打鮮墨魚丸🦑真係彈牙到不得了！我一個人食咗三粒，食到唔停得口😆油麥菜🥬食完重口味，要食D新鮮蔬菜清清腸胃山藥🥔加上雞湯，今餐非常完美🥰

今晚來吃邪惡芝士雞煲 到達餐廳，店員為我們探體溫後，便入座了。座位算寬闊，坐得舒適。首先我們點了一個前菜，是涼拌木耳拌海蜇。味道非常辛辣，而且很麻。涼拌菜十分爽口，吃完很開胃。我們點了一個2-3人份量的芝士雞煲。芝士碎我們選擇了增量。佈滿芝士的雞煲賣相非常吸引，光看已經在流口水了。湯底是非常濃郁嘅芝士湯，而雞上是芝士溶和洋蔥，吃每一口雞都有濃郁的芝士香味。雞肉肉質滑嫩，而且好大件，份量好多。我吃完一半雞煲都已經七成飽了。炸響鈴色澤黄亮，吸了湯後鮮香味美。然後點了半份芝士腸，用芝士湯底煮芝士腸，絕配。芝士腸外皮香脆，咬落內裏的芝士汁爆出來， 十分美味。油麥菜新鮮，煮後帶清香甜味。最後把辛辣麵放落鍋，煮5分鐘。美味的芝士辛辣麵就完成了 吸了湯的辛辣麵充滿濃郁芝士味，軟硬適中。配芝士腸和油麥菜，美味可口。吃得十分滿足。餐廳店員服務態度非常好，清碟速度非常快，還會主動詢問客人有沒有需要幫忙。不錯

疫情稍稍有回落的跡象，今天又是星期五實在太耐太耐冇見過好朋友了，一於約三個好朋友，一齊去打個邊爐𣈱食𣈱飮一番，經過商量終於決定，過年前已經約定到現在終於可以一嘗「米走雞」食雞煲打邊爐。火焰麻辣雞煲(小辣)雞煲陣陣飄香，尤其是麻辣雞煲，材料豐富如果喜歡啖啖肉，這裏的雞煲你一定喜歡，因為選料全部用上雞脾肉，雞肉香滑多汁加上秘製醬料非常惹味。大虎蝦大虎蝦，肉質鮮甜爽口，隻隻都有一隻手板咁大真係好過癮白鱔片白鱔片，刀工了得切得厚薄適中，入口軟滑鱔味香濃。手打鮮蝦丸手打鮮蝦丸，鮮味十足除了蝦膠外還有一隻隻鮮蝦很足料，入口爽彈有質感。油麥菜新鮮油麥菜條條挺身，油麥菜獨有的菜香味，加上麻辣湯汁好食到飛起。紅薯粉這個紅薯粉又是一絕，喜歡食酸辣粉的人這個絕不要錯過，除了麻辣味還有所有海鮮的精華味道，煙煙韌韌味道豐富。涷檸樂打邊爐點可以冇凍檸樂，尤其是食麻辣雞煲配凍檸樂，就是一個開心的組合。

朋友聚舊，真的要找間坐得耐又啱食的餐廳。可以一邊傾訴一邊食美味的東西，真的一大樂事。朋友仔帶我去吃旺角出名的芝士雞煲專門店。真的沒有聽錯，芝士火鍋，應該冬天先出名，想不到夏天也很多人吃。 上菜時先來一大鍋雞煲，好多黃金芝士，加上白色芝士和洋蔥，已經感受好芝味了。等待雞煲慢慢煮溶芝士後，先來嘗一口雞，好香濃郁芝士味，雞肉佈滿芝士，不會覺得膩，愈吃愈滋味。並且留意到身邊好多女孩子，都會點芝士味吃，果然是女孩子的至愛。吃飽雞後，再加清湯，繼續打火鍋，我們點了脆肉鯇腩，脆口鮮味。手打鮮蝦丸，都系彈牙爽口。還有點了解渴美味的酸梅湯，濃郁酸中帶甜，充滿烏梅的香氣。侍應也細心教導食雞煲的方法，有禮殷勤，不錯不錯。

不得不說，我真的鍾情於吃火鍋，尤其是這間──米走雞。每過一段時間就會心思思要來光顧一下，吃他們的招牌：芝士雞煲。這晚天氣稍稍轉涼，我們又到訪他們的太子店。今晚沒有吃太多東西，首先要的當然是芝士雞煲(激量)。隨着芝士被加熱，一陣陣香濃的芝士香氣徐徐飄進我們的鼻子裏，誘發了我們的食慾，大大件的雞腿肉，淋滿了芝士汁，入口香滑而且啖啖肉，現在回想起來仍是會令人垂涎三尺的！油麥菜：我們一直都很欣賞他們食材夠新鮮，這籃油麥菜就是一個很好的明證。大棵粗壯，多汁爽脆，蘸滿芝士湯汁又是另一番風味！豆腐：對，又是豆腐！吃火鍋又怎能不吃豆腐呢！豆香而且軟滑的質感，令人無法捨棄。虎蝦：六隻體型巨大的虎蝦，新鮮彈牙，同樣是我們吃火鍋的必然選擇。最重要是這裡的虎蝦質素高而價錢不貴，十分抵吃！加上冰凍下火的咸檸七，簡簡單單的一餐火鍋，卻是叫人吃得滿足！

