高興+ (Closed)

之前去左北角呢間餐廳食晚飯, 唔係第一次去食, 不過佢轉左MEAU, 所以今次叫既野食同之前係唔同既我地叫左個小食<黑松露薯條>, 呢個係次次食親都會叫既食, 佢既薯條唔會話淋, 同埋個黑松露醬真係好好食,相信都係自己調, 而唔係買現成既主食方面我地就叫左個辣肉腸煙肉PIZZA, 本人就喜歡食薄D既PIZZA, 所以佢個PIZZA真係好岩我食, 不過佢個辣肉腸就唔多夠辣啦, 如果怕辣既朋友相信都食得到另一個主食就係法式橙醬三文魚扒, 因為有橙醬, 所以油膩感唔高, 食既時候覺得好FRESH, 不過份量就有點少, 如果大食既朋友就應該唔夠食另一個主食係牛扒, 友人話好好食, 有肉汁又唔韌, 佢配左個汁, 朋友就話加埋個汁係好食好多,到埋單個時, 佢地仲送左枝野飲!

有好野當然要分享吓，中西 fusion ，菜式選擇多。重點係抵食好味又好坐，而且餐廳近北角碼頭，食飽仲可以去散步，幾好！沙律同薄餅，幾十蚊有交易。扒類就百零二百，多選擇的。大量特飲，二十幾三十咋，茶仔價柚子大蝦沙律 $76頭盤叫個柚子大蝦，很大份，新鮮抵食的。亦特別欣賞佢既沙律醬，酸酸地，開胃又美味。配埋冰凍的有汽酒，平平地都可擁有高質享受。法式橙醬三文魚扒 $172魚皮薄，但充滿魚油香。魚皮煎得好脆身，魚肉仍然是滑的，唔會鞋口。配合橙醬橙片同香葉，頗新鮮的口味。底層配上不少蔬菜，有豆角同蕃薯片等，健康好滋味。蒜香車厘茄帶子寬條麵 $88三粒超珍寶帶子，煎到好香，聞到都令人感到肚餓了。咬落皮係脆脆地，而帶子肉仲係好多汁，好滿足。寛條麵煙煙韌韌得來又有蛋香，配上蒜香汁是好味的，可惜份量少了點，兩人分唔夠噃。不過價錢唔算貴，八十幾蚊，合理的。餐廳都有 Happy hour 價，兩款酒的質素都尚算不俗，四十幾蚊杯真係抵到爛。高興白酒 $46 （後）口感比較乾身，有果香。有氣酒 Riondo Mosca $44 （前）夠冰涷，果味濃郁而且甜甜地，易入口的。

一向都有幫襯開觀塘嘅高興，知道佢喺北角開咗分店，當然要黎捧場！沿用觀塘總店的風格，高興＋的裝潢也是充滿了80年代香港的元素，仲係要用人手劃位同埋摵飛嘅戲院燈箱，也可以在高興＋內找到。當然少不了的是上海理髮店的吧位！香港的Signture霓虹燈招牌～！仲有手繪的北角邨，超有心思的！焦糖拿鐵 $34焦糖味不算重，跟咖啡味很平衡，最正係跟主食一齊嗌有半價，只需$17！熱情果白茶益力多 $28淡淡的茶味中夾雜著熱情果味和乳酸味，好特別，而且特飲只係廿八蚊，都幾抵飲！意式蕃茄醬肉丸 $38質地和味道有點像IKXA的肉丸，但醬汁的茄味酸酸甜甜的，非常開胃！柚子大蝦沙律 $76蝦肉結實甜美又大隻，醬汁內加入了蝦米碎，增添了口感和咸香味，更覺醒胃！墨西哥脆片配牛油果醬 $34香脆唔油，勁大兜，食極都有！卡邦尼煙肉意大利粉 $68落足料，勁多煙肉，份量亦頗多，好味又抵食！法式橙醬三文魚扒 $172橙醬唔酸帶甜，充滿了橙香，正好中和了煎香的油膩感！三文魚扒的火候控制出色，香口得黎唔會覺得乾身！配菜的豆角和薯仔也很美味，千萬不要錯過！

今日同朋友有啲野做，所以要喺北角食晚飯，行行吓，搵到一間裝修幾特別幾靚嘅鋪頭，鋪頭內有啲懷舊嘅風格但卻有着現代嘅裝修，最重要嘅係，坐得幾舒服。諗住可能會好貴啦，點知價錢合理，入到黎都可以放心嗌嘢食。我哋叫咗佢個招牌雞翼，大蝦沙律，橙汁三文魚扒，茄汁帶子燴意粉。高興雞中翼牛油果醬忌廉好好味，味道好濃郁，仲要隻隻好大隻，大隻得來裏邊又唔會唔熟同埋嫩滑。點埋牛油果醬嘅話會更加好，因為感覺仲新鮮啲。如果下次再來，我覺得一定要再食。柚子大蝦沙律分量足夠，味道有啲特別，因為佢落咗小小椰汁，令到食出嚟同一般嘅感覺好唔同。沙律柚子，蝦，仲有nuts同車厘茄，撈埋一齊食，唔錯。法式橙醬三文魚扒賣相唔錯，尤其係個一片橙，雖然我冇食，但係呢度睇都幾靚， 再配埋啲薯菜，個樣出晒黎。三文魚扒煎得幾好，唔會overcook，煎得幾香。茄汁帶子燴意粉有三粒大大粒嘅帶子，茄汁同意粉依個配撘都係冇得輸既。食完一啖就想食下一啖，同埋都幾大碟，最後好似食剩少少。蘋果菠蘿石榴羽衣甘藍依樽野淨係需要加$9就有，我就覺得好抵。飲落去有少少酸味，但唔係變壞個隻，應該係有石榴到走出嚟。好飲！總結：如果我再去北角食晚飯嘅話，我會再揀依