好耐冇食過雞煲啦，聽聞呢間咪走雞雞煲出名啲雞好滑，所以同朋友就黎試吓哈哈呢間米走雞地點好方便，太子站行幾步就到啦，夜晚驚好多人所以一早book咗枱上到去餐廳環境幾闊落坐得都好舒服唔會好迫😃佢哋有兩款雞煲，芝士雞煲同麻辣雞煲，我哋就揀咗麻辣雞煲，自己唔係好食得辣就揀微辣，雞煲好快就到放低已經聞到好香雞煲味啦~好快就食得 啲雞超大嚿啖啖肉而且好滑，加埋惹味麻辣香料好好味~ 👍🏻嗰度嘅服務員好有禮貌又細心，又有推介湯底火鍋料俾我哋，值得一讚！食晒啲雞就預備加湯底食火鍋啦，因為本身雞煲就已經好多香料又有小小麻辣加埋啲湯做火鍋湯底都幾正，食到舔舔脷😛火鍋材料都好多，我哋叫咗手打墨魚丸、芝士腸、蟹棒、響鈴、貢丸同雜菇拼盤...材料太多我哋都叫唔晒哈哈 再加杯鹹檸七送火鍋 大滿足呀！😆

我生日前一日朋友約我食雞煲，我地想來米走雞，因為上次食既芝士雞煲好正，今次黎要食麻辣雞煲！先點左一個麻辣火焰雞煲$168再來就係火鍋必做「自製醬汁」！有辣椒、生炸蒜、蔥呀、麻醬可以選擇，一上雞煲見到成煲雞好香好惹味，等職員幫助炒一炒，再表演埋火焰燒雞，就急不及待開餐啦！😋火焰燒雞好震撼，必須相機先食😎雞肉真係啖啖肉呀，大部份都係脾位，我地真係好彩呀😂材料有大量洋蔥，我同朋友都大愛洋蔥，洋蔥吸晒湯汁好入味，我地都要搶食😂另外我地點左蝦中寶、炸響鈴、餃子拼盤、油麥菜。蝦中寶有六件大大隻，蝦膠好彈牙，唔係一般開粉打成，每個裡面都有起碼兩隻蝦，放湯火鍋真係好正，必點！炸響鈴都係六件大大件，絕不欺場餃子拼盤有韮菜餃、牛肉餃、雲吞、水餃，隻隻都大大粒，好滿餡肉，好味～油麥菜好新鮮，洗得乾淨最後其實我地係食唔晒，我地包左剩餘既雞、蝦中寶回去😎呢度好處係唔係任食，食剩可以打包，又可以坐耐少少唔會趕人走，每人二百拎蚊又食又拎又好味，下次一定會再幫襯😁

朋友仔生日，知佢係芝士控，又鍾意食火鍋喎，一於去食芝士雞煲啦! 黃金芝士雞煲 - 有別於一般雞煲，呢款芝士雞連唔食得辣嘅朋友都食到，上枱一邊興住，一邊睇住啲芝士溶，已經流晒口水，再試吓啲雞，又滑又有芝士濃香，果然係招牌，正呀! 食完啲雞就可以加湯，keep 住啲芝味打邊爐。日本廣島蠔 - 好肥美，食落好 juicy，唔錯。日本鮮帶子 - 帶子好鮮，一啲都唔韌，好味。手打五寶丸拼盤 - 啱啱晒心多多嘅我哋，可以試多幾款丸，我自己就最鍾意食彈牙嘅蝦丸。翡翠苖 - 好新鮮，爽脆又清甜，仲索咗啲芝士味。油麥菜 - 食返啲菜平衡返，又可以再繼續食落去。脆鯇片 - 脆鯇片好彈牙結實，好有魚味。西班牙黑豚肉 - 黑豚肉嘅脂肪分佈平均，一睇就知係靚貨，食落甘香無渣，仲要好有肉味，好味。鮮炸響鈴 - 每次打邊爐必叫，因為可以吸盡湯底精華，香口得嚟又帶有陣陣芝士味。竹蔗茅根 - 食打邊爐咁熱氣，飲涼水下下火就最啱，味道唔會過甜。最後每人請埋朋友埋單都係三百幾，好味又抵食呀!

有朋自遠方來,朋友由台灣黎咁帶佢食下好野今日黎到旺角既米走雞食佢個芝士邊爐因為朋友特愛今晚叫左以下食物黃金芝士雞煲,竹蔗茅根,西班牙黑豚肉,日本廣島蠔,日本鮮帶子,手打五寶丸拼盤,油麥菜,翡翠苗,鮮炸響鈴,脆鯇片黃金芝士雞煲---打邊爐最緊要係咩,緊係湯底啦,先黎過芝士雞先,好香口既芝士加埋雞混起黎食,超正呀西班牙黑豚肉--好香既豚肉味,食落好有豬的味道呀日本廣島蠔--滾黎食,香口,好有蠔味日本鮮帶子--帶子仲有金菇,粉絲,一碟滿足3個願望啦,帶子都算厚身,都好鮮味,正呀手打五寶丸拼盤--5星戰隊咁,5隻口味....D丸唔會好粉咁,係好足料真係好好食,各有特色,鮮味油麥菜--好新鮮,落入芝士湯底黎打邊爐吸一吸味好正呀翡翠苗--加入去一起打邊爐離奇咁夾咁好食,新鮮就基本野仲有夾味鮮炸響鈴--拳頭咁大既鮮炸響鈴,好正呀,吸埋芝士底,COOL啦啦,爽呀脆鯇片--新鮮既鮮味,爽口竹蔗茅根--5餅2魚咁,飲極都仲有,夠晒4人一起飲,好過飲汽水呀,又清熱,正呀

時代不同，從前要得悉某某地方有否某某食物提供，得靠電視雜誌的廣告或朋友的介紹，現在，用電話上網按幾下，便可知某某地方有某種東西吃。因應這個方便，加上租金問題，很多食店到走了上樓經營掙扎求存。想打邊爐，就是從網上得悉「米走雞」這間生存在太子藍馬之城二樓的食店，說真，在街上走過這座商廈的地下，是不會發現這店的存在。我們一行大小九人，並已訂位，而店方安排了一間細房給我們自成一角，大樂！走進房前，經過餐廳主廳，或許顧客未到，樓底亦過，感覺很寬敞，但地下有點滑，店方真是要注意一下。檯面有兩個電爐，可同時使用兩鍋，我們分別點了「黃金芝士鍋」和「火焰麻辣鍋」。先說「火焰麻辣鍋」，店員對著鍋內點火，煲內便起火，店員為我們將煲內的雞、洋蔥、酸菜和醬料等等不停攪動，那香味直撲鼻子，令人垂涎，非常吸引和過癮，想即吃，但店員說不，需要蓋上蓋子焗一分鐘才可吃。待一分鐘後，開蓋便吃一口雞肉，雞肉嫩，但未入味，再煲多幾分後，再吃一口雞來，入味了，醬料令雞有點鹹，少許辣，但不久嘴唇都麻痺起來。看來，店員說焗一分鐘是不夠，再多幾分鐘便太鹹，那焗一分鐘的建議看來是錯了，相信焗兩分鐘味道便剛好。這個煲，鼻的感覺比脷的感覺滿

家中接二連三發生大事, 心情大為不佳. 想大吃一頓發洩, 致電3位好友, 二話不說便出來陪我, 朋友真好.  這個有個能坐10-12人的包房, 感覺不錯. 真想約一大班朋友來大吃一頓.  第一次吃芝士雞煲, 這裡採用的雞頗厚肉而且切得大塊, 由於有店員提示雞已熟, 芝士煱熱起便可吃, 雞肉的質感很滑(估計是雞件有好好的做過泡油處理). 沾上芝士汁後, 芝士的濃香與雞味配合得相當好.  接著上場的是麻辣煲, 放上枱後, 店員便點火及將雞件略炒, 香氣四溢. 店員說裡頭除香料外, 有紹酒, 米酒等. 想一想, 米走雞可能是米酒雞.  酒精燒得差不多後可以拿雞件吃, 雞件嫩滑外帶有麻香辣香, 蔥, 芫茜, 辣椒等混合成誘人香氣. 個人較喜愛麻辣多於芝士 第一樣吃的材料, 大虎蝦, $88有6隻(太興奮忘記拍照 ) 雖不是活蝦但肉質結質且價格相宜. 用麻辣湯底焯相當好吃.  級數普通的雪花肥牛, 但份量頗足. 配麻辣湯底惹味但芝士湯底更帶出牛味. 質感柔軟而爽口的竹笙配上墨魚滑, 不錯的組合. 配麻辣不錯. 四拼餃全部手制, 頗具特色. 油麥菜向來是我的至愛之一, 但今天面對翡翠

久聞呢度有得食芝士雞煲啦，今次就約左幾個中同黎食。不過我唔小心遲到了，係對住d老朋友先會遲咁耐好彩佢地都冇怪我，同埋食住等算佢地都幾醒目啦，叫左我最想食既芝士雞煲，仲要係大既，＄188呢個價真係唔貴啦見到個煲好多芝士，夠哂香又有咸香，不過就唔係好似平時食既雞煲咁惹味，因為佢係芝士丫嘛佢地仲叫左幾款野食都好得意，分別有好多粒既手打五寶丸，全部都係手打架真係粒粒都啖啖肉呀仲有呢款「麵」佢地特登等埋我一齊玩，我都係第一次咁樣擠d「麵」出黎，其實係類似魚滑，不過用左比較得意既手法去present咁。入面加左黑松露，所以都好香食得多重口味野要食返d油麥菜清清個胃，好新鮮！同埋呢度既野飲都有好多選擇，特別係咸檸七真係將個杯雪凍左先，都幾細心架